ASIÕSUILO 4:11 - Embimbiliya - Bíblia Sagrada em Umbundu

¹¹ Yehova ka kandangiyile onyeño yaye, wa sukumũla onyeño yaye yi tokota. Wa timĩhila vo Siono ondalu kuenje ya lia oviseveto viayo.

ASIÕSUILO 4:11 Iomraidhean Croise

ISAYA 51:20

Omãla vove valume vambuka, va pekela valuwa osi ndonusi vonjanjo. Ve kuta onyeño ya Yehova lokulemẽla kua Suku yove.

YEREMIYA 13:14

Kuenje ndi va puma kumuamue ovitue, ndaño vaisiavo kumue lomãla. Yehova hati, Si va kuatela ohenda, si va ecela, si kala locikembe okuti si va nyõli.

YEREMIYA 17:27

Puãi nda ko njevelela, loku kolisa eteke liesambata okuti ka wambati ocitele loku iñila volombundi vioko Yerusalãi kesambata, oco siakãlẽla ondalu volombundi via Yerusalãi kuenje yi lia olonjo viulamba via Yerusalãi kuenje ka yimi.

YEREMIYA 21:14

Yehova wa popia hati, Ndu yambuli eci ca soka lovilinga viene. Siakãla ondalu vusitu waye kuenje yi lia cosi co ñuala.

YEREMIYA 36:7

Mbi alombelo avo a yevala ku Yehova, kuenje vosi, omunu omunu, va tinduka kolonjila viavo vĩvi. Momo onyeño locikumbiti Yehova a tukuila omanu ava, vialua.

YEREMIYA 7:20

Oco Ñala Yehova hati, Tala, okutema kuange lonyeño yange vi pesiliwa kocitumãlo cilo, komanu kuenda kovinyama, koviti kuenda kepako lioposi. Yi taima, ka yi imiwa.

ASIÕSUILO 2:1

Avoyo we! Onyeño ya Yehova we! Wa tumalĩsa omõla a Siono ukãi vowelema. Ulamba wa Isareli wo kupuila posi. Keteke lionyeño yaye ka ivalukile ociliatelo caye.

ASIÕSUILO 2:17

Yehova wa linga eci a panga. Eci a lipañelele cilo wa ci linga muẽle. Wa nyõla pe, ohenda lakamue, ndeci a tukuile osimbu. Wa tava okuti ovanyãli va yolela ohali yene. Wa yukinya unene wava vo suvuki.

ASIÕSUILO 2:3

Wa topola lonyeño ya lua asualali vosi va Isareli. Kovaso ovanyãli vavo wa tiula eka liaye liondio. Wa lingila va Yakoba ondalu yelisi, ya lia cosi ca kalako.

ASIÕSUILO 2:4

Wa nala ohonji yaye ndunyãli; woluila eka liaye liondio oku nyõla. Vombalaka yomõla a Siono ukãi wa ipaila vana tua va sanjukilile. Wa va kuatela onyeño ndondalu.

ASIÕSUILO 2:8

Yehova wa panga oku nyõla ocimbaka comõla a Siono ukãi. Wa ci seteka lukolo. Ka tiuwile eka liaye kokunyõla kuaco. Ombindikiyo locimbaka wa vi ulumuila pamosi.

ASIÕSUILO 4:22

Eyambulo liũvi wove lia telisua, a Mõla a Siono. Eye ka ku kalisa vali kumandekua. Puãi ove, a Mõla Edome, ũvi wove u yambuiwa laye, kuenje o situlula akandu ove.

ESEKIELE 22:31

Oco nda va sukumuĩla onyeño yange. Nda va nyõla londalu yonyeño yange. Ongole yavo nda yi kupuila kovitue viavo. Oco ca popia Ñala Yehova.

ESEKIELE 36:18

Oco nda va sukumuĩlĩle onyeño yange mekonda liosonde va peselele vofeka kuenda mekonda lioviteka va yi vĩhĩsile lavio.

ESEKIELE 6:12

U o kasi kupãla o fa lefengi. U o kasi ocipepi o kupuka losipata. U wa supa vocingonja o fa lelambu. Oco ndi va tẽlisila onyeño yange.

DANIELE 9:12

Wa linga ndeci a ci popele letu lolonganji vietu via tu viala, kuenje wa tu muisa ohali yimue yinene, okuti kilu lieve liosi lakumue kua lingiwa ndeci ca lingiwa la Yerusalãi.

OVISILA 26:28

oco ndi litamãlãla lene lonyeño, lamevo ndu yambuli loku luisa olonjanja epanduvali eyambulo liakandu ene.

SOFONIYA 2:2

osimbu kuambatiwile ndovisaikiti vi enda lofela; osimbu onyeño ya Yehova ka ya ku wilile, osimbu eteke lionyeño ya Yehova ka lieyile kokuove.

SAKARIYA 1:6

Olondaka viange lovihandeleko viange, vina nda handeleka lovimẽla viakuenje vange ovaprofeto, ka via lingiwile hẽ kolosekulu viene? Oco ovo va tindukako, vati, Ndeci Yehova Ukualohoka a panga oku linga letu mekonda liolonjila vietu lovilinga vietu oco a tu linga.

LUKA 21:22

Momo oloneke evi viefetuluinyo, haivio viokulingiwa kuovina viosi via sonehiwa.