DANIELE 1:4 - Embimbiliya - Bíblia Sagrada em Umbundu

⁴ akuenje ka va kuete etondelo, olondambi, va loñolõha kolondunge, kululĩhĩso, lokelilongiso, okuti va posokela oku vumba velombe lia Soma; kuenda oku va longisa ovisonẽhũa lelimi lia va Kaldea.

DANIELE 1:4 Iomraidhean Croise

EFETIKILO 41:46

Yosefe wa tẽla akui atatu kanyamo eci a fetika upange waco wa Fareo, osoma ye Egito. Oco Yosefe wa tunda lomoko ya Fareo ha ñuala ñuale kovikanjo viosi vie Egito.

II SAMUELE 14:25

Ca kala okuti vi Isareli yosi ka mua kaile ukuavo wa pandiyiwila unumbu nda Avisalome. Tunde kolomãi toke konumbutue letondelo ka kua kaile.

OLOSAPO 22:29

O lete ulume o kuete ombili kupange waye? Eye o ka talama kovaso olosoma, ka ka talama kovaso omanu vaño.

UKUNDI 7:19

Olondunge vi kolisa ca velapo ukualondunge, ekui liolombiali vi kasi vimbo ci sule.

ISAYA 36:11

Oco Eliakimi la Sievena la Yowa va popia la Ravesiake vati, Va popie lakuenje vove lelimi lia Suria momo tu li yevite; ku ka popie vali letu lelimi lia va Yuda osimbu omanu va kasi kilu liocimbaka va tu yeva.

YEREMIYA 5:15

Apata lia Isareli, tala! Ndu katuili ofeka yokupãla. Oco ca popia Yehova. Ofeka yaco ya pama, haiyo yosiahũlu. Elimi liayo ka wa li kũlĩhĩli, leci va popia ko ci limbuka

DANIELE 2:10

Va Kaldea va tambulula Soma vati, Kilu lieve ka kuli u o tẽla oku lombolola ondaka yaco ya Soma; omo layimue osoma, pamue ocime, pamue ombiali, wa la pinga ocina ca soka ndeci kukualumbu pamue kukuakusingila pamue ku Kaldea.

DANIELE 2:2

Kuenje Soma yu wa tuma oku kovonga vakualumbu lavakuakusingila lovimbanda lava Kaldea, okuti vo lomboluila olonjoi viaye. Oco veya kuenje va talama kovaso a Soma.

DANIELE 3:8

Oco koloneke viaco, va Kaldea vamue veya kuenje va pindika va Yuda.

DANIELE 4:7

Oco vakualumbu la vakuakusingila la va Kaldea lavakuakutanga olombungululu veya. Nda va sapuila onjoi puãi ovo ka va tẽlẽle oku yi ndomboluila.

DANIELE 5:11

Vusoma wove muli ulume umue okuti o kuete espiritu liolosuku vi kola. Koloneke via so, kulume waco kua sangiwile ocinyi lukulĩhĩso lolondunge ndevi violosuku. Kuenje a Soma, so, Soma Nevukandesa, eye wo tumbikile ndusongui wavakualumbu lavakuakusingila lava Kaldea lavakuakutanga olombungululu.

DANIELE 5:7

Soma yu wa vilikiya lolukandi ha vo nenela vakuakusingila la va Kaldea la vakuakutanga olombungululu. Soma wa popia lolonoño via Bavulono hati, Wosi o tanga ocisonẽhua eci loku situluila elomboluilo liaco, o tambula uwalo wohusu, lomota yulu posingo, kuenda omangu yombiali yatatu vusoma.

DANIELE 9:1

Kulima watete wa Dariu, omõla a Asueru, ukuambuto ya va Media, una wa tumbikiwa Soma yolofeka viosi via va Kaidea, oco,

SAKARIYA 2:4

Wa popia laye, hati, Lupuka! Ka sapuile umãlẽhe o, huti, Yerusalãi yi tungiwa ndovaimbo ka a kuete ovimbaka mekonda liowiñi walua womanu lovinyama u kalamo.

OVILINGA 7:20

Koloneke viaco haiko Mose a citiwa. Eye wa piãla keposo, ndaño ku Suku. Wa tekuiwila vonjo ya isiaye olosãi vitatu.

OVILINGA 7:22

Mose wa longiwa uloño wosi wa ve Egito, haeye wa loñoloha, ci kale kueci a popia, ci kale kueci a linga.

VA EFESO 5:27

O kolisa ekongelo liaye okuti li lekisua kokuaye lulamba, kuenje li lekisua tupu lia pua atime lanyõle okuti li kola hailio li lipua.

LIOLONGANJI 8:18

Wa popia la Seva la Calimuna, hati, Alume wa ipaili ko Tavore va kala ndati? Yu va kumbulula vati, Va kala ndove muẽle. Vosi yavo va mõleha ndomala vosoma.