EFETIKILO 1:4 - Embimbiliya - Bíblia Sagrada em Umbundu

⁴ Suku wa mõla ocinyi okuti ca posoka. Suku wa tepisa ocinyi lowelema.

EFETIKILO 1:4 Iomraidhean Croise

EFETIKILO 1:10

Suku wa luka ongongo hati, Osi. Oku kua likongela ovava wa lukako hati, Okalunga. Suku yu wa ci mõla okuti ca posoka.

EFETIKILO 1:12

Osi ya tunda owangu, lovikũla via imaima olombuto ndapata avio, oviti viapako vi kuete ombuto yaco ndapata ao. Suku wa ci mõla okuti ca posoka.

EFETIKILO 1:18

loku viala kutanya lokuteke hã ha vi tepisa utanya lowelema. Suku yu wa ci mõla okuti ca posoka.

EFETIKILO 1:25

Suku yu wa lulika ovinyama viovusenge ndapata avio, lovinyama viovimbo ndapata avio, lovipuka viosi vi likoka posi ndapata avio. Suku wa ci mõla okuti ca posoka.

EFETIKILO 1:31

Suku yu wa ci mõla okuti ovina viosi a lulika via posoka. Kuenje kua kala oñolosi, kua kalavo omẽle, eteke liaco olio epandu.

OLOSAMO 145:10

Oviluvo viove viosi vi ku pandula, a Yehova. Olosandu viove vi ku pandiya.

OLOSAMO 145:9

Yehova o lingila vosi ohenda. Ocisola caye ci kasi koviluvo viaye viosi.

UKUNDI 11:7

Ocinyi ci pepa kuenda ciwa nda ovaso a lete ekumbi.

UKUNDI 2:13

Oco nda mõla okuti olondunge via velapo, uveke u sule, ndeci ocinyi ca velapo, okuti owelema u sule.

ISAYA 45:7

Ndi sovola ocinyi, ndulika owelema, manga ombembua, sovola ũvi. Ame ndi Yehova, ndukuakulinga ovina evi viosi.