EFETIKILO 12:2 - Embimbiliya - Bíblia Sagrada em Umbundu

² Hu lingisa ofeka yinene; hu sumũlũisa; ñemalisa onduko yove okuti omanu va ku sumũlũhila.

EFETIKILO 12:2 Iomraidhean Croise

EFETIKILO 13:16

Kuenda ombuto yove ndi yi lingisa ndeseke lioposi, ndokuti nda umue o tẽla oku tenda eseke lioposi o tẽlavo oku tenda ombuto yove.

EFETIKILO 15:5

Oco wo tundisila posamua, wa popia laye hati, Vanja handi kilu, tenda olombungululu nda o ci tẽla oku vi tenda. Kuenje wo sapuila hati, Haico ci kala ombuto yove.

EFETIKILO 17:20

Kondaka ya Isameli nda ku yevavo. Ocili ndu sumũlũisa, ndu muisavo ombuto loku u luisa enene; ekui lavivali kolombiali vi citiwa laye siu lingisa ofeka yinene.

EFETIKILO 18:18

Momo eye Avirahama o linga muẽle ofeka yinene, haiyo ya pama, kuenje apata osi okilu lieve a sumũlũhila kokuaye.

EFETIKILO 18:19

Hacoko, si uhi, momo ndo nola ale okuti o handeleka omãla vaye la vakuepata liaye vo kuãi, ha va endela vonjila ya Yehova poku linga esunga locili, ndokuti Yehova o lemulũla ku Avirahama eci a lisila laye.

EFETIKILO 19:29

Oco eci Suku a nyõla ovaimbo oketapi, Suku wa ivaluka Avirahama. Wa tundisa Lote pokati kekundu liaco, eci a kundula ovaimbo omu Lote a tungile.

EFETIKILO 24:1

Avirahama cilo wa kuka, wopopako koloneke. Yehova wa sumũlũisa Avirahama kovina viosi.

EFETIKILO 24:35

Yehova wa sumuluisa enene cime cange, kuenje wo wamisa kunene; wa wiha oviunda violomeme, lolongombe, lopalata, lulu, lakuenje, lafeko, lolongamelo, lovimbulu.

EFETIKILO 25:11

Kovaso yokufa kua Avirahama, Suku wa sumuluisa omõlaye Isake. Isake wa tumãla ko Bere-lahai-roi.

EFETIKILO 26:3

Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama,

EFETIKILO 26:4

kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove.

EFETIKILO 27:29

Apata a ku vumbe. Olofeka vi petamela kokuove. Linga ombiali kuvamanjove. Omãla va nyoho va ku petamele. Wosi o ku siñala a siñaliwe. Wosi o ku sumũluisa a sumũluhe.

EFETIKILO 28:14

Ombuto yove yi linga ndeseke lioposi, lovitumbulukila viove vienda kutakelo lokutundilo, ko Norte loko Sul. Apata osi okilu lieve a sumũluhila kokuove lokombuto yove.

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 46:3

Oco wa linga hati, Ame Suku, ndi Suku ya so. Ku ka yokokele oku lokila ke Egito, momo oko hu lingisila ofeka yinene.

II SAMUELE 7:9

Nda kala kala love kuosi waendaenda. Nda nyõla ovanyãli vove vosi kovaso ove Hu muisa onduko ya kemãla ndonduko yava va kemãla palo posi.

I OLOSOMA 1:47

Kuenda vali akuenje va Soma veya oku pandiya cime cetu Soma Daviti, vati, Suku yove a kemalise onduko ya Salomone, okuti onduko yove yi sule, kuenda a velisepo ocalo caye, okuti ocalo cove ci sule. Kuenje Soma wa petamela vula waye.

YOVI 35:8

Akandu ove a veta lika komunu ndove. Lesunga liove li kuatisa lika omunu.

OLOSAMO 107:38

O va sumũlũisa okuti va licita calua. Kuenje ka tava okuti olongombe viavo vi tepuluka.

ETUNDILO 1:7

Omãla va Isareli va licita calua, va siata muẽle, va lua, va pama enene, ve yuka vofeka.

ETUNDILO 32:10

Oco handi ci kale peka liange okuti onyeño yange yi va wengukile. Ndi va nyõla. Ove puãi hu lingisa ofeka yinene.

ISAYA 51:2

Vanji ku Avirahama isiene, kuenda ku Sara u wo citi. Momo eci a kala lika liaye ndo kovonga, kuenje ndo sumũluĩsa, yu ndo luisa ha lingi va lua.

ESEKIELE 34:26

Kuenje ndi vi lingisa ndesumũlũho, ovio muẽle kumue lovitumãlo via ñuala omunda yange. Ndokaisa ombela kuvo wayo. Ombela yaco yi linga ombela yesumũlũho.

MIKA 7:20

O tata Yakoba locili, o kuatela Avirahama ocisola ka ci pongoloka, ndeci wa lisilasila lolosekulu vietu tunde kosiãhũlu.

SAKARIYA 8:13

Apata lia Yuda! Apata lia Isareli! Ndeci wa kaili ocisetahãi cesiñalo pokati ka vakualofeka, hacoko vali. Ndu popeli kuenje vu lingi ocisetahãi cesumulũho. Oco, ko ka kali lusumba! Kolisiko! Ovaka ene a pame!

ATENDELO 14:12

Ndi va veta lefengi kuenje ndi va pañula. Noke fetika vali love kuenje hu lingisa ofeka yinene haiyo ya velapo kolohõlo, okuti ovo va sule.

ATENDELO 22:12

Suku wa popia la Baliame hati, Ku ka ende lavo. Ku ka siñale omanu vaco momo vakuesumũluho.

ATENDELO 23:20

Wa popia lame, hati, Sumuluĩsa. Wa numa oku sumuluĩsa, si tẽla oku ci pongolola.

VA ROMA 4:11

Wa sevisiwila evamba okuti ci linga ondimbukiso yesunga lia tunda kekolelo a kala lalio osimbu ka sevisiwile. Wa lisevisila okuti o linga isia ya vosi va kolela, ndaño ka va sevisiwile, haivo, omo va kolela, va tendiwa nda vakuesunga,

VA GALATIA 3:14

Wa ci lingila okuti esumũlũho lina lia kala la Avirahama liyavo la Yesu Kristu ku vakualofeka ha tu tambula ohuminyo ye Espiritu lekolelo.

VA GALATIA 3:7

Oco limbuki okuti vakuekolelo ovo omãla va Avirahama.

ESINUMUĨLO 26:5

Kuenje ove o sinumuĩla Yehova, Suku yove, huti, Tate u Arama, haeye ukuakuñualañuala. Wa lokila ke Egito kuenje haiko a kala ocingendeleyi, eye lomanu vaye vañamiñami. Puãi wa luilako toke wa linga epata linene, hailio lia pama, kuenda lia lova.