DANIELE 9:3 - Embimbiliya - Bíblia Sagrada em Umbundu

³ Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

DANIELE 9:3 Iomraidhean Croise

II SAMUELE 12:16

Daviti wa likutililila ku Suku omõlaco. Daviti wa likandangiyavo okulia, wa iñila, wa pekela posi uteke wosi.

ESERA 10:6

Esera ponjo ya Suku wa tundapo, wa enda kohondo ya Yehohanana, omõla a Eliasivi, oko a lala. Ka tavele oku lia ndaño oku nyua omo a lilila etavo liolomandekua ndomo lia nyõlẽha.

ESERA 8:21

Oco kekulo liolui Ahava oko nda handelekela oku likandangiya okulia okuti tu liketisa kovaso a Suku yetu loku likutilila okuti o tu ilikila onjila yocili omu tu endela, etu lomãla vetu lovikuata vietu.

ESERA 9:5

Kotembo yocilumba coñolosi nda votoka tupu ombinja lonanga via toka ale, kuenje nda kekama kolongolo loku oluila ovaka ku Yehova Suku yange.

NEHEMIYA 9:1

Keteke liakui avali lakuãla kosãi yaco va Isareli va liongolola loku likandangiya okulia loku wala ovikeleyi loku kapa eve polonumbutue viavo.

ESTER 4:16

Kuende, kongolole va Yudea vosi va kasi vo Siusana. Va liñandangiyile okulia, ka va ka lie ndaño oku nyua oloneke vitatu, lutanya luteke. Ame lafeko vange letuvo tu likandangiya okulia ndene. Oco noke ngenda ku Soma, ndaño ocihandeleko citi, Ka ci tava oku enda. Nda fa, fa muẽle.

YOVI 42:6

kuenje nda linga ocipelekese caño. Ndi litavela kuenje ndi livela oku tumãla voneketela lovetiko.

OLOSAMO 35:13

Ame puãi, eci ovo va vela, nda wala ocikelei. Nda liketisa loku likandangiya okulia. Nda petamisa utue kuenje nda va likutilila,

ISAYA 22:12

Keteke liaco Suku Yehova Ukualohoka wo laleki oku lila loku litetela kuenda oku lipemũla, loku wala ikelẽi.

YEREMIYA 33:3

Mbilikiye kuenje hu kumbulula, hu lekisa ovina vimue vinene haivio via sitikiwa okuti ove kua vi kũlĩhĩle.

ESEKIELE 36:37

Ca popia Ñala Yehova ceci hati, Cikuavo navavo okuti epata lia Isareli li pinga okuti ndi va ci lingila ceci, okuti, oku uisa omanu vavo ndocunda.

DANIELE 6:10

Oco eci Daniele a kulĩha okuti ocisonẽhua ca kolisua, oco wa enda vonjo yaye. Olonjanela viohondo yaye via kala upulule haivio via imba ovaso ko Yerusalãi. Yu wa kekamẽla kolongolo viaye olonjanja vitatu veteke, kuenje wa lomba, loku pandula Suku yaye, ndeci a tuwa oku lingainga.

DANIELE 9:2

kulima waco watete wusoma waye, ame ndi Daniele nda limbuka kalivulu anyamo ana a sesamẽla oku lemũlũla enyolẽho lia Yerusalãi, ndokuti akũi epanduvali kanyamo, ndeci a tukuiwa londaka ya Suku yina yeyile kuprofeto Yeremiya.

DANIELE 9:20

Nda kala handi loku popia loku lomba loku litavela ekandu liange kuenda ekandu liepata liange va Isareli, loku likutilila ku Yehova Suku yange mekonda liomunda yi kola ya Suku yange.

DANIELE 9:4

Nda likutilila ku Yehova Suku yange, nda litavela siti, A Yehova, vu Suku unene haive wa sumbiwa, haive o lemũlũla ocisila lohenda kuava va ku sole loku lava ovihandeleko viove.

YOELI 1:13

Avitunda, wali ovikelei loku lisiõsiõla. Leñi, leñi, ene vu vumba vumba kutala. A vakuakuvumba Suku yange, iñilivonembele. Wali ovikelẽi. Lalimo uteke wosi. Momo ocilumba cosema kuenda ocilum cokunyua via imũhĩla vonjo ya Suku yene.

YOELI 2:12

Puãi, ndaño cilo, lopo Yehova o li loku laleka, hati, Pongolokeli kokuange lutima wosi, loku likandangiya okulia, loku lila kuenda oku litetela.

YONA 3:5

Oco va Ninivei va tava ku Suku. Va lihandeleka vati, Lomue ka ka lie. Vosi va wala ovikẽlẽi, tunde komanu vanene toke kuava va sule.

MATEO 17:21

Evi viepata eli ka vi tundi te lolohutililo.

LUKA 2:37

yu wa kala ocimbumba toke wa tẽla akui ecelãla kanyamo kanyamo akuãla. Ka tundile vali vonembele puãi wa fendelamo ño-o uteke lutanya loku likandangiya okulia loku likutilaila.

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.