EFETIKILO 1:1 - Embimbiliya - Bíblia Sagrada em Umbundu

¹ Poku fetika Suku wa sovola ilu losi.

EFETIKILO 1:1 Iomraidhean Croise

II OLOSOMA 19:15

Hesekiya wa likutilila ku Yehova hati, A Yehova Suku ya Isareli, ukuakutumala pokati ka vakeruvi, ove lika, ove Suku yovosoma osi okilu lieve, haive wa panga ilu losi.

I ASAPULO 16:26

Momo olosuku viosi violofeka, oviteka viaño. Puãi Yehova wa lulika ovailu.

II ASAPULO 2:11

Oco Hurama, Soma ya Turo, wa kumbulula lukanda, yu wo tuma ku Salomone hati, Omo Yehova a sole omanu vaye, oco a ku lingisila Soma yavo.

NEHEMIYA 9:6

Esera wa popia hati, Ove, ove lika, u Ñala. Ove wa tunga ilu lilu liovailu, lolombungululu viosi vi kasiko; haive wa tunga oluali lovina viosi vi kasimo, kuenda okalunga lovina viosi vi kasimo. Ove o vi tata tata ha vi kala kala lomuenyo. Avanda osi okilu a ku fendaila.

YOVI 26:13

Wa fuimĩla ovailu kuenje wa a posuisa. Eka liaye lia toma onyõha yolupesi.

YOVI 38:4

Eci nda seveta oluali ove wa kala pi? Nda ukualondunge sapuileko.

YOVI 9:8

Lika liaye wa yala ovailu haeye wa endela kakimba okalunga.

OLOSAMO 102:25

Konahululua wa seveta oviseveto violuali. Ovailu laovo upange wovaka ove.

OLOSAMO 104:24

A Yehova, oviluvo viove via lua cimue. Viosi wa vi lulika lolondunge. Oluali lue yuka ovilulikilo viove.

OLOSAMO 104:30

Eci o tuma Espiritu liove, vi lulikua, kuenje ove o yovolola ovisenge.

OLOSAMO 115:15

Yehova, u wa lulika ilu longongo, o sumũlũisi.

OLOSAMO 121:2

Okukuatisiwa kuange ku tunda ku Yehova, U wa lulika ilu longongo.

OLOSAMO 124:8

Okuohelua kuetu ku kasi vonduko ya Yehova, U wa lulika ilu longongo.

OLOSAMO 134:3

Yehova, u wa lulika liu longongo, haeye o kasi vo Siono, o sumũlũisi.

OLOSAMO 136:5

U wa lulika ilu lolondunge viaye, momo ohenda yaye ka yi pui.

OLOSAMO 146:6

u wa lulika ilu longongo, lokalunga lovina viosi vi kasimo, eye wa sumũlũha. Yehova ukuacili ka ci pui,

OLOSAMO 33:6

Ilu lia lulikiwa londaka ya Yehova. Ovina viosi lofela yomela waye

OLOSAMO 33:9

momo wa popia kuenje ca lingiwa, wa handeleka kuenje ca kola.

OLOSAMO 8:3

Eci mbanja ilu liove, hailio upange wovimuini viove, leci mbanja osãi lolombungululu wa lulika, sokolola siti,

OLOSAMO 8:4

Omunu hẽ nye okuti o wivaluka, pamue omõla omunu okuti o lipasula laye?

OLOSAMO 90:2

Eci olomunda ka via citiwile handi; osimbu kua lulikile handi ongongo loluali; tunde ka ku ci toke ka ku ci, ove muẽle Suku.

OLOSAMO 96:5

Olosuku viosi viomanu ovina viaño, Yehova puãi wa lulika ilu.

ETUNDILO 20:11

Omo oloneke epandu Yehova wa tunga ilu losi lokalunga lovina viosi vi kasimo kuenje wa puyuka eteke liepanduvali; oco Yehova wa sumũluisa eteke liesambata ha li kolisa.

ETUNDILO 31:18

Eci Yehova a mãla oku vangula laye kilu liomunda Sinai, wa eca ku Mose ovawe avali ovisila, a sonẽhĩwa lomuine wa Suku.

OLOSAPO 16:4

Ovina viosi Yehova wa vi lulikila, eci upange waco, eci upange waco, ndaño ondingaĩvi leteke liohali yaye.

OLOSAPO 3:19

Yehova wa sovola oluali lolondunge. Wa lulika ilu luloño.

UKUNDI 12:1

Ivaluka Usovoli wove voloneke viove viutila, osimbu oloneke vĩvi ka vieyile, kuenda anyamo a tomboka eci o popia huti, Si vi sanjukila,

ISAYA 37:16

A Yehova Ukualohoka, Suku ya Isareli, o kasi kilu lia va Keruvi; ove lika wove u Suku yovoviali osi o kilu lieve; ove wa lulika ilu losi.

ISAYA 40:21

Ka wa ci kulĩhĩli? Ka wa ci yeveli? Ka co sapuiwili tunde kefetikilo? Ka wa ci limbukili tunde poku sevetiwa kuoluali?

ISAYA 40:26

Petuili ovaso kilu, vanji; helie wa vi lulika? U o vi tundisa lumosi lumosi vohoka yavio poku vi tukula olonduko,— eye wa vi lulika. Kuenje omo unene waye wa piãla longusu yaye ya lua cimue oco lalumue lu kambapo.

ISAYA 40:28

Kua ci kũlĩhĩle? Kua ci yevele? Yehova eye Suku ka pui haeye Usovoli wilu lieve liosi. Eye ka lendi ndaño oku kava, olondunge viaye ka vi kulãihãiwa.

ISAYA 42:5

Yehova Suku, U wa lulika ilu, kuenje wa li yala, haeye wa sovola ongongo levi vi tundilamo; haeye wa fuimĩla omanu va tungamo, loku eca omuenyo kuava va endelamo; eye wa popia, hati,

ISAYA 44:24

Yehova upopeli wove, u wa ku sovola tunde vimo lia nyõho, eci a popia, ceci, hati, Ame ndi Yehova, haime nda sovola ovina viosi. Lika wange nda yala ilu loku tandisa ongongo. Helie wa ñuatisako?

ISAYA 45:18

Yehova, u wa sovola ilu, eye muẽle Suku, haeye wa lulika ongongo kuenje wa yi panga. Eye wa yi tumalĩsa. Ka yi sowilile ekalasoko, te yoku tungamo,— eye muẽle wa popia, hati, Ame ndi Yehova, ka ku li wiñi.

ISAYA 51:13

Ove elie okuti wa ivala Yehova, utungi wove, una wa yala ilu kuenda wa seveta ongongo? Ove elie okuti eteke liosi o kala ño-o lusumba wonyeño yukuakutalisa ohali osimbu eye angiliya oku nyõla? Onyeño yukuakutalisa ohali yi kasi pi?

ISAYA 51:16

Nda kapa olondaka viange vomẽla wove. Nda ku vundisa vulembo weka liange eci nda yala ilu loku seveta ongongo leci nda popia la Siono siti, Vumanu vange.

ISAYA 65:17

Momo tala, ndulika ilu liokaliye kuenda ongongo yokaliye; ovina viale ka vi ivalukiwa, ka vi sokoluiwa.

YEREMIYA 10:12

Eye wa sovola osi lunene waye, haeye wa seveta oluali lolondunge viaye, kuenje wa yala ilu luloño waye.

YEREMIYA 32:17

A Ñala Yehova! Ove wa lulika ilu kuenda ongongo lunene wove kuenda lokuokuo kuove kuolõha. Ka kuli eci ca tĩla okuti ove ku ci tẽla.

YEREMIYA 51:15

Eye wa sovola osi lunene waye, haeye wa seveta oluali lolondunge viaye, kuenje wa yala ilu luloño waye.

SAKARIYA 12:1

Ondaka eyi ondaka Yehova a popela va Isareli. Yehova U wa yala ilu loku seveta ongongo, haeye wa fuimila omunu omuenyo wa Suku, eye wa popia hati,

MATEO 11:25

Eteke liaco Yesu wa tuala hati, A Tate, a Cime cilu losi, hu sivaya omo wa sitikila ovina evi kolonoño la vakualondunge kuenje wa vi situluila komãla.

MARKO 13:19

Momo koloneke viaco kuiya ohali ya lua, ya lisoka layo ka la yeya, tunde kefetikilo lioku lulika ovina Suku a lulika, toke cilo, kuenje ka yiya vali.

OVILINGA 14:15

kuenje va vilikiya vati, Alume, eci hẽ, vu ci lingila nye? Etu letuvo timanu lovituwa ndene. Tuo neneli ondaka yiwa okuti vu tinduka kovina evi viaño ha vu pongolokela ku Suku ukuamuenyo, u wa lulika ilu losi kuenda okalunga lovina viosi vi kasimo.

OVILINGA 17:24

Suku u wa lulika oluali lovina viosi vi kasimo, omo eye Ñala yilu longongo, oco ka tumayala volonembele via tungiwa lovaka,

OVILINGA 4:24

Ovo, eci va ci yeva, vosi va likutilila ku Suku lutima umuamue, vati, A Suku, a Cime cetu, ove wa lukila ilu, losi, lokalunga, lovina viosi vi kasimo,

VA ROMA 11:36

Momo ovina viosi vi tunda kokuaye. Kokuaye oko ku kasilili ovina viosi, kuenje ovina viosi vi sulila kokuaye. Ulamba weciwe kokuaye oloneke vi enda ño-o hũ. Amene.

I VA KORINDO 8:6

haimo lumue, kokuetu kuli Suku umosi lika, eye Isietu. Kokuaye kua tunda ovina viosi, letu tua tiamela kokuaye. Kulivo Ñala umosi lika, Yesu Kristu, ovina viosi via lulikiwa laye, ndaño etu.

VA EFESO 3:9

loku situluila omanu vosi ndomo mu kasi elumbu lina lia vundisua tunde nunde vu Suku Usovoli wovina viosi.

VA HEVERU 1:10

Kuenda vali, hati, Ove, a Ñala, kefetikilo wa seveta ociseveto congongo. Kuenda ovailu upange wovaka ove.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

VA HEVERU 11:3

Lekolelo tu limbuka okuti oluali lua lulikiwa londaka ya Suku, ndokuti, eci ci muiwa, oku tungiwa, ca tunda kueci ka ci muiwa.

VA HEVERU 3:4

Momo onjo yosi yi tungiwa lomunu, puãi, u wa tunga ovina viosi, Suku.

II PETULU 3:5

Ocipango cavo muẽle va ivalako okuti, londaka ya Suku, kosiahũlu ilu lia kala ale, kuenje ongongo ya ñualiwa lovava, haiyo ya tunda vokati kovava.

I YOANO 1:1

Tu kasi loku vu sonehela oku vu lomboluila cimue condaka yomuenyo ci kasi tunde kefetikilo. Etu tua ci yeva, kuenda tua ci mola lovaso etu, tua ci tala, Kuenda tua ci lamba lovaka etu.

ESITULUILO 10:6

kuenje wa lisinga lu o kasi lomuenyo wolotembo ka vi pui, haeye wa lulika ilu levi vi kasimo, losi levi vi kasi kilu liayo, lokalunga levi vi kasimo, hati, Ka ku kala vali oku amisapo,

ESITULUILO 14:7

Wa popia lolukandi hati, Sumbili Suku. U wihi ulamba, momo owola yaye yoku tetulula yeya. Fendeli u wa lulika ilu losi lokalunga kuenda olono viovava.

ESITULUILO 21:6

Oco wa popia lame hati, Ca pua. Ame Tete, haime Kuasula. Ndifetikilo, haime ndisulilo. U o yeva enyona ndu nyuisa ocali kono yovava omuenyo.

ESITULUILO 22:13

Ame Tete, haime Kuasula. Ame nda lianga haime nda sulako. Ame ndifetikilo haime ndisulilo.

ESITULUILO 3:14

Sonehela ungelo wekongelo lio ko Laodikea, huti, Ca popia u o tukuiwa Amene, eye ombangi yina yocili lesunga, haeye efetikilo liovina Suku a lulika, ceci,

ESITULUILO 4:11

A Ñala yetu, a Suku yetu, wa posokela oku muisua ulamba lesumbilo lunene. Momo ove wa sovola ovina viosi. Vi kasilili ocipango cove, haico via lulikiwa laco.