DANIELE 3:4 - Embimbiliya - Bíblia Sagrada em Umbundu

⁴ Ndaka yu wa kaluka hati, Ene apata osi, alofeka, amanu vakualimi añi añi, co handelekelui ceci,

DANIELE 3:4 Iomraidhean Croise

ESTER 8:9

Koloneke viaco, kosãi ya tatu, haiyo osãi ya Siwana, keteke liakui avali latatu, va kovonga asonehi va Soma. Kondaka ya va Yudea, va soneha oluiya ndeci Mordekai a handeleka. Ondaka yaco va yi tuma kolombiali lolonguluvulu lolombuale violofeka tunde ki India toke ke Etiopia okuti ocita lakui avali lepanduvali kolofeka. Ofeka lofeka va yi sonehela locisonẽhua cayo, kuenje epata lepata lelimi Uaho. Va Yudea lavovo va va sonẽhela locisonẽhua cavo lelimi liavo.

ISAYA 40:9

A Siono, amunga yondaka yiwa, londa komunda yisõvi. Kaluka ondaka yove. A Yerusalãi, amunga yondaka yiwa, kaluka ondaka yove. Ku ka kuate ohele. Sapuila ovaimbo a Yuda huti, Suku yene yu!

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

DANIELE 3:10

Ove a Soma, wa eca ocihandeleko cokuti vosi va yeva ocileñi cenguena lolumbendo lohalupa lolumbeta lokalialia loñoma va wile posi loku fendela ociñumañuma culu,

DANIELE 3:3

Oco apalanga lovakalei lolonguluvulu lolonganji vienene lasoleki volombongo lasongui vofeka lolonganji lolombiali viosi violofeka va liongoluila oku tumbika ociñumañuma cina Soma Nevukandesa a tunga. Va talama kovaso ociñumañuma ca tungiwa la Nevukandesa.

DANIELE 3:7

Oco, eci omanu vosi va yeva ocileñi cenguena lolumbendo lohalupa lolumbeta lokalialia kuenda ovisikilo viñi viñi, oco apata osi lolofeka viosi lomanu vakualimi añi añi, haico va wila posi, va fendela ociñumañuma culu ca tungiwa la Soma Nevukandesa.

DANIELE 4:1

Soma Nevukandesa wa tuma kapata osi lokolofeka lokomanu vakualimi añi añi va tunga kuosi kilu lieve hati, Ombembua yu luili!

DANIELE 4:14

Wa vilikiya londaka ya lua, hati, Timbuli uti, teti ovianja, tutumũli amẽla, sanduli apako; ovinyama vemẽhi liaco vi tilemo, lolonjila kovianja viaco.

DANIELE 6:25

Oco Soma Dariu wa sonẽhela apata osi lolofeka lomanu vakualimi añi añi va tunga kilu lieve, hati, Ombembua yu luili!

HOSEA 5:11

Efarimi wa kangisua. Vakanga wa soya momo wa panga oku tiama kuevi viesanda.

MIKA 6:16

Omo wa pokola kovihandeleko via Omiri, lomo wa sumbila ovilinga viosi vionjo ya Ahave, kuenje wa tava kalungulo avo, oco hu lingisa elunda, kuenda olonungi viaco vi pembuiwa. Oco o sawiwa la vakualofeka.

ESITULUILO 5:9

Va imba ocisungo cokaliye, vati, Ove wa sesamela oku tambula ociña, loku situlula asitikilo aco; momo wa pondiwa, kuenje wa yovola omanu losonde yove, noke wa va nena ku Suku. Omanu va yovuiwa va tunda kapata osi, lo kalimi aiñi aiñi osi, lo kovositue osi, lo kolofeka viosi.