EFETIKILO 1:26 - Embimbiliya - Bíblia Sagrada em Umbundu

²⁶ Suku wa linga hati, Tu luliki omunu ukuacilelembia cetu, ukuesetahãlo lietu hã ha viala kolõsi viovokalunga, lokolonjila viovusenge, lokovinyama viovimbo, lokoluali luosi kuenda kovipuka viosi vi likoka posi.

EFETIKILO 1:26 Iomraidhean Croise

EFETIKILO 11:7

Enjui, tu lokiliko, tu pongoluisi elimi liavo, oco ka va ka liyeve vali omunu lokuavo.

EFETIKILO 2:19

Yehova Suku wa tunga leve lioposi ovinyama viosi viovusenge, lolonjila viosi viovilu; yu wa vi nena kulume ha tali omo a vi luka; kuenje onduko ulume a luka layo ocendalomuenyo cosi, haiyo ya linga onduko yaco.

EFETIKILO 3:22

Oco Yehova Suku wa popia hati, Ota, ulume wa linga ndetu, kaliye o kulĩha eci ciwa leci cĩvi; kandopo sanga õluĩla okuokuo kuaye kuti womuenyo loku kotolako ha li, hã ha kala hũ lomuenyo,

EFETIKILO 5:1

Elivulu lilo liapata a Adama. Eteke Suku a lulika ulume wo lulika lesetahãlo lia Suku.

EFETIKILO 9:6

Wosi o pesela osonde yomunu osonde yaye yi peseliwavo lomunu, momo Suku wa lulika omunu ukuesetahãlo liaye.

YOVI 35:10

Puãi lomue o linga hati, Suku Usovoli wange o kasi pi? O kasi pi u o tu imbisa ovisungo vuteke?

YOVI 39:11

Ove hẽ, o yi kolela omo olohõlo viayo via lua? Weca kokuayo upange wove?

YOVI 5:23

Momo o linala lovawe ovusenge. Lovinyama viovusenge vi ku ombokela.

OLOSAMO 100:3

Limbuki Yehova okuti eye Suku. Eye wa tu lulika kuenje tuvaye. Tumanu vaye, tulomeme o tu lisa lisa.

OLOSAMO 149:2

Isareli a yolele u wo lulika. Va Siono va sanjukile Soma yavo.

UKUNDI 7:29

Tala, cimosi lika nda sanga ceci: Suku wa sovola omunu okuti o sunguluka, ovo muẽle puãi va panga ovipango via lua.

OCISUNGO CA SALOMONE 1:11

Tu ku tungila evi viulu vioku posuisa, loku vi tokekisa latokekelo opalata.

ISAYA 45:18

Yehova, u wa sovola ilu, eye muẽle Suku, haeye wa lulika ongongo kuenje wa yi panga. Eye wa yi tumalĩsa. Ka yi sowilile ekalasoko, te yoku tungamo,— eye muẽle wa popia, hati, Ame ndi Yehova, ka ku li wiñi.

ISAYA 6:8

Kuenje nda yeva ondaka ya Ñala ya linga yiti, Elie numa, elie o tu endelako? Oco siti, Ame ulo, va nume ño.

ISAYA 64:8

Puãi haimo, a Yehova, ove vuisietu; etu tutuma, ove wutungi wolombia. Etu vosi tupange wovaka ove.

YEREMIYA 27:6

Kaliye olofeka evi viosi nda vi eca kukuenje wange Nevukandesa, Soma ya Bavulono. Ndo wĩhavo ovinyama viosi viovusenge ha viu vumbi.

YOANO 14:23

Yesu wo kumbulula hati, Umue, nda o sole ame, o pokola kondaka yange, Tate u solavo, oco etu tuiya kokuaye kuenje tu tunga laye.

YOANO 5:17

Puãi Yesu wa va kumbulula, hati, Toke cilo Tate o linga upange, lamevo ndinga upange.

OVILINGA 17:20

Momo wa tu yevisa ovina vimue viokaliye kuenje tu yongola oku kũlĩha elomboluilo liavio.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

I VA KORINDO 11:7

Omo ulume ka ca posokele oku futa kutue, momo eye wa tungiwa lesetahalo lia Suku, haeye ulamba waye. Ukãi eye ulamba wulume.

II VA KORINDO 3:18

Etu vosi, locipala ca sikũlũha, eci tu molehisa ulamba wa Ñala ndeci olumuĩlo, oco tu pongoluiwa esetahalo liaye tunde kulamba ta kulamba, ndeci ca panga Espiritu lia Ñala.

II VA KORINDO 4:4

Ovo, osuku yoluali lulo ya tekavisa ovitima viavo, okuti ocinyi condaka yiwa yulamba wa Kristu, haeye ukuesetahalo lia Suku, ka ci va tuila.

VA EFESO 4:24

Wali omunu wokaliye una wa tungiwa lesetahãlo lia Suku lesunga kuenda oku kola.

VA KOLOSAI 1:15

Eye esetahãlo lia Suku u ka muiwa lovaso, haeye uveli pokati koviluvo viosi.

VA KOLOSAI 3:10

kuenje wa wali omunu wokaliye. Omunu waco wokaliye o kasi lokutumbuluiwa lukũlĩhiso wokaliye okuti o setahala usovoli waye.

TIAGO 3:7

Momo ci tava oku pokuisa ovinyama violombuto viosi, lolonjila viosi, lapuka osi, loviendalomuenyo viosi viovokalunga, kuenje via pokuisua ale lomunu,

TIAGO 3:9

Tu sivaya lalio Ñala haeye Isia, hailio tu tuka tuka lalio omanu va lulikiwa lesetahalo lia Suku.

I YOANO 5:7

Kuenje Espiritu eye ombangi, momo Espiritu eye ocili.