DANIELE 7:8 - Embimbiliya - Bíblia Sagrada em Umbundu

⁸ Nda kala loku vanja kolombinga viaco, kuenje ota, pokati kavio pa tundila okambinga kakuavo, kuenje polombinga vina viatete pa tukũiwa vitatu via kala kovaso yokambinga kaco. Kuenje ota, kokambinga kaco kua kala ovaso ndovaso omunu, lomẽla wa popia olonambelo.

DANIELE 7:8 Iomraidhean Croise

OLOSAMO 12:3

Yehova a sonje ovimela viosi viombambe, kuenda elimi liosi li popia popia oku lipanda.

DANIELE 11:36

Soma o linga eci a panga. O lipanda loku likapa kunene, kilu liolosuku viosi; haeye o toñomãla la Suku yolosuku lolondaka vi komõhĩsa; kuenje amako kunene toke onyeño ya suapo, momo eci ca sokiyiwa ci lingiwa.

DANIELE 7:19

Oco noke nda yongola oku kulĩha ocili cocinyama cakuãla ca litepa la viosi vikuavo, cina ca linga usumba walua, ca kala lovayo utale lolonjala viosipi, haico ca lia, ca nyanyula loku kosa lolomãi ovina via supapo;

II VA TESALONIKE 2:4

una o patãla, kuenje o lipiãlisa kovina viosi vi tukuiwa olosuku, levi vi fendalaiwa, okuti eye o tumala vonembele ya Suku oku litukola hati, Ame Suku.

II TIMOTEO 3:2

Momo omanu va linga vakuakulisola, vakuakusola olombongo, vakuakulipandiya, vakueyengu, vakuakatombangunja, haivo va siñaila olonjali viavo, vakualutukãi, ka va kuete efendelo,

II PETULU 2:18

Momo, oku lipanda lolondaka violonambelo, va yonja lovipango vietimba lumbondo ava ndopo va litepa la vakuakandu.

YUDA 1:16

Omanu vaco vakuakuñuñula, haivo vakuakulisiõsiõla. Va kuama kuama oloñeyi viavo. Ovimẽla viavo vi popia popia oku lipanda. Va sumbilila omanu okuti va likokela oku kuatisiwa locame.

ESITULUILO 13:1

Oco nda mola okuti kokalunga kua tunda ocinyama ci kuete ekui liolombinga lovitue epanduvali. Kolombinga kua kala ekui liakolowa, kuenje kovitue kua kala olonduko vioku tondala Suku.

ESITULUILO 9:7

Kokumoleha, olohuma viaco via setahala otuvalu tua malehela ovita. Kovitue viavio kua kala cimue ca setahala akolowa ulu. Ovipala viavio via setahala ovipala viomanu.

I SAMUELE 2:3

Ko ka vanguli vali lepela lia lua. Emande ka li ka tunde kimẽla viene. Momo Yehova eye Suku yukũlĩhiso. Ovilinga vi pesaliwa laye.