DANIELE 1:1 - Embimbiliya - Bíblia Sagrada em Umbundu

¹ Kunyamo watatu kondalu ya Yehoyakimi, Soma ya Yuda, Nevukandesa Soma ya Bavulono, weya ko Yerusalãi kuenje wa li ñuala ocingonja.

DANIELE 1:1 Iomraidhean Croise

II OLOSOMA 23:36

Yehoyakimi eci a fetika oku viala wa kala lanyamo akui avali la atãlo, kuenje wa viala anyamo ekui lamosi vo Yerusalãi. Onduko ya inaye Sevida, omõla a Pedaya u Ruma.

II OLOSOMA 24:13

Wambata ovokuasi osi onjo ya Yehova, lovokuasi onjo ya Soma. Wa tetola ovikuata viosi viulu vina Salomone Soma ya Isareli a pangelele onjo ya Yehova, ndeci Yehova a ci popele.

ISAYA 39:7

Kuenje vamue pokati komãla vove alume, vakuetimba liove, wa cita ove muẽle, vambatiwa ha va lingi anuku velombe liosoma yoko Bavulono.

YEREMIYA 25:1

Kunyamo wa kuãla wa Yehoyakimi, omõla a Yosiya, Soma ya Yuda, haiwo unyamo watete wa Nevukandesa, Soma ya Bavulono, oco ondaka yoku pisa omanu va Yuda yeya ku Yeremiya.

YEREMIYA 35:1

Ondaka ya Yehova yeya ku Yeremiya koloneke via Yehoyakimi omõla a Yosiya, Soma ya Yuda, yeyi, yiti,

YEREMIYA 35:11

Puãi eci Nevukandesa, Soma ya Bavulono, eya vofeka yilo oco tua linga tuti, Enjui, tu endi ko Yerusalãi, omo tu kasi lusumba wolohoka via va Kaldea levi via va Suria. Oco tu kasilili vo Yerusalãi.

YEREMIYA 36:1

Kunyamo wakuãla wa Yehoyakimi, omõla a Yosiya, Soma ya Yuda, ondaka eyi ya tunda ku Yehova, yeya ku Yeremiya, yiti,

YEREMIYA 45:1

Uprofeto Yeremiya wa popia la Baruki, omõla a Neriya, eci a sonẽha olondaka via tunda komẽla wa Yeremiya. Ca kala kunyamo wakuãla wa Yehoyakimi, omõla a Yosiya, Soma ya Yuda. Wa popia hati,

YEREMIYA 50:1

Ondaka ya Yehova yoku imbila owanji Bavulono, haiyo ofeka ya va Kaldea, yeya kuprofeto Yeremiya, yiti,

YEREMIYA 52:12

Kosãi yatãlo, keteke liekũi kosãi, ulima waco ulima wekuĩ lecea wa Nevukandesa, Soma ya Bavulono, oco Nevusaradana, kesongo liavakuakulava haeye ukuakuvumba Soma ya Bavulono, wa iñila vo Yerusalãi.

YEREMIYA 52:28

Ava Nevukandesa a ambata olohuate vava, kunyamo wepanduvali, wambata olohulukãi vitatu kakuĩ avali ko va Yuda ko va Yuda vatatu.

DANIELE 5:13

Kuenje va nena Daniele ku Soma. Soma yu wa popia la Daniele hati, Ove hẽ Daniele, una ukuepata liolomandekua vio ko Yuda, vana tate, Soma Nevukandesa, opile ko Yuda?