EFETIKILO 15:17 - Embimbiliya - Bíblia Sagrada em Umbundu

¹⁷ Eci ekumbi lia iñila, lowelema weya, oco iko lia tunda owisi, kuenda ocitonga ca taima, via pita pokati kovinimbu viaco.

EFETIKILO 15:17 Iomraidhean Croise

EFETIKILO 15:10

Oco wo nenela ovinyama evi viosi; wa vi tola pokati, kuenje wa kapa onele konele yikuavo; otunjila tuaco puãi ka tu towile.

II SAMUELE 22:9

Kovanyulu aye kua tunda owisi. Komela kua tunda ondalu yi lialia. Kokuaye kua mõleha ovilienge via tunda kondalu ya taima.

I OLOSOMA 18:38

Oco ondalu ya Yehova ya loka, yu ya ha ocilumba coku pia elisi lolohui lovawe lonata, ovava ovoluvila ya nyuamo lakata!

I ASAPULO 21:26

Daviti oko a tungila Yehova utala. Wa lumba ovilumba vioku pia elisi lovilumba viombembua. Wa vilikiya ku Yehova, leye wo tambulula londalu yokilu, yu ya lokila kutala wocilumba coku pia elisi.

ETUNDILO 19:18

Omunda ya Sinai yosi ya tunda owisi omo Yehova wa lokilako londalu. Owisi waco wa londa vilu ndowisi wofolono. Omunda yosi ya luluma calua.

ETUNDILO 20:18

Eci omanu vosi va yeva ovilemĩlo loviliakulo londaka yolumbeta lomunda ya tukuta, oco omanu va yokoka loku luluma, kuenje vamela kupãla.

ISAYA 62:1

Mekonda lia Siono, si ũha. Mekonda lia Yerusalãi, si puyuka toke esunga li tua ndocinyi, kuenda eyovo liaye li linga ndondiyelo yi taima.

YEREMIYA 11:4

cina nda lisila la vakukululu vene keteke nda vopa vofeka ye Egito, haimo vofolono yutale. Kotembo yaco nda popia lavo siti, Tavi kondaka yange, lingi cosi ndu sapuili, oco vu linga omanu vange kuenda ame ndinga Suku yene,

ESINUMUĨLO 4:20

Puãi Yehova wo nõli ene, kuenda wo wupi vofolono yutale okuti ve Egito, ho lingi omanu vaye muẽle ndeci vu kasi etaili.

LIOLONGANJI 13:20

Eci ulienge wokutala wa liakokaila vilu, oco ungelo wa Yehova wa londa lulienge. Manoa lukãi waye va kala loku tala. Yu va tuvika ovipala viavo posi.

LIOLONGANJI 6:21

Ungelo wa Yehova wa tandaveka ombueti ya kala peka liaye, kuenje losungu yaco wa lamba ositu lolombolo ka vi kuete etumbisa. Oco kewe kua tunda ondalu ya lia ositu lolombolo ka vi kuete etumbisa. Kuenje ungelo wa Yehova wa senguluka kovaso aye.