EFETIKILO 14:14 - Embimbiliya - Bíblia Sagrada em Umbundu

¹⁴ Eye Avirama wa yeva okuti ocimumba caye ca kuatiwa yu wa tunda lovita vitatu kekui lecelãla viakuenje vakuepata liaye haivo va pakisiwa, kuenje wa va landula toke ko Dani.

EFETIKILO 14:14 Iomraidhean Croise

EFETIKILO 12:16

Yu Fareo wa sumũlũisa Avirama omo Fareo wa sola ukãi; kuenje Avirama wa fuka olomeme, lolongombe, lovimbulu, lakuenje, lafeko, lovimbulu violomange kuenda olongamelo.

EFETIKILO 12:5

Avirama wa enda lukãi waye Sarai, la Lote ocimumba caye; wambata ovikuata viavo viosi va longeka, kumue lomanu va fukila vo Harane. Va tundako oku enda kofeka ya Kanana. Eci va iñila vofeka ya Kanana,

EFETIKILO 13:8

Avirama yu wa popia la Lote hati, Ka pa ka kale ño uyaki pokati kange love, pamue pokati kangombo vange langombo vove, momo etu tusitue.

EFETIKILO 14:12

La Lote, ocimumba ca Avirama, u wa tungile ko Sodoma, vo kuatavo lovikuata viaye, kuenje va enda.

EFETIKILO 14:16

Oco ovikuata viosi wa tiuka lavio kuenda Lote ocimumba caye wa tiukavo laye, lovikuata viaye, lakãi, lomanu.

EFETIKILO 15:3

Avirama wa linga hati, Kua nyihile ombuto; kuenje upika umue wa citiwila vonjo yange, eye o linga kapiñala kange.

EFETIKILO 17:12

Pokati kene, omõla ulume wosi wa tẽla oloneke ecelãla o seviwa. Pokati kovitumbulukila viene, ulume wosi, ci kale onyitiwe yovepata, ci kale u wa landiwa lolombongo kukombe hokuambuto yoveko,

EFETIKILO 17:23

Avirahama yu wa kuata omõlaye Isameli, lolonyitiwe viosi viepata liaye, kuenda vosi a landa lolombongo viaye, okuti alume vosi vakuepata lia Avirahama, kuenje eteke liaco hailio a va sevisa evamba kociyuvuluila cetimba liavo, ndeci ca popia Suku.

EFETIKILO 17:27

lalume vosi vakuepata liaye, okuti vava va citiwila vepata, lava va landiwa lolombongo kukombe. Vosi yavo va seviwila pamosi evamba.

EFETIKILO 18:19

Hacoko, si uhi, momo ndo nola ale okuti o handeleka omãla vaye la vakuepata liaye vo kuãi, ha va endela vonjila ya Yehova poku linga esunga locili, ndokuti Yehova o lemulũla ku Avirahama eci a lisila laye.

EFETIKILO 23:6

A cime cetu, tu yevelele ño. Ove vumbuale yinene pokati ketu. Eyambo liosi lia velapo kayambo etu omo o kenda wove wa fisa; lomue pokati ketu o ku limĩla eyambo liaye hu kendimo wove wa fisa.

I OLOSOMA 15:20

Oco Benehadada wa yeva ku Soma Asa kuenje wa tuma vakesongo liolohoka viaye oku katukila ovaimbo a Isareli. Oco va kuata Iyoni la Dani la Avelebetimaka la Kineroti yosi, lofeka yosi ya Nafitali.

OLOSAMO 68:12

Olosoma viovita vi tila, vi tila. Akãi va siala volonjo va liavela evi via pundiwa,—

OLOSAPO 17:17

Ekamba li sola olonjanja viosi, kuenje li linga manjove koloneke viohali.

UKUNDI 2:7

Nda landa apika valume lapika vakãi, nda kala lapika va citiwila vonjo yange; nda fuka oviunda violongombe levi violomeme okuti viange via lua, via vosi va kaile ale vo Yerusalãi vi sule.

YEREMIYA 41:12

oco va konga alume vosi kuenje va enda oku yaka la Isameli, omõla a Netaniya. Vo sanga kociva cinene ci kasi vo Giveone.

ESINUMUĨLO 34:1

Oco Mose wa tunda kenyãla lia Moavi kuenje wa lamanela komunda Nevo, toke konumbuko ya Pisiga ya imba ovaso ko Yeriko. Kuenje Yehova wo lekisa ofeka yosi, tunde ko Gileada toke ko Dani,

I YOANO 2:18

Amãla, vilo ovio oloneke viefulilo. Ndeci wa yevi okuti antikristu iya, haico ci kasi, kuenje va antikristu va lua veya ale. Oco tua limbuka okuti vilo ovio oloneke viefulilo.

LIOLONGANJI 18:29

Imbo liaco va li luka Dani, ndonduko ya sekulu yavo Dani, wa citilua ku Isareli. Puãi tete onduko yimbo ya kala Laisi.

LIOLONGANJI 20:1

Oco va Isareli vosi va katuka, tunde ko Dani toke ko Bereseva, lofeka ya Gileada loyo le, kuenje ohongele yaco ya liongoluila lutima umuamue kovaso a Yehova, ko Misipa.

I SAMUELE 30:19

Lacimue ca kambapo, ndaño cinene ndaño citito, ndaño omãla valume ndaño omãla vakãi, ndaño ohute pamue cosi ño cambatiwile. Daviti wa popela cosi.