DANIELE 11:2 - Embimbiliya - Bíblia Sagrada em Umbundu

² Kaliye hu lekisa eci cocili. Tala, mu katuka vali olosoma vikuavo vitatu vo Persia. Yakuãla yaco yi linga ohuasi ya piãla, vosi vakuavo ci sule. Kuenje, eci a linga unene lukuasi waye, o tutuminya vosi ha va katukila usoma wa va Helasi.

DANIELE 11:2 Iomraidhean Croise

ESERA 4:24

Oco upange wosi woku tunga onjo ya Suku vo Yerusalãi wa talama. Wa talama muẽle toke kulima wavali wovava a Dariu, Soma yo ko Persia.

ESERA 4:7

Kuenda vali, kovava a Soma Aretasesete, oco Bisilama la Mitiredata la Tavele la vakuavo, va sonehela Aretasesete, Soma yo ko Persia, ukanda. Ukanda waco wa sonehiwa velimi lia va Suria, kuenje noke wa pitiyiwa.

ESTER 1:1

Soma Ahasuero wa viala tunde ki India toke ke Etiopia. Wa viala olofeka ocita lukui avali lepanduvali.

OLOSAPO 22:21

Siu ku longisa hẽ eci cesunga leci cocili, okuti o kumbulula ciwa ava va ku tuma?

DANIELE 10:1

Kulima watatu wa Kuro, Soma ya va Persia, ondaka yimue ya situluiwa ku Daniele, una wa lukiwa Beltesiatare. Ondaka yaco yocili, yi tukula ovita vinene. Ondaka yaco yo lomboloka kuenje wa kala lukulĩhĩso wocinjonde caco.

DANIELE 11:25

Oco o wengula unene waye lutõi waye, kuenje o katukila Soma yo ko Sul lolohoka vialua viasualali. Kuenje Soma yo ko Sul o yaka lolohoka viaye viakahandangala, haivio via pama. Puãi ka yuli, momo va tumbila ahãla.

DANIELE 7:5

Ota, ocinyama cikuavo cavali ca setãhãla urso, ca yeluka onẽle, ci kuete olomati vitatu vomẽla, pokati kovayo aco. Kuenje va popia laco vati, Katuka, lia ositu ya lua.

DANIELE 8:21

Ocitupi cohombo ca fuakũlũha, oco osoma ya Helasi; kuenda ombinga yinene ya kala kupolo, oyo osoma yatete.

DANIELE 8:26

Kuenje ocinjonde ca lekisua, cina coloñolõsi lolomẽle, oco cocili. Ove puãi, yika ocinjonde caco, momo ci tiamẽla kovaso yoloneke vialua.

DANIELE 8:4

Nda mõla okuti ocitupi ca kala loku toma kutakelo loko Norte loko Sul. Lacimue ocinyama ca tẽla oku liyaka laco, kuenje ka kua kaile umue wa tẽla oku popela cimue peka liaco. Ca linga ño ocipango caco muẽle, haico ca lipanda.

AMOSI 3:7

Ocili, Ñala Yehova ka lingi cimue te tete o situlula ocisimĩlo caye kovakuenje vaye ovaprofeto.

YOANO 10:35

Nda omanu va yeva ondaka ya Suku va tukuiwa olosuku, kuenje ka ci tava oku nyõla ocisonehua,

ESITULUILO 21:5

Oco u wa tumala kocalo wa popia hati, Tala, ovina viosi ndi vi lingisa viokaliye. Wa popiavo hati, Ci soneha cosi, momo olondaka evi via sunguluka, kuenda viocili.