DANIELE 9:2 - Embimbiliya - Bíblia Sagrada em Umbundu

² kulima waco watete wusoma waye, ame ndi Daniele nda limbuka kalivulu anyamo ana a sesamẽla oku lemũlũla enyolẽho lia Yerusalãi, ndokuti akũi epanduvali kanyamo, ndeci a tukuiwa londaka ya Suku yina yeyile kuprofeto Yeremiya.

DANIELE 9:2 Iomraidhean Croise

II ASAPULO 36:21

oku lemulula ondaka ya popia Yehova lomela wa Yeremiya, toke ofeka ya kuata asambata ayo, momo ya puyuka oloneke viosi ya kala elunda, toke ca tela anyamo akui epanduvali.

ESERA 1:1

Kulima watete wokovava a Kuro, Soma yoko Persia, Suku wa tuñunya vutima wa Soma Kuro okuti ondaka ya Yehova, yina ya Popiwa lomẽla wa Yeremiya, yi lemuluiwa. Oco Soma wa imbila ofeka yaye yosi oluiya. Loluiya luaco wa lu soneha hati,

OLOSAMO 119:24

Ovisila viove ovio esanju liange, haivio olondunguli viange.

ISAYA 64:10

Ovaimbo ove a kola a linga alunda, Siono ya linga ekalasoko, Yerusalãi ya nyõlẽha.

YEREMIYA 1:1

Olondaka via Yeremiya, omõla a Hilikiya, umue pokati kovitunda via kala va Anatote vofeka ya Benjamini.

YEREMIYA 25:18

okuti, ko Yerusalãi kuenda kovaimbo osi oko Yuda, lokolosoma lolombuale viaco, si vi kundula loku vi lingisa ekalasoko okuti vi yoliwa epembe loku siñaliwa ndeci ci kasi etali;

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 26:6

oco ndinga lonjo eyi ndeci nda linga la Silo. Limbo lilo ndi li linga esiñalo liolofeka viosi viokilu lieve.

YEREMIYA 27:7

Kuenje olofeka viosi viu vumba, vi vumbavo omõlaye kuenda omõla omõlaye, toke eteke liofeka yaye liya. Eteke liaco eye o linga upika wolofeka via lua lolosoma vinene.

YEREMIYA 29:10

Ca popia Yehova ceci, hati, Eci pa pita akui epanduvali kanyamo ko Bavulono oco ndu wivaluki. Nelisa ohuminyo yange yo kokuene. Ndu tiuli kocitumãlo cilo.

YEREMIYA 7:34

Oco ndinga okuti ondaka yesunga kuenda ondaka yonjolela, ondaka yasandombua kuenda ondaka yondombua, vi liweka vovaimbo a Yuda kuenda volokololo via Yerusalãi, momo ofeka yaco yi linga ekalasoko.

ASIÕSUILO 1:1

Tali imbo lie yukile omanu, ndomo lia siala upolokoso. Imbo lia kemãlẽle pokati kolofeka lia linga ndocimbumba! Imbo lia kaile nda nasoma pokati kovaimbo akuavo lia linga ukuakulambula!

ESEKIELE 29:11

Ka mu piti olumãi luomunu, ndaño ekasa liocinyama ka li pitimo. Akũi akuãla kanyamo ka mu tungiwa.

DANIELE 9:3

Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

MIKA 3:12

Oco, mekonda liene, Siono li limiwa ndepia. Yerusalãi li linga ekundu, kuenda omunda yonembele yi linga ndonumbuko yovesisi.

SAKARIYA 1:12

Oco ungelo wa Yehova wa kumbulula, hati, A Yehova Ukualohoka, eteke lipi wivaluka vali lohenda Yerusalãi lovaimbo a Yuda ana wa a temẽla alima akũi epanduvali?

SAKARIYA 7:5

Popia lomanu vosi vakuafeka yilo kuenda ovitunda, huti, Eci wa likandangiyi okulia loku lila kosãi yatãlo kuenda kosãi yepanduvali pokati kalima aco akũi epanduvali ame nga, ame muẽle, wa liñandangiyili okulia?

MATEO 24:15

Oco eci vu mola ocinyuañi cevĩho, cina ca tukuiwa luprofeto Daniele, okuti ci tãi vocitumalo ci kola,— u o tanga, a ci limbuke,—

MARKO 13:14

Puãi nda vu mola ocinyuañi cevĩho ci tãi oku ka ca sesamelele,— u o tanga a ci limbuke,— oco ava va kasi vo Yudea va tilile kolomunda,

OVILINGA 8:34

Oco Kalei wa pula Filipu hati, Hu pula siti, Uprofeto wa ci tukuila elie? eye muẽle ale, ele umue wiñi?

I TIMOTEO 4:13

Kolisako oku tangela omanu ondaka ya Suku, loku kunda, loku longisa, toke njiya.

ESITULUILO 1:3

U o tanga olondaka viowanji ulo, lava vi lomboloka kuenje va pokola kuevi via sonehiwamo, vosi yavo va sumũlũha. Momo otembo yaco yi kasi ocipepi.