ASIÕSUILO 5:5 - Embimbiliya - Bíblia Sagrada em Umbundu

⁵ Omi yeyi posingo, tua sipatiwa. Tua kava; ka va tava okuti tu puyuka.

ASIÕSUILO 5:5 Iomraidhean Croise

YEREMIYA 27:2

Ca popia lame Yehova ceci, hati, Liangiliyila omi lovikolo, vi imba posingo yove.

YEREMIYA 27:8

Puãi nda pa li ofeka yimue pamue usoma umue ko tava oku vumba Nevukandesa, Soma ya Bavulono, kuenda ko tava oku imba osingo komi ya Soma ya Bavulono, ofeka yaco ndi yi yambula losipata kuenda onjala lefengi toke nda va nyõla pe leka liaye. Oco ca popia Yehova.

YEREMIYA 28:14

Momo, ca popia Yehova Ukualohoka, Suku ya Isareli, ceci, hati, Nda imba omi yutale kosingo yolofeka evi viosi, okuti vi vumba Nevukandesa, Soma ya Bavulono. Viu vumba omo ndo wiha ndaño ovinyama viovusenge.

YEREMIYA 51:58

Ca popia Yehova Ukualohoka ceci, hati, Ocimbaka ca tanda ca Bavulono ci kupukila posi, lolombundi viayo visõvi vi yokiwa londalu. Vakualofeka va talavaya ño olivova, lolofeka vi likavisila ño upange wondalu.

ASIÕSUILO 1:14

Olohole viange via ñuta ndomi; eka liaye lia vi pandeka; via litañula ha vi ñueka posingo; wa njupa ongusu yange. Yehova wa ngeca povaka a vana okuti si tẽla oku tamalãla lavo.

ASIÕSUILO 1:3

Yuda wa tualiwa kofeka yamãle, ha sipatiwa kuenda oku vumbisua. Wa tunga pokati kolofeka. Utima puãi ka wa sangele omangu. Ava vo lupuisile vo kuata pokati kokusipatiwa kuaye.

ASIÕSUILO 4:19

Ava va tu lupuisa va lupuka ca lua, olongonga vi sule. Va tu sengela kolomunda; va tu lavekela vekalasoko.

MIKA 2:3

Oco, ca popia Yehova ceci, hati, Tala! nda angiliyila epata eli eci cĩvi, lolomi ka vi tundi kolosingo viene. Ka wendi vali loku ngangavala, momo oloneke viaco vi kala cĩvi.

MATEO 11:29

Likapi okanga yange kuenda lilongisi kokuange, momo ndonjuka, haime nda liketisa vutima, oco vu sanga ekavuluko vovitima viene,

OVILINGA 15:10

Oco he, nye vu setekela Suku poku kapa kapasingo oloñame okanga yimue yokuti, ndaño olosekulu vietu ndaño etu muẽle, ka tua yi tẽlele oku yambata.

ESINUMUĨLO 28:48

oco o vumbila ovanyãli vove, ava Yehova, Suku yove, a ku tumisa. O va vumba lonjala, lenyona, lepẽle, lusuke wovina viosi. Yehova o ku kapa okanga yutale kosingo, toke wa ku nyõla.