EFETIKILO 13:15 - Embimbiliya - Bíblia Sagrada em Umbundu

¹⁵ Omo ofeka yosi o lete ndeti ndi yeca kokuove lokombuto yove otembo yosi.

EFETIKILO 13:15 Iomraidhean Croise

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 13:17

Votoka, nyũla ofeka vusõvi wayo lovupati wayo, momo ndi yeca kokuove.

EFETIKILO 15:18

Eteke liaco hailio Yehova a likuminya ohuminyo la Avirama, hati, Tunde kolui lu Egito toke kolui luna lunene Ferati,

EFETIKILO 15:7

Yu wa popia laye hati, Ame ndi Yehova, haime nda ku upa ko Uri ku wa Kaldea, oku ku iha ofeka yilo okuti o yi piñala.

EFETIKILO 18:18

Momo eye Avirahama o linga muẽle ofeka yinene, haiyo ya pama, kuenje apata osi okilu lieve a sumũlũhila kokuaye.

EFETIKILO 24:7

Yehova Suku yokilu, u wa njupa konjo ya tate, lokofeka va nyitila, haeye wa popia lame kuenda wa lisila lame, hati, Ombuto yove ndi yavela ofeka yilo, eye o tuma omunga yaye kovaso ove, kuenje oko muẽle o ka sanga ukãi womõlange.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 28:14

Ombuto yove yi linga ndeseke lioposi, lovitumbulukila viove vienda kutakelo lokutundilo, ko Norte loko Sul. Apata osi okilu lieve a sumũluhila kokuove lokombuto yove.

EFETIKILO 28:4

a ku muise ove esumũluho lia Avirahama, lombuto yove, hu lingi kapiñala kofeka yilo yulungi, eyi Suku a eca ku Avirahama.

EFETIKILO 35:12

Ofeka yilo nda ecele ku Avirahama kuenda ku Isake ndi yeca kokuove, ndi yecavo kombuto yove yu ku kuãi.

EFETIKILO 48:4

kuenje wa popia lame hati, Tala, ame hu citaisa, hu luisa, hu lingisa ohongele yapata. Ngeca ofeka eyi kombuto yove yu ku kuãi, yi linga ocitungilo cavo ka ci pui.

EFETIKILO 50:24

Yosefe wa popia la vahuvaye hati, Ndopo fa, puãi suku u pasuli oku vu upa kofeka yilo, loku vu tuala kofeka a likuminya oku eca ku Avirahama la Isake kuenda Yakoba.

I ASAPULO 16:18

Hati, hu iha ofeka ya Kanana, ulilo wocipiñalo cene.

II ASAPULO 20:7

Haveko he, a Suku yetu, wa tundisa olonungi viofeka yilo kovaso omanu vove va Isareli? Kuenda kua yecele hẽ otembo ka yi pui kombuto yekamba liove Avirahama?

OLOSAMO 37:22

Momo ava va sumũlũisua la Yehova va piñala ofeka, puãi ava va siñaliwa laye va nyõleha.

OLOSAMO 37:29

Olondingesunga vi piñala ofeka, vi tungamo oloneke ka vi pui.

ETUNDILO 32:13

Ivaluka akuenje vove Avirahama, la Isake kuenda Isareli, vana wa lisila lavo londuko yove yi kola. Wa popia lavo huti, Nduisa ombuto yene ndolombungululu viokilu. Ngeca ofeka yilo yosi kombuto yene ndeci nda likuminya. Va yi piñala otembo ka yi pui.

ETUNDILO 33:1

Yehova wa popia la Mose hati, Kulo tundako, ove lomanu wopa vofeka ye Egito. Lamani kofeka nda likuminya la Avirahama la Isake kuenda Yakoba, siti, Ndi yeca kombuto yove.

ISAYA 63:18

Omanu vove va kola va kaile ño naito vocitumãlo cove, ovanyãli vetu va ci kosa.

ATENDELO 34:2

Imba va Isareli onumbi. Popia lavo huti, Eci wiñili vofeka ya Kanana, omo ofeka yosi ya Kanana ya linga ocipiñalo cene,

MATEO 5:5

Ava vomboka vutima va sumũlũha, momo va piñala ofeka.

OVILINGA 7:5

Haimo lumue, ka wihililemo ocipiñalo, ndaño ociliatelo ca soka lomãi yaye, puãi wa likuminya oku yeca kokuaye kuenda kombuto yaye, ndaño ka kaile lomõla.

ESINUMUĨLO 34:4

Yehova wa popia laye hati, Oyo ofeka nda likuminya la Avirahama la Isake kuenda Yakoba, siti, Ndi yeca kombuto yove. Nda tava okuti o yi mõla lovaso, puãi ku iñilamo.

ESINUMUĨLO 9:5

Esunga liove pamue ocili cutima wove hacoko ca ku muisa oku kuata ofeka yaco. Yehova, Suku yove, o kasi loku hangisa omanu vaco kovaso ove omo ahuku avo o-o alua. Yehova o kasi loku ci lingila oku telisa ocisila a lisila lolosekulu viove Avirahama la Isake kuenda Yakoba.