DANIELE 4:9 - Embimbiliya - Bíblia Sagrada em Umbundu

⁹ A Beltesiatare, osongui wavakualumbu, ndi cĩ okuti espiritu liolosuku vi kola li kasi kokuove, kuenje lalimue elumbu lia tatama kokuove; oco sapuile ovinjonde nda kala lavio vonjoi nda lota, kuenda elomboluilo liaco.

DANIELE 4:9 Iomraidhean Croise

EFETIKILO 41:38

Fareo wa popia lakuenje vaye hati, Tu sanga hẽ ulume wa sesamẽla omangu yaco ndokuti Espiritu lia Suku li kasi laye?

ISAYA 33:18

Vutima wove o sokolola vana va ku talisile ohali, huti, Una wa tendaele o kasi pi? Una wa pesalaisaile ulambu o kasi pi? Una wa tendaele olombonge o kasi pi?

ISAYA 54:14

O sevetiwa lesunga: o kala kupãla loku tokotelua momo ku kuata usumba; o kala kupãla locinjoko momo ka cu ku ami.

ESEKIELE 17:23

Komunda ya lepa ya Isareli oko ndu lu peka kuenje lu eca olonavi, lu ima epako, lu linga uti wo-cedro wa posoka. Vemehi liawo mu vutama ovinyama viosi. Vulembo wolonavi viawo olonjila viosi vi kalamo.

ESEKIELE 28:3

Ocili, kolondunge ove wa velapo, Daniele o sule. Ka kuli eci ca ku wundisilua.

DANIELE 1:20

Eci Soma a va pula, kovina viosi violondunge lukulĩhĩso, wa sanga okuti va velapo calua, vakualumbu la vakuakusingila vosi va kala kofeka yaye yosi, ci sule.

DANIELE 2:47

Soma yu wa popia la Daniele hati, Ocili Suku yene eye Suku yolosuku, haeye Nala yolosoma, haeye Ukuakusitulula alumbu, omo ove wa tẽla oku situlula elumbu elindeti.

DANIELE 2:48

Oco Soma wa kemãlĩsa Daniele, wo wĩha oviali vialua via piãla, yu wo vialeka kofeka yosi ya Bavulono kuenda wo tumbika ndusongui unene wolonoño viosi vio ko Bavulono.

DANIELE 4:18

Eyi oyo onjoi nda lota, ame ndisoma Nevukandesa. Ove a Beltesiatare, sapuile elomboluilo liaco, omo olonoño viosi viusoma wange ka vi ci tẽla. Ove puãi o ci tẽla, momo kokuove kuli espiritu liolosuku vi kola.

DANIELE 4:5

Nda lota onjoi ya saluisa, kuenje ovisimĩlo nda kala lavio pula wange lovinjonde viutima wange via sakalaisa.

DANIELE 4:8

Noke puãi, Daniele weya kokuange, haeye Beltesiatare, oyo onduko yosuku yange. Kokuaye kuli espiritu liolosuku vi kola. Kuenje ndo sapuila onjoi siti,

DANIELE 5:11

Vusoma wove muli ulume umue okuti o kuete espiritu liolosuku vi kola. Koloneke via so, kulume waco kua sangiwile ocinyi lukulĩhĩso lolondunge ndevi violosuku. Kuenje a Soma, so, Soma Nevukandesa, eye wo tumbikile ndusongui wavakualumbu lavakuakusingila lava Kaldea lavakuakutanga olombungululu.

I SAMUELE 4:8

Ngongo yetu we! Helie o tu popela kongusu yolosuku viaco via pama? Ovio olosuku via veta va Egito lolohali viosi eci va kala vekalasoko.