DANIELE 7:4 - Embimbiliya - Bíblia Sagrada em Umbundu

⁴ Catete ca setãhala ohosi, ca kala lavava ongonga. Osimbu nda kala loku vanja oco avava aco a tukũiwa. Ca yeluiwa posi yu ca talamisua lolomãi vivali ndomunu; kuenje va cĩha utima womunu.

DANIELE 7:4 Iomraidhean Croise

II SAMUELE 1:23

Saulu la Yonatão! Va soliwa!! Va soliwa locili! Ndaño komuenyo, ndaño kokufa, ka va litepele. Kolupesi va velapo, olongonga vi sule. Kongusu va velapo, olohosi vi sule.

YOVI 25:6

Oco omunu he, eye enyo ale, siti ca piãla vali enene. Omõla omunu hẽ, eye esunjulu ale, siti ca piãla vali enene.

OLOSAMO 9:20

A Yehova, vi yokokisa. Olofeka vi lilimbuke okuti omanu vaño.

YEREMIYA 25:38

Olohosi via tunda vovilala viavio momo ofeka yavio ya nyõlẽha. Momo Yehova wa tuma pokati kavo osipata kuenje wa va temela ca lua.

YEREMIYA 4:13

Tala, iya ndalende, akãlu aye ovita eya ndocipepe. Otuvalu tuaye tu kuete olupesi okuti ongonga yulombo yi sule. Ngongo yetu we! Tua nyolẽha.

YEREMIYA 4:7

Ohosi ya tunda vesuku liayo. Unyõli wolofeka wa katuka, wa tunda kofeka yaye, kuenje iya ha lingisa ofeka yene ekalasoko. Ovaimbo ene a linga alunda. Lomue o tungamo vali.

YEREMIYA 48:40

Momo, ca popia Yehova ceci, hati, Tala, kuiya umue o pãlãla ndongonga yulombo, kuenje o tandavasaila avava aye ko Moavi.

YEREMIYA 49:19

Momo ndi va lupuisa kokuaye ocipikipiki ndeci ohosi yi tunda vovisitu via Yordão kuenje yi lupuisa ocunda. Ñapa ndombiali yaye wosi nda nola. Momo helie wa lisoka lame? Helie o numila?

ASIÕSUILO 4:19

Ava va tu lupuisa va lupuka ca lua, olongonga vi sule. Va tu sengela kolomunda; va tu lavekela vekalasoko.

ESEKIELE 17:3

huti, Ca popia Yehova Suku ceci, hati, Ongonga yimue yinene hayo yi kuete avava anene locisumba cinene lovonya avala aiñi aiñi, yeya ko Levanone, kuenje yopa ocanja kuti wo-cedro.

ESEKIELE 28:2

A Mõlõmunu, popia losoma ya Turo huti, Ca popia Ñala Yehova ceci, hati, Omo utima wove wa tumba yu wa popia huti, Ame ndisuku yimue, numãla komangu yolosuku vokati kokalunga; haimo ove wumunu, kuenje kusukuko, ndaño wa lisima huti, Kolondunge nda soka losuku.—

ESEKIELE 28:9

Haimo nga o popela kovaso ava va ku ipãla, pamue povaka ava va ku tomba, huti, Ame ndisuku,— osimbu ove wumunu, kusukuko?

DANIELE 2:38

Kuosi ku kasi omãla vomanu, lovinyama viusenge, lolonjila viokilu, eye wa vi eca peka liove, haeye wa ku ĩha omoko yoku vi viala viosi. Ove muẽle vutue waco wulu.

DANIELE 4:36

Haico olondunge viange via njiya vali. Ulamba wusoma wange, lunene wange, luwale, wa niukila vali. Akulu vange lolombuale viange va sukila vali, yu nda tumbuluiwa vali vusoma wange kuenje unene wulamba wange wa mbokiyiwa.

DANIELE 7:12

Puãi uviali wovinyama vikuavo wa pundiwa, haimo via muĩsua handi omuenyo otembo yimue.

DANIELE 7:5

Ota, ocinyama cikuavo cavali ca setãhãla urso, ca yeluka onẽle, ci kuete olomati vitatu vomẽla, pokati kovayo aco. Kuenje va popia laco vati, Katuka, lia ositu ya lua.

MATEO 24:28

Oco kuli ocife haiko ku liongoluila olohokohoko.

ESINUMUĨLO 28:49

Yehova o ku katuila ofeka yi tunda kupãla, kovivanja violuali. Yiya ndokupãlãla kuongonga yulombo. Elimi liaco ku li yevi.

ESITULUILO 13:2

Ocinyama nda mola ca setahala ongue, lolomãi viaco via setahala olomãi vio urso, omela ya setahala omela yohosi. Ocinyoha ca ciha unene waco localo caco lomoko ya lua.