EFETIKILO 12:18 - Embimbiliya - Bíblia Sagrada em Umbundu

¹⁸ Oco Fareo wa tumila Avirama, wo pula hati, Eci wa ndinga, nye? Nye kua ci sapuilile okuti eye ukãi wove?

EFETIKILO 12:18 Iomraidhean Croise

EFETIKILO 12:19

Nye wa popela huti, Mukãi wange, yu ndo tambula ha lingi ukãi wange? Cilo ukãi wove yu, u tambula, kuende laye.

EFETIKILO 20:3

Oco uteke Suku weya ku Avimeleke konjoi, wa popia laye hati, Ota, ove o laika oku fa omo wa tambula ukãi ulo momo o kuẽliwe lulume.

EFETIKILO 29:25

Eci kua ca omẽle, ota, ca kala Lea. Yakoba yu wa popia la Lavane hati, Oco hẽ, wa ci ndingila nye? Ha Rahele ko hẽ nda ku vumbila? Nye wa ñembela?

EFETIKILO 3:13

Yehova Suku wa pula ukãi hati, Oco hẽ, nye wa ci lingila? Ukãi wa kumbulula hati, Onyõha ya ndueyisa kuenje nda lia.

EFETIKILO 31:26

Lavane wa pula Yakoba hati, Wa ci lingila nye oku njomboloka ño loku ambata omãla vange vakãi, hoti ño va kuatiwa lovita?

EFETIKILO 4:10

Suku wa popia hati, Wa linga hẽ ndati? Ondaka yosonde ya manjove yi kasi posi ya mbilikiya.

EFETIKILO 44:15

Yosefe wa popia lavo hati, Eci wa lingi oco nye? Ko ci hẽ okuti ulume ndame o tẽla oku tãha?

II SAMUELE 3:24

Oco Yoava wa enda ku Soma hati, Wa linga ndati? Siti Avinere weyile kokuove. Wo wecela nye okuti wa enda?

ETUNDILO 32:21

Mose wa popia la Arone hati, Omanu hẽ nye va ku linga okuti wa va tiamisa kekandu eli linene?

OLOSAPO 21:1

Utima wosoma u kasi peka lia Yehova ndolui luovava. Eye u tiamisa apa a panga.

YEHOSUA 7:19

Yehosua wa popia la akani, hati, Amolange, muisa Yehova Suku ya Isareli ulamba. Litavela kokuaye. Kaliye sapuileko eci wa linga. Ku ka ci ndimbike.

LIOLONGANJI 2:2

Lene ko ka lisili ocisila la vakuafeka yilo. Leñuli ovotala avo. Puãi ene ka wa yeveleli kondaka yange. Eci wa ci lingili nye?

I SAMUELE 14:43

Saulu wa popia la Yonatão hati, Sapuileko eci wa linga. Yonatão wo sapuila hati, Nda mãha okawiki nda yava vocingo losungu yombueti ya kala peka liange. Cilo amilo, ñuete oku fa.