DANIELE 12:3 - Embimbiliya - Bíblia Sagrada em Umbundu

³ Ava va kasi lolondunge va nina ndokutua kuovailu, lava va tiamisila valua kesunga va ka nina ndolombungululu, oloneke vienda ño hũ.

DANIELE 12:3 Iomraidhean Croise

ETUNDILO 34:35

va Isareli va mõla ocipala ca Mose okuti ca nina. Mose yu wa vuvika vali ocipala caye toke a iñila vali oku vangula laye.

OLOSAPO 11:30

Epako liukuesunga uti womuenyo. Ukualondunge o kuata kuata ovitima viomanu.

OLOSAPO 3:35

Vakualondunge va sumbiwa, aveke puãi va sepuiwa.

OLOSAPO 4:18

Onjila yondingesunga ya soka ndocinyi congula, camamako kokutua toke ca linga utanya.

UKUNDI 12:9

Ocili Ukundi wa kala ukualondunge, kuenje kilu liaco wa longisa omanu ukulihiso, wa yeva olosapo, wa vi sokolola, noke wa vi sokiya oku vi soneha.

ISAYA 53:11

O mõla epako liomuenyo waye kuenje o sanjuka. Lukulihiso waye ukuenje wange ukuesunga o muisa valua esunga; eye muẽle ambata olongole viavo.

YEREMIYA 23:22

Puãi nda va tumãlẽle vonjango yange, oco nda va yevisile omanu vange olondaka viange, kuenje nda va va tiuwile kolonjila viavo vĩvi, kuenda kevĩho liovilinga viavo.

DANIELE 11:33

Kuenda pokati komanu, ava va kuete olondunge va longisa valua; ndaño oloneke vimue va kupuka losipata lulienge, lumandekua kuenda oku pundiwa.

DANIELE 11:35

Vamue pokati kavakualondunge va kupuka, ha va nyikiwa loku kanguka loku yelisua, toke kotembo yesulilo, momo ci kala kotembo ya tukuiwa.

DANIELE 12:10

Valua va liyelisa ha va yeli loku nyikiwa. Puãi olondingaĩvi vi linga evĩho, kuenje layimue ondingãivi yi limbuka. Puãi kuava vakualondunge ci lomboloka.

MATEO 13:43

Oco vakuesunga va taima ndekumbi vusoma wa Isiavo. U o kasi lovatui oku yeva a yeve.

MATEO 19:28

Yesu wa popia lavo hati, Mopia lene siti, Voluali luokaliye, eci Mõlomanu a tumala komangu yulamba waye, ene wa ñuami vu tumala kolomangu ekui la vivali oku tetuluila ekui liapata kapata avali a Isareli.

MATEO 24:45

Helie ukuenje wa kolelua haeye wa lunguka okuti cime caye wo kundika vakuanjo yaye vosi oku va iha iha okulia kuavo kotembo ya tukuiwa?

YOANO 4:36

U ungula o tambula ofeto, kuenje ungula epako liokomuenyo ko pui. Oco u imba ombuto, lu ungula, va yolelela kumuamue.

YOANO 5:35

Eye wa kala ondiyelo ya taima ya tua, kuenje wa tavi oku yolela vocinyi cayo okasimbu kaño.

OVILINGA 13:1

Vekongelo lio ka Antiokea mua kala ovaprofeto lalongisi, olonduko viavo vievi, Barnaba, la Sumone haeye Katekava, la Lukiu u Kurene, la Manane eye wa tekuiwa lepalanga Herode, kuenda Saulu.

I VA KORINDO 3:10

Omo nda ci kundikiwa locali ca Suku, oco nda talavayela ndutungi wa loñoloha, oku seveta ociseveto, puãi umue wiñi o tungilako. Vosi, omunu omunu a lunguke ndomo a tungilako.

VA EFESO 4:11

Wa va kapa okuti vamue va linga ovapostolo, vamue ovaprofeto, vamue ovakundi vondaka yiwa, vamue ovangombo, vamue alongisi.

VA HEVERU 5:12

Momo, ndaño otembo yilo nda wa sesameleli oku linga alongisi, haimo vu sukila umue o vu longisa ovina viefetikilo liolondaka via Suku. Vu sukila asenjele, hakulia kua kolako.

II PETULU 3:15

Sokololi okuti epandi lia Ñala yetu olio eyovo. Haicovo manjetu wa soliwa, Paulu, wo soneheli lolondunge via wihiwa.

ESITULUILO 1:20

Elomboluilo lielumbu liolombungululu epanduvali, evi wa muila kondio yange, lolovela epanduvali viulu, lieli, Olombungululu epanduvali ovio ovangelo vakongelo epanduvali, olovela epanduvali ovio akongelo aco epanduvali.

LIOLONGANJI 5:31

Oco ovanyali vove vosi, a Yehova, va takevo ndoco. Puãi ava va ku sole va linge ndekumbi pokutunda kualio longusu. Kuenje ofeka ya pola akuĩ akuãla kanyamo.