EFETIKILO 1:11 - Embimbiliya - Bíblia Sagrada em Umbundu

¹¹ Suku wa linga hati, Osi yi tunde owangu, lovikũla vimaime olombuto, loviti viapako yimaime apako ndapata avio, omo muli ombuto yaco, vilu lieve. Haico ca lingiwa.

EFETIKILO 1:11 Iomraidhean Croise

EFETIKILO 1:12

Osi ya tunda owangu, lovikũla via imaima olombuto ndapata avio, oviti viapako vi kuete ombuto yaco ndapata ao. Suku wa ci mõla okuti ca posoka.

EFETIKILO 1:29

Suku yu wa linga hati, Tali, ndo wihi ovikũla viosi vi kasi vongongo yosi yokilu lieve, vina vimaima olombuto, loviti viosi vimaima apako a kuete ombuto; vi linge okulia kuene.

EFETIKILO 2:16

Yehova Suku wa handeleka ulume hati, Oku lia ci tava oku lialia koviti viosi viokocumbo;

EFETIKILO 2:5

oco vongongo ka mua kaile handi ocikũla, ndaño ovikũla viovusenge ka via tundile handi; momo Yehova Suku ka lokisile handi ombela kilu lieve, ndaño omunu o lima osi ka kua kaile.

EFETIKILO 2:9

Posi Yehova Suku wa kũlĩsapo oviti viosi via posoka oku vi tala, haivio vi tava oku liako. Vokati kocumbo wa kapamo uti womuenyo kuenda uti woku kulĩhĩsa eci ciwa leci cĩvi.

YOVI 28:5

Kilu liongongo ku tunda okulia. Vemehi liayo puãi va tetola ovawe, huti ño ondalu.

OLOSAMO 1:3

Wa linga nduti wa kũliwa kolondui viovava, haiwo wimaima epako liawo kuvo waco. Lemela liawo ka li uwuka. Cosi o linga o sumũlũha laco.

OLOSAMO 147:8

Eye o sitika ilu lalende. Eye angiliyila ongongo ombela. O yundisa owangu kolomunda.

ISAYA 61:11

Momo ndeci ongongo yi tundisa osongo yayo, pamue ocumbo ci yovisa ovina via kũlĩwamo, haico Ñala Yehova a yovisila esunga kuenda esivayo kovaso olofeka viosi.

YEREMIYA 17:8

Momo wa linga nduti wa kũlĩwa konele yovava, kuenje u yandisa olombombo viavo kolui. Ko kuata ohele nda ku iya owuya, omo emẽla liawo haimo li talalela. Unyamo wocitenya ko u lingi cimue, omo ko liweka oku ima epako.

MATEO 3:10

Momo cilo muẽle ondiaviti yi kasi ale kolombombo vioviti, kuenje uti wosi ka wimi apako awa u timbuiwa loku imbiwa vondalu.

MATEO 6:30

A vakuekolelo litito, nda Suku o walisa ndoco owangu wovusenge u kasi etaili kuenje hẽla wimbiwa vofolono, ene hẽ, ko walisi ca velapo vali?

MARKO 4:28

Osi yimisa oyo muẽle, tete osongo, noke ocisangu, noke olomema vocisangu.

I VA KORINDO 15:38

Suku puãi o lu iha etimba ndomo a panga, ombuto etimba liayo, ombuto etimba liayo.

VA HEVERU 6:7

Momo osi ya nyua nyua ombela yi loka lokako olonjanja via lua, kuenje yima ovikũla vi kuatisa ava va vi lima, oyo yi sumũlũisua la Suku.

TIAGO 3:12

A vamanji, ci tava nga okuti ukuyu wima asetona, pamue uyuva wima akuyu? Haico ovava omongua ka a lingi a a pepa.