ATENDELO 3:3 - Embimbiliya - Bíblia Sagrada em Umbundu

³ Ovio olonduko viomãla valume va Arone, haivo ovitunda via wavekiwa, haivo va ihiwa ocikundi coku vumbila komangu yutunda.

ATENDELO 3:3 Iomraidhean Croise

I ASAPULO 23:6

Daviti wa va tepa kovisoko, ndapata omãla va Lewi, Gerisiono la Kohata la Merari.

ETUNDILO 28:41

Ovio o walisa Arone huvove lomãla vaye valume kumue laye, o va waveka, o va iha ocikundi, o va kolisa ha va mbumbila komangu yutunda.

ETUNDILO 40:13

O walisa Arone uwalo u kola; o u waveka hu kolisa, eye ha mbumbila komangu yutunda.

ETUNDILO 40:15

O va waveka ndeci wa waveka isiavo, ha va mbumbila komangu yutunda. Okuwaveka kuavo ku va muisa utunda wenda hũ kovitumbulukila viavo viosi.

OVISILA 8:12

Wa itila kutue wa Arone ulela woku waveka, wo waveka ho kolisa.

OVISILA 8:30

Oco Mose wa nyañula okolela koku waveka, lokasonde ka kala kutala wa ka nyila Arone luwalo waye, lomãla vaye, luwalo womãla vaye kumuamue laye, yu wa kolisa Arone, luwalo waye, lomãla vaye, luwalo womãla vaye kumuamue laye.

ATENDELO 3:4

Puãi Nadava la Avihu va fila kovaso a Yehova eci va lumbila Yehova ondalu yaño vekalasoko lia Sinai. Ka va kaile lomãla. Oco Eleasa la Itamare ovo va vumba ndovitunda osimbu isiavo Arone a kala lomuenyo.

VA HEVERU 7:28

Momo ovihandeleko vi tukula alume va leñela oku linga ovitunda vinene. Puãi ondaka yoku lisinga, yina ya kuama ovihandeleko, yi tukula Omõla wa kanguisua otembo ka yi pui.