DANIELE 2:4 - Embimbiliya - Bíblia Sagrada em Umbundu

⁴ Oco va Kaldea va tambulula Soma velimi lia Suria, vati, A Soma, kala hũ lomuenyo! Sapula Onjoi kuvakuenje vove hã ha tu ku sapuila elomboluilo liaco.

DANIELE 2:4 Iomraidhean Croise

EFETIKILO 31:47

Lavane wa yi tukula hati, Ondunda yuvangi. Yakoba wa yi tukulavo hati, Ondunda yuvangi.

EFETIKILO 41:8

Omele utima waye wa sakalala, yu wa tumila ovimbanda viosi vio ke Egito lolonoño viaco viosi, kuenje Fareo wa va sapuilako onjoi yaye, puãi ka kua kaile u wa ci tẽla oku vi lomboluila Fareo.

I OLOSOMA 1:25

Momo etaili wa lokila kEngrogele yu wa ipa olongombe lolonale via neta lolomeme viakahandangala, kuenje wa laleka omãla vosi va Soma, la vakesongo liolohoka kuenda ocitunda Aviatare. Kuenje tala, ovo va lia loku nyuila kovaso aye, vati, Soma Adoniya a kale lomuenyo!

I OLOSOMA 1:31

Oco Batisieva wa petama, yu wa tuvika ocipala caye posi, loku sambela Soma, kuenje wa popia hati, Cime cange Soma Daviti a kale hu lomuenyo.

II OLOSOMA 18:26

Oco Eliakimi omõla a Hilikiya, la Sevina, la Yowa va popia la Ravesiake vati, Tu ku pinga, popia lakuenje vove velimi lia va Suria, momo tu li yevite. Ku ka popie letu velimi lia va Yuda osimbu omanu va kasi kocimbaka va ci yeva.

ESERA 4:7

Kuenda vali, kovava a Soma Aretasesete, oco Bisilama la Mitiredata la Tavele la vakuavo, va sonehela Aretasesete, Soma yo ko Persia, ukanda. Ukanda waco wa sonehiwa velimi lia va Suria, kuenje noke wa pitiyiwa.

NEHEMIYA 2:3

Nda popia la Soma siti, Soma a kale ño hũ lomuenyo! Ocipala cange ka ci sumua ndati osimbu imbo liayambo olosekulu viange lia linga elunda, lolombundi viaco via pia londalu?

ISAYA 36:11

Oco Eliakimi la Sievena la Yowa va popia la Ravesiake vati, Va popie lakuenje vove lelimi lia Suria momo tu li yevite; ku ka popie vali letu lelimi lia va Yuda osimbu omanu va kasi kilu liocimbaka va tu yeva.

ISAYA 44:25

Ame muẽle natamaisa atutu olohembi, loku sepula vakuakutãha, haime niuwiya vakualondunge okuti olondunge viavo vi linga uveke.

DANIELE 1:4

akuenje ka va kuete etondelo, olondambi, va loñolõha kolondunge, kululĩhĩso, lokelilongiso, okuti va posokela oku vumba velombe lia Soma; kuenda oku va longisa ovisonẽhũa lelimi lia va Kaldea.

DANIELE 2:7

Va tambulula vati, Soma a sapule onjoi kuvakuenje vaye oco tu yi lombolole.

DANIELE 3:9

Yu va popia la Soma Nevukandesa vati, A Soma, kala hũ lomuenyo!

DANIELE 4:19

Oco Daniele, haeye Beltesiatare, handi wa saluka kuenje ovisimĩlo viaye vio puiya. Soma yu wa popia laye hati, A Beltesiatare, onjoi lelomboluilo liaco ka vi ka ku puiye ño. Beltesiatare wa tambulula hati, A cime cange, onjoi yi linge yava va ku suvuka kuenda elomboluilo liaco liovanyãli vove.

DANIELE 4:7

Oco vakualumbu la vakuakusingila la va Kaldea lavakuakutanga olombungululu veya. Nda va sapuila onjoi puãi ovo ka va tẽlẽle oku yi ndomboluila.

DANIELE 4:9

A Beltesiatare, osongui wavakualumbu, ndi cĩ okuti espiritu liolosuku vi kola li kasi kokuove, kuenje lalimue elumbu lia tatama kokuove; oco sapuile ovinjonde nda kala lavio vonjoi nda lota, kuenda elomboluilo liaco.

DANIELE 5:10

Oco inakulu wa iñila vonjo yaco yocipito, mekonda liolondaka via Soma levi violombuale viaye. Inakulu yu wa popia hati, A Soma, kala hũ lomuenyo! Ovisimĩlo viove ka vi ka tokotelue ño, ndaño ocipala cove ka ci ka pongoloke.

DANIELE 5:8

Oco olonoño viosi via Soma via iñila. Puãi ka via tẽlẽle oku tanga ocisonẽhua caco, ndaño oku sapuila Soma elomboluilo liaco.

DANIELE 6:21

Oco Daniele wa popia la Soma hati, A Soma, kala hũ lomuenyo!

DANIELE 6:6

Haico asongui vaco lapalanga va liongoluila ku Soma, yu va popia laye vati, A Soma Dariu, kala hũ lomuenyo.

DANIELE 6:7

Asongui vosi vosoma, la vakalei lapalanga lakulu lolonguluvulu va sokoluila pamosi oku imba oluiya locihandeleko ci kola okuti ka ci tava oku lomba cimue ndaño kosuku ndaño komunu pokati koloneke akũi atatu, te lika kokuove, a Soma; kuenje wosi ka tava a imbiwe veleva liolohosi.

MATEO 21:9

Kuenje owiñi wo pitila kovaso lu wo kuama konyima, vosi va vilikiya vati, Hosana ku Mõla a Daviti. U iyilila onduko ya Ñala a sivayiwe! Kilu va vilikiyevo, vati, Hosana.

I SAMUELE 10:24

Samuele yu wa popia lomanu hati, Vu lete hẽ u Yehova a nola? Pokati komanu ka pali ukuavo wa lisoka laye. Kuenje omanu vosi va vilikiya vati, Osoma yi kale hũ lomuenyo. Oco Samuele wa lomboluila omanu omoko yuviali lovikele viawo. Wa vi soneha velivulu kuenje wa li seleka kovaso a Yehova.