EFETIKILO 15:1 - Embimbiliya - Bíblia Sagrada em Umbundu

¹ Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

EFETIKILO 15:1 Iomraidhean Croise

EFETIKILO 15:2

Puãi Avirama wa linga hati, A Ñala Yehova, o nyiha nye? Ame ngenda ño lusiũle, kuenje u o piñala onjo yange Eliesere u Damasko.

EFETIKILO 15:4

Ondaka ya Yehova ya yevala kokuaye yiti, U heyeko o linga kapiñala kove, te umue omõlove muẽle woku licitila, eye o linga kapiñala kove.

EFETIKILO 21:17

Suku yu wa yeva ondaka yomõla. Omunga ya Suku kilu ya vilikiya Hagare yiti, Nye ca ku sumuisa a Hagare? Ku ka yokoke ño. Suku wa yeva uteto womõla pana a kasi.

EFETIKILO 22:1

Kovaso yovina evi Suku wa seteka Avirahama; wa popia laye hati, A Avirahama. Leye hati, Ame ulo.

EFETIKILO 22:20

Oco kovaso yovina evi kueya ava va sapuila Avirahama vati, Ocili, Milika leyevo wa cita omãla ku manjove Nahore;

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 31:7

haimo isiene wa niaña niaña ha pongolola ofeto yange ekui liolonjanja. Puãi Suku ka tavele okuti o ndinga lãvi.

II SAMUELE 22:3

Eye Suku yange, haeye ewe liange, kokuaye oko mbunda. Eye otevele yange haeye ombinga yeyovo liange. Eye ocikolo cange haeye ociwundilo cange. Eye upopeli wange. O mopela kungangala.

II OLOSOMA 1:15

Ungelo wa Yehova wa popia la Eliya hati, Loka kumue laye, ku ko yokokele. Oco wa katuka, wa lokila laye ku Soma.

I ASAPULO 28:20

Daviti wa popia lomolaye Salomone hati, Kolisako, kuata utõi, linga upange u. Ku ka kale lusumba, ku ka yokoke, momo Yehova Suku, haeye Suku yange, o kasi love. Eye ka ku tokoka, ndaño oku ku yanduluka, toke upange wosi wonjo ya Yehova u pua.

OLOSAMO 115:10

Ene anjo ya Arone, koleli Yehova. Eye oñuatisi yavo, haeye ombindikiyo yavo.

OLOSAMO 119:114

Ove wuciwundilo cange, haive wumbindikiyo yange. Ndavoka okuti ondaka yove yi lingiwa.

OLOSAMO 142:5

Mbilikiya kokuove, a Yehova. Ndinga siti, Ove wucikolo cange, haive wunepa yange vofeka ya vakuamuenyo.

OLOSAMO 18:2

Yehova ewe liange, haeye ocikolo cange, haeye upopeli wange. Eye Suku yange, haeye ewe liange, kokuaye oko mbunda. Eye otevele yange, haeye ombinga yeyovo liange, haeye ombonge yange.

OLOSAMO 27:1

Yehova eye ocinyi cange haeye epopelo liange. U njokokela helie? Yehova eye ongusu yomuenyo wange. Elie o ndingisa usumba?

OLOSAMO 3:3

Ove puãi, a Yehova, wuciyepelo ci mbindikiya; wulamba wange, haive wukuakumetula kutue.

OLOSAMO 3:4

Mbilikiya Yehova lolukandi, kuenje eye o nambuluila komunda yaye yi kola.

OLOSAMO 5:12

Momo ove, a Yehova, o sumũlũisa ukuesunga, haive u vindikiya lohenda ndotevele.

OLOSAMO 58:11

Omanu va linga vati, Ocili, ondingesunga yi mõla onima. Ocili, ku kasi Suku o tetolola kilu lieve.

OLOSAMO 84:11

Momo Yehova Suku eye ekumbi haeye ombindikiyo. Yehova ecaeca esumũlũho lekemainyo, Lacimue ciwa o ci limĩla ava va endaenda ca sunguluka.

OLOSAMO 84:9

Tala otevele yetu, a Suku. Vanja ocipala combuavekua yove.

OLOSAMO 91:4

O ku vindikiya lovonya aye. Ove o wunda vokati kavava aye. Ocili caye oco ociyepelo, haico otevele.

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

OLOSAPO 11:18

Ondingaĩvi yi tambula ofeto yesanda, ukuakuwaya esunga puãi o tambula onima yocili.

OLOSAPO 30:5

Olondaka viosi via Suku via setekiwa okuti viocili; eye ombetateli yava vo kolela.

ISAYA 35:4

Popi la vakuanguele hoti, Kolisiko, ko ka kuati usumba! Tali, Suku yene iya lefetuluinyo kuenda onima ya Suku; ocili iya, o vu popela.

ISAYA 40:10

Tali, Yehova Suku iya lunene. Okuokuo kuaye ku u vialelako. Tali, onima yaye iya layo, lofeto yaye yeyi kovaso aye.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 41:14

Apuka! a Yakoba! Ambuto ya Isareli! Ku ka kuate usumba! Yehova wa linga hati, Hu kuatisa, U o kola wa Isareli eye Onjovoli yove.

ISAYA 43:1

A Yakoba! A Isareli! Ca popia Yehova u wa ku lulika haeye wa ku sovola, ceci, hati, Ku ka yokoke, momo nda ku yovola; nda ku tukula londuko, wa linga wange.

ISAYA 43:5

Ku ka kuate usumba, momo ñasi kumue love. Njupa ombuto yove kutundilo wekumbi kuenje hu ongoluila kutakelo wekumbi.

ISAYA 44:2

Yehova, u wa ku lulika, haeye usovoli wove tunde vimo lia nyõho, haeye oñuatisi yove, eye muẽle wa popia hati, Okuenje wange, a Yakoba, a Nolĩwe yange, a Isareli wa soliwa, ku ka kuate usumba.

ISAYA 44:8

Ku ka kale lohele, ku ka kuate usumba. Sia ku ci sapuilile hẽ tunde kosiãhũlu loku ci lombolola? Ene muẽle vulombangi viange! Kuli nga Suku yikuavo, okuti ame hameko lika? Ka ku li Esenje likuavo, ame sia kulihile limue.

ISAYA 51:12

Ame, ame ndukuakukulemba; ove elie okuti o kuatela usumba omunu o fa, kuenda omõla omunu o lingiwa ndowangu?

YEREMIYA 39:17

Ove puãi hu popela eteke liaco. Ku eciwa peka liomanu ava o kuetele usumba.

ASIÕSUILO 3:24

Utima wange u popia, hati, Yehova onepa yange, eye njimba ondunge.

ESEKIELE 1:1

Kunyamo wakuĩ atatu, kosãi yakuãla, keteke liatãlo kosãi, oco nda kala pokati kolomandekua ocipepi lolui Kevare, kuenje ovailu a yuluka, yu nda mõla ovinjoinjoi via Suku.

ESEKIELE 11:24

Oco espiritu lia njelula, yu vocinjoinjoi lia nuala toke ko Kaldea kolomandekua. Oco ocinjõinjõi nda muĩle ca nunda.

ESEKIELE 3:4

Kuenje wa popia lame, hati, A Mõlõmunu, kuende kepata lia Isareli. Popia lavo olondaka viange.

ATENDELO 12:6

Yehova wa popia hati, Kaliye, yeveleli olondaka viange. Eci pokati kene pa kasi uprofeto, ame Yehova ndi lisitulula kokuaye vocinjoinjoi, mopia laye vonjoi.

ATENDELO 18:20

Kuenje Yehova wa popia la arone hati, Ku sangi ocipiñalo vofeka yavo, ndaño onepa yimue pokati kavo ku kuata. Ame muẽle ndinepa yove haime ndicipiñalo cove pokati ka va Isareli.

ATENDELO 24:4

Ocinjoinjoi ceya kukuakuyeva olondaka via Suku, haeye o muĩla muĩla ale kotulo ovinjoinjoi vi tunda ku Ukuonenewosi.

MATEO 28:5

Ungelo wa popia lakãi hati, Ko ka kali lusumba momo ndi ci okuti vu sanda Yesu wa valeliwile kekulusu.

MATEO 8:26

Kuenje wa popia lavo hati, A vakuekolelo litito, wa salukili nye? Yu wa votoka, wa lemela ofela lokalunga kuenje kueya etulumuho lia lua.

LUKA 1:13

Puãi ungelo wa popia laye hati, A Sakariya, ku ka saluke ño, momo elombelo liove lia yevala. Ukãi wove Elisavete o ku citila omõla, kuenje u luka Yoano.

LUKA 1:30

Oco ungelo wa popia laye hati, A Maria, ku ka yokoke, momo Suku wa ku nolela esumũlũho.

LUKA 12:32

Akacunda, ku ka kuate usumba, momo Isiene wa panga oku wihi usoma.

OVILINGA 10:22

Ovo va kumbulula vati, Kesongo lietu, Korneliu, wa lunguiwa lungelo umue o kola oku ku tumila okuti wenda konjo yaye, momo o yongola yeva ondaka yove. Eye omunu wa sunguluka, haeye wa sumbila Suku, kuenje va Yudea vosi vo wimbila uvangi uwa.

I VA KORINDO 3:22

Ndaño Paulu, ndaño Apolosi, ndaño Kefa, ndaño oluali, ndaño omuenyo, ndaño okufa, ndaño ovina via cilo, ndaño evi viya noke, viosi viene.

ESINUMUĨLO 18:2

Ka va kuete ocipiñalo kumue lavakuavo, Yehova eye o linga ocipiñalo cavo, ndeci a likuminya lavo.

ESINUMUĨLO 31:6

Kolisiko. Kuati utõi, ko ka kuati usumba, ndaño oku va lulumĩla. Momo u endela kumue love eye Yehova Suku yove. Eye ka ku tokoka, ndaño oku ku yanduluka.

VA HEVERU 1:1

Kosiahulu Suku wa popia olonjanja via lua lolosekulu vietu lovimẽla viovaprofeto. Wa nola olonjila viñi viñi vioku sapula ondaka yaye.

ESITULUILO 1:17

Eci ndo mola nda kupukila posi kolomãi viaye ndu wa fa. Eye puãi wa ndamba londio yaye, hati, Ku ka yokoke ño. Ame Tete, haime Kuasula,

RUTI 2:12

Yehova a ku muise onima ya soka lupange wove; onima yocili yu kuihiwe la Yehova Suku ya Isareli una ove weya oku vunda vavava aye.

I SAMUELE 15:10

Ondaka ya Yehova yeya ku Samuele yiti,

I SAMUELE 9:9

Ale ca kaile vo Isareli okuti eci umue a ka pula ku Suku eye o popia hati, Enju, tuende kukuavinjoinjoi momo u va tukola palo vati, Uprofeto, ale vo tukowaile ukuavinjoinjoi.