DANIELE 7:10 - Embimbiliya - Bíblia Sagrada em Umbundu

¹⁰ Kovaso yaye kua tunda olui luondalu. Ohulukãi yolohulukãi vo vumba, ohuluwa yolohuluwa va talama kovaso aye. Ekanga lia yaliwa lalivulu a tuvuiwa.

DANIELE 7:10 Iomraidhean Croise

ISAYA 30:27

Tala, onduko ya Yehova yi tunda kupãla, ya tokota lonyeño, yiya vevonge liowisi, omẽla waye we yuka onyeño; elimi liaye ondalu yelisi;

ESINUMUĨLO 33:2

hati, Yehova wa tunda ko Sinai, wa kala ko Seire kuenje wa tu tuila. Ocinyi caye ca tu tuila tunde komunda Parane. Pokati kekui liolohulũkãi viava vaye va kola opo a tunda. Weya tupu peka liaye liondio pali ondalu yi taima.

ESITULUILO 5:11

Nda vanja vali kuenje nda yeva onjuvungo yovangelo va lua va ñuala ocalo, loviendalomuenyo lakulu, lowiñi wavo wa soka ohuluwa yolohuluwa, lohũlũkãi yolohũlũkãi.

OLOSAMO 50:3

Suku yetu iya, koha. Kovaso aye kuli ondalu yi lialia. Ekungukungu lio ñuala.

OLOSAMO 68:17

Yehova wa enda lolohuluwa viakãlu, okuti olohũlũkãi kolohũlũkãi. Wa tunda ko Sinai kuenje weya konembele yaye yi kola.

YUDA 1:14

Ava ovo vana Enoke, una ukuacitumbulukila cepanduvali tunde ku Adama, a imbila owanji, eci a linga hati, Tala! Ñala weya lolohũlũkai via lua violosandu viaye.

MATEO 25:31

Eci Mõlomanu eya lulamba waye kumue lovangelo vosi, oco o tumala kocalo culamba waye.

ISAYA 30:33

Utala wa pongiyiwa ale osimbu, wa pongiyiwila osoma, wa longa haiwo wa sanjavala. Ondalu yaco yinene lolohui via lua. Okufuima kua Yehova, kuna kua linga ndolui luofuofuo, oku ku yi siakãla.

I OLOSOMA 22:19

Mikaya hati, Oco yevelela ondaka ya Yehova. Nda mõla Yehova wa tumãla kocalo caye, kuenda olohoka viosi viokilu vi tãi kondio yaye lokepili liaye.

DANIELE 7:22

toke Ukuasimbu weya, kuenje kolosandu via Tõlo kua eciwa omoko yolonganji; haico otembo ya pitila eci olosandu via tambula usoma.

VA HEVERU 12:22

Ene puãi wa pitili komunda Siono, kuenda kimbo lia Suku o kasi lomuenyo, okuti ko Yerusalãi yokilu. Wa pitili kovangelo ka va tendiwa vongolokela ofesta.

SAKARIYA 14:5

Kuenje omuva yolomunda viange yi sitikiwa, momo omuva yolomunda yi pitila toke konẽle yayo muẽle. Kuenje ene muẽle vu tila ndeci wa tilili ondindimo kovava a Usiya, osoma ya Yuda. Noke Yehova, Suku yove, iya kumue lava vosi va kola.

DANIELE 7:26

Puãi ekanga liya, kuenje va ka wupa uviali waye, ha vo nyõli loku u nyanyula olumue.

VA HEVERU 1:14

Havosiko hẽ, aspiritu vakuakuvumba va tumiwila oku vumba ava va piñala eyovo?

ESITULUILO 11:18

Olofeka via fungula puãi onyeño yove yeya, kuenda eteke lioku tetuluila ava va fa laliovo lieya. Kueyavo eteke lioku eca onima kakuenje vove ovaprofeto, lo kolosandu lava va sumbila onduko yove, ava vatito lava vanene, kuenda eteke lioku nyõla ava va nyõla ilu lieve.

II ASAPULO 18:18

Mikaya hati, Oco yevelela ondaka ya Yehova. Nda mõla Yehova wa tumãla kocalo caye, kuenda olohoka viosi viokilu vi tai kondio yaye lokepĩli liaye.

OLOSAMO 18:8

Kovanyulu aye kua tunda owisi Komela yaye kua tunda ondalu ya lia. Olosase vi taima via tunda kokuaye.

DANIELE 12:1

Koloneke viaco ku katuka Mingeli, ombiali yinene haeye ombindikiyi yomãla vepata liene. Oco ku kala otembo yohali, okuti ya linga ndoyo ka ya leya tunde kefetikilo liolofeka toke opo. Koloneke viaco, epata liene li popelua, okuti u wosi onduko yaye yi sangiwa okuti ya sonẽhĩwa velivulu.

YOVI 25:3

Olohoka viaye hẽ ci tava oku vi tenda? Elie ocinyi caye ka cu tuila?

OLOSAMO 103:21

Sivayi Yehova, ene alohoka viaye viosi. Wuvakuenje vaye wakuakulinga ocipango caye.