DANIELE 5:4 - Embimbiliya - Bíblia Sagrada em Umbundu

⁴ Va nyua ovinyu kuenda va sivaya olosuku viavo viulu levi viopalata levi viosipi levi viutale levi vioviti kuenda evi viovawe.

DANIELE 5:4 Iomraidhean Croise

I OLOSOMA 1:49

Oco akombe vosi va kala la Adoniya va saluka, kuenje va katuka yu va enda omunu omunu lonjila yaye.

ISAYA 42:17

Ava va kolela oviteka via songiwa va tiuwiwa, kuenje va kutiwa osõi, ndaño ava va popia loviñumañuma viutale vati, Ene vulosuku vietu.

ISAYA 42:8

Ame Yehova, oyo onduko yange. Ulamba wange siu weci kumue wiñi, ndaño esivayo liange si li eci koviñumañuma.

DANIELE 1:8

Daniele puãi, wa panga vutima waye hati, Si livĩhĩsa lokulia kua Soma, ndaño lovinyu a nyuanyua. Oco wa pinga ku Kalei okuti ka ko kisike hã ha livĩhĩsa.

DANIELE 4:37

Kaliye ame ndi Nevukandesa sivaya, mandiya, kuenda sumbila Soma yokilu. Momo ovopange aye osi ocili kuenda olonjila viaye viosi viesunga. Eye o tẽla oku kapa kutito ava va endaenda lepela.

DANIELE 5:23

Wa likapa kunene kovaso a Cime cokilu; va ku nenela ovikuata vionjo yaye kuenje ove lolombuale viove lakãi vove lovakama vove, wa nyuilimo ovinyu; haive wa sivaya olosuku viopalata lulu, levi viosipi levi viutale levi vioviti levi viovawe, vina ka vi lete, haivio ka vi yevite kuenda lacimue via kũlĩha; puãi Suku, una o kuete peka liaye omuenyo wove lolonjila viove viosi, kuo pandiyile.

DANIELE 5:3

Oco va nena ovikuata viulu, levi viopalata viopilue vonembele, vonjo ya Suku yi kasi ko Yerusalãi. Kuenje Soma lolombuale viaye, lakãi vaye, lovakama vaye va nyuilamo.

DANIELE 5:5

Haico kua mõlẽha ovimuini vieka liomunu, via kala oku sonẽha kovaso yondiyelo, vocimano ca yanguiwa conjo ya Soma. Soma yu wa mõla ovimuini viaco via kala loku sonẽha.

AMOSI 6:7

Oco cilo, ovo tete va enda kumandekua. Lolofesta viava va tandavala ño-o vimũha.

HAVAKUKI 2:19

U o popia lociteka ca songiwa, hati, Pasuka,— ngongo yaye! Lu o sapuila ewe ka li popi, hati, Votoka,— ngongo yaye! Ovio hẽ, vi longisa cimue? Ocili, via lañiwa lulu pamue lopalata, vokati kavio puãi ka muli omuenyo.

OVILINGA 17:29

Oco, omo tumãla va Suku, ka ca tu sesamelele oku soka tuti, Suku wa lisetahala lulu, pamue lopalata, pamue lewe, cokuti cimue ca luvikiyiwa luloño womunu pamue lovisimilo viomunu.