DANIELE 3:1 - Embimbiliya - Bíblia Sagrada em Umbundu

¹ Soma Nevukandesa wa tunga ociñumañuma culu, usõvi waco akũi epandu kovikeya, upati waco ovikeya epandu. Wa ci votuila ketapi lia Dura, kofeka ya Bavulono.

DANIELE 3:1 Iomraidhean Croise

I OLOSOMA 12:28

Eci Soma a litana lutima waye, oco wa panga olonale vivali viulu, kuenje wa popia lomanu hati, Wa endaendi calua enene ko Yerusalãi. Olosuku viove vievi, a Isareli, vina via ku upa kofeka yEgito.

ESTER 1:1

Soma Ahasuero wa viala tunde ki India toke ke Etiopia. Wa viala olofeka ocita lukui avali lepanduvali.

OLOSAMO 135:15

Oviteka violofeka opalata lulu, ovilulikilo viovaka omanu.

ETUNDILO 20:23

Ko ka tungi olosuku viopalata oku vi kongela lame. Ko ka litungili ene muẽle oviteka viulu.

ETUNDILO 32:31

Mose wa tiukila ku yehova. Wa popia laye hati, Omanu ava va linga ekandu linene, va litungila olosuku viulu.

ISAYA 2:20

Keteke liaco oviteka viopalata levi viulu va vi pangela oku fendela, va vi imba kolonete kuenda kolondilili,

ISAYA 30:22

Oco winasi oviñumañuma viene via songiwa haivio via lañiwa lopalata, winasivo oviñumañuma viene via itilua havio via lañiwa lulu. Vu vi inasi ndovina via liña. Vu popia lavio hoti, Kuendi.

ISAYA 46:6

Ava va sukumũla ulu vonjeke, loku pesalisa opalata lombalãsa, kuenje va feta utẽli wulu oku tunga lavio osuku, ovo muẽle noke va petamẽla osuku yaco loku yi fendela.

YEREMIYA 10:9

Via lañiwa lopalata yoko Tarsisi kuenda ulu woku Ufasi. Vi tungiwa lomesele kuenda utẽli wulu. Onoloti kuenda ohusu ovio uwalo wavio. Viosi vi tungiwa lolomesele.

YEREMIYA 16:20

Omunu nga, o litungila olosuku? Olosuku viaco halosukuko!

DANIELE 2:48

Oco Soma wa kemãlĩsa Daniele, wo wĩha oviali vialua via piãla, yu wo vialeka kofeka yosi ya Bavulono kuenda wo tumbika ndusongui unene wolonoño viosi vio ko Bavulono.

DANIELE 2:49

Daniele wa pinga Soma, kuenje yu wa tumbika Sadrake la Mesake la Aved-Nego ndakulu kupange wofeka ya Bavulono. Puãi Daniele wa kala kala kelombe lia Soma.

DANIELE 3:14

Nevukandesa wa popia lavo hati, A Sadrake la Mesake la Aved-Nego, wa likali hẽ locipango, okuti ka vu vumbi olosuku viange ndaño oku fendela ociñumañuma culu nda tungisa?

DANIELE 3:30

Kuenje Soma wa ĩha Sadrake la Mesake la Aved-Nego omangu ya velapo vofeka ya Bavulono.

DANIELE 5:23

Wa likapa kunene kovaso a Cime cokilu; va ku nenela ovikuata vionjo yaye kuenje ove lolombuale viove lakãi vove lovakama vove, wa nyuilimo ovinyu; haive wa sivaya olosuku viopalata lulu, levi viosipi levi viutale levi vioviti levi viovawe, vina ka vi lete, haivio ka vi yevite kuenda lacimue via kũlĩha; puãi Suku, una o kuete peka liaye omuenyo wove lolonjila viove viosi, kuo pandiyile.

DANIELE 5:4

Va nyua ovinyu kuenda va sivaya olosuku viavo viulu levi viopalata levi viosipi levi viutale levi vioviti kuenda evi viovawe.

HOSEA 2:8

Puãi eye ka ci kũlĩhĩle okuti ame, ame ndo muĩsa muĩsa olomema lovinyu lulela, haime ndo luisila opalata lulu, vina va lumbaile ku Baale.

HOSEA 8:4

Va vialeka olosoma, puãi halondaka yangeko. Va tumbika olombiali, ame puãi sia ci kũlĩhĩle. Lopalata yavo lulu wavo va litung oviteka. Va vi litungilila okunyõlẽha kuavo.

HAVAKUKI 2:19

U o popia lociteka ca songiwa, hati, Pasuka,— ngongo yaye! Lu o sapuila ewe ka li popi, hati, Votoka,— ngongo yaye! Ovio hẽ, vi longisa cimue? Ocili, via lañiwa lulu pamue lopalata, vokati kavio puãi ka muli omuenyo.

OVILINGA 17:29

Oco, omo tumãla va Suku, ka ca tu sesamelele oku soka tuti, Suku wa lisetahala lulu, pamue lopalata, pamue lewe, cokuti cimue ca luvikiyiwa luloño womunu pamue lovisimilo viomunu.

OVILINGA 19:26

Vu lete kuenda wa yevi okuti hake Efesoko lika, puãi pa kamba naito kuosi ka Asia, okuti Paulu u, wa konyuisa ovitima viomanu va lua lokukunda kuaye, kuenda vali o longisa hati, Olosuku via tungiwa lovaka omanu halosukuko.

ESINUMUĨLO 7:25

Oviñumañuma via songiwa violosuku viavo wu vi yoka londalu. Ka ci tava oku livela opalata pamue ulu woviñumañuma viavo, ndaño oku u likapela, sanga u ku lingila onjanjo momo eci ci linga umbondo ku Yehova, Suku yove.

ESITULUILO 9:20

Kuenje omanu va supapo, okuti vava ka va file lovinyõi viaco, haimo ka va sumuilile ovilinga viovaka avo, ndokuti ka va liwekele oku fendela aspiritu ãvi, pamue oviteka viulu, levi viopalata, levi viutale wosipi, levi viovawe, levi vioviti, evi ka vi tẽla oku vanja, pamue oku yeva, pamue oku enda.