EFETIKILO 10:10 - Embimbiliya - Bíblia Sagrada em Umbundu

¹⁰ Eye wa fetika uviali waye ko Bavele loke Ereke kuenda ko Akandi loko Kaline lofeka ya Sinare.

EFETIKILO 10:10 Iomraidhean Croise

EFETIKILO 10:9

Eye embelengenje linene ku Yehova; ndokuti kuli olusapo luti, U wa lisoka la Nimuroti, embelengenje linene ku Yehova.

EFETIKILO 11:2

Noke, eci va ilukila kutundilo oco va sanga etapi kofeka ya Sinare kuenje va tungako.

EFETIKILO 11:9

Oco ombonge yaco va yi luka Bavele, momo oko Yehova a tengisila alimi olofeka viosi, kuenje Yehova wa va sandowaila kuosi kilu lieve.

EFETIKILO 14:1

Koloneke via Amirafele, osoma ya Sinare, la Arioke, osoma ya Elasare, la Ketolomeri, osoma ya Elami, kuenda Tidale, osoma yolofeka,

ISAYA 10:9

Kalino hẽ, ka lisokele la Karikemisi? Hamati hẽ, ka lisokele la Aripade? Samaria he, ka lisokele la Damasko?

ISAYA 11:11

Keteke liaco Ñala imba vali eka liaye oku yovola ocisupe comanu vaye ava va supa ka Asuria lo ke Egito, kuenda ko Patirosi, lo ko Kusi, kuenda ke Elami, lo ko Sinare, kuenda ko Hamati, lo kovifuka viokalunga.

ISAYA 39:1

Koloneke viaco Merodaki-Valadani, omõla a Valadani, Soma yoko Bavulono, wa tuma ku Hesekiya olomunga via ambata ovikanda lombanjaile, omo a yeva okuti Hesekiya wa velele kuenje wa kaya.

YEREMIYA 21:2

Tu pulile ku Yehova, momo Nevukandesa, Soma ya Bavulono, wa tu katuila ovita. Mbi Yehova o linga letu eci ca soka lovikomo viaye kuenje o wupa kokuetu.

YEREMIYA 50:1

Ondaka ya Yehova yoku imbila owanji Bavulono, haiyo ofeka ya va Kaldea, yeya kuprofeto Yeremiya, yiti,

YEREMIYA 50:21

Katukila ofeka ya Meratayi kuenda olonungi via Pekode. Va ponda loku va nyõla pe. Linga cosi nda ku sapuila. Oco ca popia Yehova.

ESEKIELE 27:23

Harane la Kane la Edene kuenda Asiure la Kilumade va fũla fũla love.

DANIELE 1:2

Yehova yu wa eca peka liaye Yehoyakimi, Soma ya Yuda, kumue lovikuata vimue vionjo ya Suku. Nevukandesa wa enda lavio kofeka ya Sinare, konjo yosuku yaye, yu wa vi kapa vetambo liosuku yaye.

AMOSI 6:2

Kuendi ko Kaline, ka li kũlĩhĩsi. Amiko ño oku pitila ko Hamati. Noke lokili ko Gati, imbo lia va Filisiti. Ovo nga va velapo, okuti ovoviali ene a sule? Ovaimbo aco nga a velapo okuti ovaimbo ene a sule,—

MIKA 4:10

Amola a Siono ukãi, Kenya kenya! Litetela ndukãi o kasi loku cita! Omo kaliye o tunda vimbo kuenje o ka tunga vusenge. O pitila toke ko Bavulono, oko o ka popelelua, haiko Yehova a ka ku yovuila peka liovanyãli vove.

MIKA 5:6

Kuenje va viala ofeka ya Asuria losipata, lofeka ya Nimorote losipata ya poliwa. Va tu popela ku u Asuria eci iñila vofeka yetu kuenje o liatela volongave vietu.

SAKARIYA 5:11

Eye wa ñumbulula hati, Va ka yi tungila onjo vofeka ya Sinare. Eci onjo yaco yi pua va tumbika onjongo kocitumãlo cayo.