EFETIKILO 1:30 - Embimbiliya - Bíblia Sagrada em Umbundu

³⁰ Ovinyama viosi kilu lieve, lolonjila viosi viovusenge, lovipuka viosi vi likoka posi, vi kuete ofela yomuenyo, okulia kuavio ovikũla viosi vi talala. Haico ca lingiwa.

EFETIKILO 1:30 Iomraidhean Croise

EFETIKILO 6:21

Pongiyavo ovilia viosi va vi lialia, loku vi soleka hã ha vi lingi ovilia viove kuenda viavio.

EFETIKILO 9:3

Cosi ci kasi lomuenyo ci ñuala ñuala ci linga okulia kuene; ndeci ndo wihili ale ovikũla vi talala haico cilo ndo wihi cosi.

YOVI 39:30

Ovivuvu viaco vi sipa osonde, oko ku kuete ovifẽ oko yi kala.

YOVI 39:4

Omãla vavio va kuata ongusu, va kulila vusenge, va tunda, kuenje ka va tiuka vali kokuavio.

YOVI 39:8

Ci ñuala ñuala kolomunda oku sanda okulia. Ci vanjiliya ovina viosi vi talala.

YOVI 40:15

Sokolola ongeve. Nda yi lulika ndeci nda ku lulika ove. Yi lia lia owangu ndongombe.

YOVI 40:20

Kakulo olondui kuna kuiyaiya ovinyama viosi viovusenge oku ku tunda okulia kuayo.

OLOSAMO 104:14

O kulisa owangu wolongombe, lovikũla vi silivila komunu, hopi posi okulia,

OLOSAMO 147:9

Ecaeca kovinyama okulia kuavio komãla vovikuamanga nda va lila.