DANIELE 3:7 - Embimbiliya - Bíblia Sagrada em Umbundu

⁷ Oco, eci omanu vosi va yeva ocileñi cenguena lolumbendo lohalupa lolumbeta lokalialia kuenda ovisikilo viñi viñi, oco apata osi lolofeka viosi lomanu vakualimi añi añi, haico va wila posi, va fendela ociñumañuma culu ca tungiwa la Soma Nevukandesa.

DANIELE 3:7 Iomraidhean Croise

YEREMIYA 51:7

Peka Ha Yehova Bavulono wa lingile ndokopo yulu ya koluisa oluali luosi. Olofeka via nyua kovinyu viaye kuenje olofeka via linga ayui.

DANIELE 2:46

Kuenje Soma Nevukandesa wa wila posi, yu wa fendela Daniele kuenda wa handeleka oku u lumbila ocilumba kuenda insensu.

DANIELE 3:10

Ove a Soma, wa eca ocihandeleko cokuti vosi va yeva ocileñi cenguena lolumbendo lohalupa lolumbeta lokalialia loñoma va wile posi loku fendela ociñumañuma culu,

DANIELE 3:4

Ndaka yu wa kaluka hati, Ene apata osi, alofeka, amanu vakualimi añi añi, co handelekelui ceci,

DANIELE 3:5

Eci vu yeva ocileñi cenguena lolumbendo lohalupa lolumbeta lokalialia loñoma kuenda ovisikilo viñi viñi, wili posi, fendeli ociñumañuma culu ca tungiwa la Soma Nevukandesa.

DANIELE 3:6

Wosi ka wila posi kuenda ka fendela, haico muẽle a imbiwa vokati kelungulungu liondalu vofolono.

DANIELE 3:8

Oco koloneke viaco, va Kaldea vamue veya kuenje va pindika va Yuda.

OVILINGA 14:16

Kovitumbulukila viosiahũlu eye wa tava okuti olofeka viosi vi endela volonjila viavio muẽle.

I YOANO 5:19

Tu ci okuti tu tiamela ku Suku, loluali luosi li kasi povaka eliapu.

ESITULUILO 12:9

Kuenje ocinyoha caco cinene ca takumuiwa, haico onyoha yosiahũlu, yina ya tukuiwa eliapu, haeye Satana, una endaenda oku kemba oluali luosi, haeye wa imbiwa kilu lieve, lovangelo vaye va imbiwa kumosi laye.

ESITULUILO 13:14

Kuenje, mekonda liolondimbukiso vina via cihiwa oku linga kovaso ocinyama catete, ci kembisa ava va tunga kilu lieve. Ci va pañinya okuti ocinyama catete cina ca kaile lepute liosipata puãi haimo ca kala lomuenyo, va ci tungila ociñumañuma.

ESITULUILO 13:3

Kutue umosi kua totiwa ombole, huti ño ca fa ongambu, puãi ca veluka. Kuenje ilu lieve liosi lia komoha ocinyama caco.

ESITULUILO 13:8

Vosi va tunga kilu lieve va ci fendela, okuti vosi ava olonduko viavo ka via sonehiwile velivulu liomuenyo lia Kameme ipaiwa, oku sonehiwa osimbu oluali ka lua sevetiwile.

ESITULUILO 17:8

Ocinyama cina wa mola, ca kaile, cilo puãi ka ci kasi vali. Ci laika oku tunda vonjembo loku enda k'Enyõleho. Ava va tunga kilu lieve, okuti vava olonduko viavo ka via sonehiwile velivulu liomuenyo tunde kefetikilo lioluali, va komoha eci va mola ocinyama caco, ndomo ca kaile kuenje cilo ka ci kasi, puãi ci tukuluka vali noke.

ESITULUILO 19:20

Kuenje ocinyama ca kuatiwa kumue luprofeto wesanda, una wa lingila ovilimbu kovaso aco, evi a kembisa lavio ava va kapiwa ondimbukiso yocinyama, haivo va fendela ociñumañuma caco. Kavali kavo va imbiwa lomuenyo vociva condalu ci taima lofuofuo.