DANIELE 6:2 - Embimbiliya - Bíblia Sagrada em Umbundu

² Kuenje wa va tukuila asongui vatatu, pokati kavo pa kala Daniele, okuti apalanga va va lekise ovopange avo, oco Soma ka ka sange epese.

DANIELE 6:2 Iomraidhean Croise

ESERA 4:22

Ko ka lendi locihandeleko eci. Uvi u vokinyiwila nye ho koki epese ku Soma?

ESTER 7:4

Momo tua landisiwa, ame lepata liange, ha va tu nyõli, ha va tu ipaya loku tu kundula. Nda tua landisiwile ño ha tu lingi apika valume lapika vakai nda sia popele cimue; momo ohali yetu nda yi sule, epese lia Soma nda lia lua.

OLOSAPO 26:6

U o tuma ondaka leveke o litopola olomai viaye muẽle, kuenje o likokela ohali.

OLOSAPO 3:16

Peka liaye liondio pa li oloneke via lua viomuenyo, pepĩli ukuasi lunene.

DANIELE 5:16

Nda yeva puãi, okuti ove o tẽla oku lombolola kuenda oku tetulula olondaka via tĩla. Kaliye nda o tẽla oku tanga ocisonẽhua loku sapuila elomboluilo liaco, oco o tambula uwalo wohusu lomota yulu posingo, kuenda omangu yombiali yatatu vusoma wange.

DANIELE 5:29

Haico Belsiatare a handeleka yu wa walisa Daniele uwalo wohusu, vo kapa omota yulu posingo kuenda va imba oluiya luokuti eye o linga ombiali yatatu vusoma.

DANIELE 5:7

Soma yu wa vilikiya lolukandi ha vo nenela vakuakusingila la va Kaldea la vakuakutanga olombungululu. Soma wa popia lolonoño via Bavulono hati, Wosi o tanga ocisonẽhua eci loku situluila elomboluilo liaco, o tambula uwalo wohusu, lomota yulu posingo, kuenda omangu yombiali yatatu vusoma.

DANIELE 6:1

Dariu yu wa panga oku tukuila ovopange uviali ocita lakũi avali kapalanga, ha va kala kolonẽle viosi viofeka.

MATEO 18:23

Oco usoma wokilu wa soka losoma yimue ya yongola oku sokiya lakuenje vaye.

LUKA 16:2

Yu wa ka kovonga, wa popia lako hati, Eci nda ku yevela ca lomboloka ndati? Eca okonda yukalei wove momo ku tẽla oku linga vali kalei.

I VA KORINDO 4:2

Kuenda vali, ca sesamela vakalei oku lilekisa okuti va sunguluka.

I SAMUELE 2:30

Oco Yehova, haeye Suku ya Isareli, wa popia hati, Ocili, nda likuminyile okuti epata liove lepata lia so vu kala ciwa lame otembo ka yi pui. Cilo puãi Yehova hati, Nda litiulamo muẽle. Ava va sumbila ame, ovo sumbilavo, lava va membula ame, ovo va pembuiwavo.