EFETIKILO 1:14 - Embimbiliya - Bíblia Sagrada em Umbundu

¹⁴ Suku yu wa linga hati, Ku kale ovinyi kepuluvi liokilu oku tepisa utanya luteke; vi linge olondimbukiso violotembo loloneke lanyamo;

EFETIKILO 1:14 Iomraidhean Croise

EFETIKILO 1:13

Kuenje kua kala oñolõsi, kua kalavo omẽle, eteke liaco olio tatu.

EFETIKILO 1:15

vi linge ovinyi kepuluvi liokilu, hã ha vi taimĩla kilu lieve. Haico ca lingiwa.

EFETIKILO 8:22

Osimbu yosi oluali lu kasi ka ku pumbi oku kũla loku ungula, lombambi lowuya, londombo lokuenye, lutanya luteke.

EFETIKILO 9:13

Ñapa olukongolo luange kalende hã ha lu lingi ondimbukiso yocisila pokati kange loluali.

YOVI 25:3

Olohoka viaye hẽ ci tava oku vi tenda? Elie ocinyi caye ka cu tuila?

YOVI 25:5

Tala, ku Suku ndaño osãi ka yi tui, ndaño olombungululu ka yi yeli.

YOVI 3:9

Olombungululu viongula yawo vi pue ocinyi, u lavoke ongula puãi ongula ka yi keye. Ka u ka mole ovisokopia viomẽle,

OLOSAMO 119:91

Londaka yove lopo yi tai toke etali, momo ovina viosi vi ku vumba.

OLOSAMO 148:3

U sivayi, ene akumbi losãi. U sivayi, vosi ene alombungululu viocinyi.

OLOSAMO 148:6

Wa vi tungila olumue. Wa vi kapela ovililo ka vi pitahãliwa.

OLOSAMO 150:1

Sivayi Yehova. Sivayaili Suku vocitumãlo caye ci kola. U sivayaili vovailu aye anene.

OLOSAMO 81:3

Siki olumbeta kokumoleha kuosãi, kosãi ya tunga ohumba, keteke lietu liofesta.

ISAYA 40:26

Petuili ovaso kilu, vanji; helie wa vi lulika? U o vi tundisa lumosi lumosi vohoka yavio poku vi tukula olonduko,— eye wa vi lulika. Kuenje omo unene waye wa piãla longusu yaye ya lua cimue oco lalumue lu kambapo.

YEREMIYA 10:2

Ca popia Yehova ceci, hati, Ku ka lilongise ovituwa violofeka. Ku ka salukile ovilimbu viokilu ndomo olofeka vi vi salukaila.

YEREMIYA 31:35

U wa eca ekumbi ha li tuila kutanya, kuenda ovihandeleko viosi viosãi lolombungululu ha vi tuila kuteke, haeye o venja okalunga okuti akimba aco õla,— onduko yaye Yehova Ukualohoka. Ca popia Yehova ceci, hati,

YEREMIYA 33:20

Ca popia Yehova ceci, hati, Nda vu tẽla oku imũla ocisila cange nda lisila lutanya, kuenda ocisila cange nda lisila luteke, okuti ka ku kala vali utanya, kuenda ka ku kala vali uteke kolotembo viaco,

YEREMIYA 33:25

Ca popia Yehova ceci, hati, Nda ocisila cange cutanya kuenda eci cuteke ka ci koli, kuenda nda sia tukuile ovihandeleko viokilu levi viokilu lieve,

ESEKIELE 46:1

Ca popia Ñala Yehova ceci, hati, Ombundi yocitali covokati yina ya imba ovaso kutundilo yi yikiwa oloneke epandu viupange. Puãi keteke liesambata yi yikuluiwa, kuendavo keteke osãi yokaliye yi mõlẽha yi yikuluiwavo.

ESEKIELE 46:6

Eteke osãi yokaliye yi mõlẽha o lumba onui ka yi kuete etime.

YOELI 2:10

Kovaso yavo ongongo yi luluma, lilu li lisenga. Ekumbi losãi vi tekãva, kuenda olombungululu vi liweka oku tua.

YOELI 3:15

Ekumbi losãi vi tekãva, kuenda olombungululu ka vi eci vali ocinyi.

AMOSI 5:8

Sandiliyi u wa lulika Pleiades la Orion, una o pongoluisa owelema wuteke ho lingi ongula yomẽle, haeye o tekãvĩsa utanya ho lingi uteke, haeye o kovonga ombela yokilu, kuenje o yi lokisila kilu lieve,— onduko yaye Yehova.

AMOSI 8:9

Yehova Suku wa popia hati, Eteke liaco fisila ekumbi pongunji. Nena owelema pokati kutanya.

MATEO 2:2

O li pi u wa citiwa ha lingi Soma ya va Yudea? Momo tua mola olumbungululu luaye kutundilo kuenje tueya oku u fendela.

MATEO 24:29

Ndopo, kovaso yohali yoloneke viaco, ekumbi li vumbula, kuenje osai ka yeci owi wayo. Olombungululu vi loluka kilu, lovonene okilu a sengiwa.

MARKO 13:24

Puãi voloneke viaco, kovaso yohali yaco, ekumbi li vumbula, losai ka yeci owi wayo,

LUKA 23:45

Ekumbi lia fa kuenda ongumbo yonembele ya toka pokati.

ESINUMUĨLO 4:19

Lungukivo sanga vu petuila ovaso ene kilu, kuenje eci vu mõla ekumbi losãi lolombungululu okuti, ovisoko viosi viokilu evi Yehova Suku yene a sovuila omanu vosi va kasi vemẽhi lilu, vu tambiwa lavio, kuenje vu vi fendela loku vi vumba.

ESITULUILO 6:12

Eci a teya esitikilo liepandu nda vanja, kuenje kua pita ocilemawe ca lua. Ekumbi lia pongoloka oku tekava ndocikelei, losãi ya moleha ndosonde.

ESITULUILO 8:12

Ungelo wakuãla wa sika olumbeta luaye, kuenje ombandu yatatu yekumbi ya vetiwa, lombandu yatatu yosãi, lombandu yatatu yolombungululu, okuti ombandu yatatu yocinyi cavio ya vuvala, ombandu yatatu yutanya ka ya tuile, lowi haico.

ESITULUILO 9:2

Eye wa yikulula ekungu lionjembo, lo vekungu liaco mua tunda owisi, huti ño owisi wofolono yinene, kuenje owisi wovekungu wa vuvalisa ekumbi lofela.