DANIELE 10:1 - Embimbiliya - Bíblia Sagrada em Umbundu

¹ Kulima watatu wa Kuro, Soma ya va Persia, ondaka yimue ya situluiwa ku Daniele, una wa lukiwa Beltesiatare. Ondaka yaco yocili, yi tukula ovita vinene. Ondaka yaco yo lomboloka kuenje wa kala lukulĩhĩso wocinjonde caco.

DANIELE 10:1 Iomraidhean Croise

EFETIKILO 41:32

Kuenje onjoi yaco ya lotiwa olonjanja vivali la Fareo momo ondaka yaco ya kolisiwa la Suku, kuenje Suku o yayulako oku ci linga.

II ASAPULO 36:22

Kaliye, okutẽlisa ondaka ya popia Yehova lomela wa Yeremiya oco kunyamo wa tete wa Kuro, Soma ya Persia, Yehova wa tuñunya utima wa Kuro, Soma ya Persia, ha imbi oluiya kusoma waye wosi, loku lu soneha ndomo:

ESERA 3:7

Oco va eca olombongo kovatungi vupange wovawe lowu wavaya. Va ecavo okulia lovinyua lulela ku va Sidono la va Turo okuti va nena ketapu lia Yopa olo-cedro vio ko Levanone, ndomoko ya va ihiwa la Kuro, Soma yo ko Persia.

ESERA 4:3

Puãi Seruvavele la Yesiua lakulu vakuavo vapata a va Isareli va va kumbulula vati, Ene ka vu kuete cimue letu kondaka yoku tungila Suku onjo. Etu muẽle lika wetu tu yi tunga. Tu yi tungila Yehova Suku ya va Isareli ndeci Kuro, Soma yo ko Persia, a tu sapuila.

ESERA 4:5

Va feta omanu oku va tatamisa kupange wavo otembo yosi ya Kuro, Soma yo ko Persia, toke kovava a Dariu, Soma yo ko Persia.

ESERA 6:14

Asongui va va Yudea va likapelako oku tunga, kuenje omo ovaprofeto Hagai la Sakariya, omõla a Ido, va va kolisa oco va mala. Locihandeleko ca Suku ya va Isareli leci ca Kuro la Dariu kuenda Aretasesete, osoma yo ko Persia, va mala muẽle upange wavo woku tunga.

ESERA 6:3

Vulima watete wokovava a Soma Kuro wa imba oluiya hati, Ondaka yonjo ya Suku yi kasi vo Yerusalãi. Onjo yaco, omo va lumbalaile Suku ovilumba vioku yoka levi vioku pia elisi, yi tungiwe. Ociseveto caco ci sevetiwe ciwa. Okulepa kuaco kilu ku soke lakui atatu kovikeya, lupati waco u soke lakui atatu kovikeya.

ISAYA 44:28

Ame muẽle nukula Kuro siti. Eye ungombo wange, o lemulula ocipango cange cosi. Nukula Yerusalãi siti, Yi tungiwa. Mopia lonembele siti, Ociseveto cove ci sevetiwa.

DANIELE 1:17

Kaliye, Suku wa eca kakuenje vaco vakuãla ukũlĩhĩso luloño wovisonẽhũa viosi kuenda olondunge. Kuenda Daniele wa kala lukulĩhĩso wovinjonde viosi lu wolonjoi.

DANIELE 1:21

Daniele yu wa kala toke kulima watete wa Soma Kuro.

DANIELE 1:7

Kalei kakuenje velombe, yu wa va luka olonduko vikuavo. Daniele wo luka Beltesiatare; Hananiya luka Sadrake; Misaeli wo luka Mesake, Asariya wo luka Aved-Nego.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 11:2

Kaliye hu lekisa eci cocili. Tala, mu katuka vali olosoma vikuavo vitatu vo Persia. Yakuãla yaco yi linga ohuasi ya piãla, vosi vakuavo ci sule. Kuenje, eci a linga unene lukuasi waye, o tutuminya vosi ha va katukila usoma wa va Helasi.

DANIELE 12:4

Ove puãi, a Daniele, yika olondaka evi, sitika elivulu liaco, toke kotembo yesulilo. Va lua va enda oko loko, kuenda ukulĩhĩso u lua.

DANIELE 12:9

Eye wa popia hati, Kuende ño, a Daniele, momo olondaka evi via yikiwa, haivio via sitikiwa toke kotembo yesulilo.

DANIELE 2:21

O pongolola olotembo lovovo; eye upa olosoma haeye o tumbika olosoma; haeye eca olondunge kuava va lunguka kuenda ukulĩhĩso kolonoño.

DANIELE 4:8

Noke puãi, Daniele weya kokuange, haeye Beltesiatare, oyo onduko yosuku yange. Kokuaye kuli espiritu liolosuku vi kola. Kuenje ndo sapuila onjoi siti,

DANIELE 5:12

Momo ku Daniele una Soma a lukile Beltesiatare, kokuaye muẽle kua sangiwa espiritu lia velapo lukulĩhĩso, lolondunge luloño woku lombolola olonjoi loku situlula alumbu loku tetulula olondaka via tĩla. Oco Daniele a kovongiwe, a sapuile elomboluilo.

DANIELE 5:17

Daniele yu wa tambulula Soma hati, Oviali viove vi kale ño love, lonima yove yi linge yomunu ukuavo! Haimo lumue nangela Soma ocisonẽhua hã siu sapuila elomboluilo liaco.

DANIELE 6:28

Oco Daniele u wamamako koku sumũlũha kondalu ya Soma Dariu, lokondalu ya Soma Kuro u Persia.

DANIELE 8:16

Kuenje nda yeva ondaka yomunu pokati kolui Ulai, wa vilikiya hati, A Gabriele, lomboluila omunu u ocinjonde.

DANIELE 8:26

Kuenje ocinjonde ca lekisua, cina coloñolõsi lolomẽle, oco cocili. Ove puãi, yika ocinjonde caco, momo ci tiamẽla kovaso yoloneke vialua.

LUKA 1:20

Kuenje tala, o linga ocitende, ku tẽla oku popia vali, toke keteke ovina evi vi lingiwa, omo kua kolelele olondaka viange, evi vi tẽlisiwa keteke liavio.

ESITULUILO 19:9

Oco ungelo wa popia lame hati, Soneha. Ava va lalekua kondalelo yofesta yuvala wa Kameme va sumũlũha. Oco a popia lame hati, Evi olondaka viocili via Suku.