ASIÕSUILO 3:57 - Embimbiliya - Bíblia Sagrada em Umbundu

⁵⁷ Eci nda ku vilikiya weya ocipepi. Wa popia huti, Ku ka yokoke.

ASIÕSUILO 3:57 Iomraidhean Croise

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

II OLOSOMA 19:6

Kuenje Isaya wa popia lavo hati, Popi ndomo la cime cene hoti, Ca popia Yehova ceci, hati, Ku ka yokokele olondaka wa yeva, vina akuenje va Soma ya Asuria va nondala lavio.

OLOSAMO 138:3

Eteke nda vilikiya wa nambulula. Wa luisa ongusu yange yovutima.

OLOSAMO 145:18

Yehova o kasi ocipepi la vosi vo vilikiya, okuti vo vilikiya ocili.

OLOSAMO 69:18

Kokela kokuange, mopele. Mopele mekonda liovanyali vange.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 41:14

Apuka! a Yakoba! Ambuto ya Isareli! Ku ka kuate usumba! Yehova wa linga hati, Hu kuatisa, U o kola wa Isareli eye Onjovoli yove.

ISAYA 58:9

Oco o kovonga, kuenje Yehova o kumbulula; o vilikiya, kuenje eye o popia hati, Ame ulo. Nda wupi pokati kene omi kuenda oku ilika omuine, loku pitisa olombonde,

YEREMIYA 1:17

Oco ove, iña pimo, votoka, popia lavo ovina ame hu sapuila. Ku ka va yokokele sanga ame hu yokokisila kovaso avo.

OVILINGA 18:9

Kuenje Ñala wa popia la Paulu vonjoi hati, Ku ka kuate usumba, puãi longisa, ku ka liweke.

OVILINGA 27:24

Ungelo wa linga hati, A Paulu, ku ka yokoke. O talama kovaso a Kaisare, kuenda Suku wa ku iha vosi va endela kumue love vonaviyu.

VA HEVERU 7:19

Momo ovihandeleko ka via kanguisile cimue. Konele yikuavo kuli elavoko lia velapo, hailio tu amela lalio ku Suku.

TIAGO 4:8

Ameli ku Suku kuenje eye amela kokuene. A vakuakandu, yelisi ovaka. A vakuavitima vivali, puisi ovitima viene evĩho.

ESITULUILO 1:17

Eci ndo mola nda kupukila posi kolomãi viaye ndu wa fa. Eye puãi wa ndamba londio yaye, hati, Ku ka yokoke ño. Ame Tete, haime Kuasula,

ESITULUILO 2:10

Ku ka yokokele ohali o laika oku tala. Hu sapuila okuti eliapu limba vamue pokati kene vokayike okuti vu nyikiwa. Kuenje wu tala ohali ekui lioloneke. Pandikisa ño toke kokufa, kuenje hu iha ekolowa liemuenyo.