ASIÕSUILO 4:7 - Embimbiliya - Bíblia Sagrada em Umbundu

⁷ Olombuale viavo via yelele ndocikokoto, asenjele a sule. Atimba avo a kusukile ca lua, olokarbunkulu vi sule; eposo liatimba avo nda safira.

ASIÕSUILO 4:7 Iomraidhean Croise

YOVI 28:16

Ka vi sokisua lulu woko Ofiri pamue lewe lia tila lia sardonika, ndaño losafira.

YOVI 28:18

Oku tukula akuãlãli pamue olomota via tĩla okuti o vi sokisa lolondunge, ka ci tava. Momo ondando yolondunge ya velapo, yolomota via tila yi sule.

OLOSAMO 144:12

Omãla vetu valume vutila wavo va linge ndovikũla via kula ciwa. Lomãla vetu vakãi va linge ndovawe avindi a songiwila onjo yosoma.

OLOSAMO 51:7

Njelise lovisapa viohisope si yeli ocili. Sukule si piãla ocikokoto oku yela.

ETUNDILO 24:10

Va mõla Suku ya Isareli. Vemẽhi liolomai viaye huti ño mua yaliwa ohanda yosafira, okuyela kuaco kua soka ndilu.

OCISUNGO CA SALOMONE 5:10

Ukuacisola cange ukuetimba li yela, o kusuka; pokati kekui liolohũlũkãi eye fũ.

OCISUNGO CA SALOMONE 5:15

Ovolu aye ndolongunji viewe lia yela lie, via tumbikiwa kociseveto culu. Upolo waye wa soka nda Levanone; wa posoka ndovinendele viaco.

DANIELE 1:15

Kesulilo lioloneke viaco ekũi, ovipala viavo via posoka kuenda va neta, okuti amãlẽhe vosi va lialia okulia kua Soma, ci sule.

LUKA 1:15

momo o linga unene kovaso a Ñala. Ka nyui ovinyu levi vi koluisa, puãi o yuka Espiritu Sandu tunde vimo lia inaye.

LIOLONGANJI 13:5

Momo tala, o mina, o cita omõla ulume. Omoko yomuto ka yi piti vutue waye, momo omolaco o linga u Nasiri wa Suku tunde vimo lia inaye. Haeye o fetika oku popela va Isareli peka lia va Filisiti.

LIOLONGANJI 13:7

Puãi wa popia lame hati, Tala, o mina, o cita omõla ulume. Oco ku ka nyue ovinyu pamue vievi vi koluisa, ndaño oku lia eci ca vĩha. Momo omõlaco o linga u Nasiri wa Suku tunde vimo lia inaye toke keteke liokufa kuaye.

LIOLONGANJI 16:17

Oco wo sapuila cosi ca kala vutima waye. Wa popia laye hati, Vutue wange ka mua la pita omoko yomuto, momo ndu Nasiri wa Suku tunde vimo lia mai. Nda mutiwa, oco olohõlo viange vi nunda, ndi pua ongusu, kuenje ndinga ndomanu vakuavo.

I SAMUELE 16:12

Wo tumĩla kuenje wo nena. Eye o kusuka, ovaso aye a posoka, oku u vanja wa posoka muẽle. Kuenje Yehova hati, Votoka, u waveka momo eye muẽle.