DANIELE 2:2 - Embimbiliya - Bíblia Sagrada em Umbundu

² Kuenje Soma yu wa tuma oku kovonga vakualumbu lavakuakusingila lovimbanda lava Kaldea, okuti vo lomboluila olonjoi viaye. Oco veya kuenje va talama kovaso a Soma.

DANIELE 2:2 Iomraidhean Croise

EFETIKILO 41:8

Omele utima waye wa sakalala, yu wa tumila ovimbanda viosi vio ke Egito lolonoño viaco viosi, kuenje Fareo wa va sapuilako onjoi yaye, puãi ka kua kaile u wa ci tẽla oku vi lomboluila Fareo.

ESTER 1:13

Noke Soma wa pula olonganji viovihandeleko, haivo va kulĩha ndomo mu lingaiwa, momo oco Soma a lingainga la vosi va kũlĩha ovihandeleko loku tetulula.

ETUNDILO 7:11

Oco Fareo wa kovonga olonoño lovimbanda, vakualumbu ve Egito. Laviovo via ci lingavo latutu avio.

ISAYA 19:3

Utima wa Egito u linga ociyayala vokati kayo. Ndi nyõla ahala avo. Kuenje va pula koviteka kuenda ku vanalunja, kuenda kovilũlũ, lo ku vakuakutãha.

ISAYA 8:19

Eci va popia love vati, Pula vakuakutãha kuenda vanalunja va cacacacaca loku ñuñula, ove o pula huti, Ka ca velelepo omanu oku pula Suku yavo muẽle? Ci silivila nye oku pula vakualufa ovina viava va kasi lomuenyo?

DANIELE 1:20

Eci Soma a va pula, kovina viosi violondunge lukulĩhĩso, wa sanga okuti va velapo calua, vakualumbu la vakuakusingila vosi va kala kofeka yaye yosi, ci sule.

DANIELE 1:4

akuenje ka va kuete etondelo, olondambi, va loñolõha kolondunge, kululĩhĩso, lokelilongiso, okuti va posokela oku vumba velombe lia Soma; kuenda oku va longisa ovisonẽhũa lelimi lia va Kaldea.

DANIELE 2:10

Va Kaldea va tambulula Soma vati, Kilu lieve ka kuli u o tẽla oku lombolola ondaka yaco ya Soma; omo layimue osoma, pamue ocime, pamue ombiali, wa la pinga ocina ca soka ndeci kukualumbu pamue kukuakusingila pamue ku Kaldea.

DANIELE 2:27

Eci Soma a pinga ca linga elumbu, okuti ndaño olonoño pamue vakuakusingila pamue vakualumbu pamue vakuakutanga olombungululu ka va tẽla oku ci situluila Soma.

DANIELE 3:8

Oco koloneke viaco, va Kaldea vamue veya kuenje va pindika va Yuda.

DANIELE 4:3

Ovilimbu viaye via piãla cimue, kuenda ovikomo viaye vinene cimue! Usoma waye owo usoma ko pui, kuenda uviali waye u kala tunde kocitumbulukila toke kocitumbulukila.

DANIELE 4:6

Oco nda handeleka okuti olonoño viosi vio ko Bavulono viya kokuange ha vi sapuila elomboluilo lionjoi yaco.

DANIELE 5:7

Soma yu wa vilikiya lolukandi ha vo nenela vakuakusingila la va Kaldea la vakuakutanga olombungululu. Soma wa popia lolonoño via Bavulono hati, Wosi o tanga ocisonẽhua eci loku situluila elomboluilo liaco, o tambula uwalo wohusu, lomota yulu posingo, kuenda omangu yombiali yatatu vusoma.

I SAMUELE 6:2

Oco va Filisiti va kovonga ovitunda la vakuakutaha, vati, Tu linga nye locikasia ca Yehova? Tu sapuili eci tu tuma laco eci tu ci tiuwiya komangu yaco.