ASIÕSUILO 3:32 - Embimbiliya - Bíblia Sagrada em Umbundu

³² puãi ndaño o sumuisa omunu, noke u kuatela ohenda, momo ocisola caye ka ci pongoloka.

ASIÕSUILO 3:32 Iomraidhean Croise

II OLOSOMA 13:23

Puãi Yehova wa vombokela, wa va linga ohenda wa va ivaluka mekonda liocisila caye la Avirahama la Isake la Yakoba. Ka yonguile oku va nyõla, ndaño toke cilo lopo ka va takumuĩle kovaso aye.

OLOSAMO 103:11

Ocili, ndeci kilu kua lepa loposi haico ocisola caye ka ci pui kuava vo sumbila.

OLOSAMO 30:5

Momo onyeño yaye yi kala ño okacinimbu kaño. Ohenda yaye yenda ño-o hũ omuenyo wosi. Okulila ku iya oñolosi, omele puãi esanju.

OLOSAMO 78:38

Eye puãi, omo ukuahenda, wa va ecela evĩho liavo, ka va nyõlele. Olonjanja via lua wa likandangiya kokutema kuaye, ka wenguile onyeño yaye yosi.

ETUNDILO 2:23

Eci pa pita oloneke via lua oco Soma ye Egito wa fa. Va Isareli va lisiõsuĩla upika wavo, va liyuila upika wavo kuenje okuliyula kuavo kua yevala ku Suku.

ETUNDILO 3:7

Yehova wa popia hati, Nda mõla ohali yomanu vange va kasi ve Egito. Nda yeva ndeci va lilila asongui vavo vupange, nda kulĩha olohali viavo.

ISAYA 27:8

Poku va tundisa loku va tuma kupãla oco a liyaka lavo. Wa vopako lofela yaye ya tema keteke liofela yokutakelo.

ISAYA 54:7

Nda ku nyalẽle ño naito, puãi hu ondolola lohenda ya lua.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

ASIÕSUILO 3:22

Ocisola ca Yehova ka ci kava kava, haico ka ci pui. Ohenda yaye ka yi kuete efulilo.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

NAHUMI 1:12

Ca popia Yehova ceci, hati, Ndaño va pama, haivo va lova, haimo va tepiwa kuenje va nyõlẽha. Ndaño nda ku talisile ohali, cilo si ku talisa vali ohali.

LUKA 15:20

Kuenje wa katuka, wa enda ku isiaye. Puãi osimbu a kasi handi kupala, isiaye wo mola, kuenje wo kuatela ohenda, wa lupuka, wo limbila posingo, yu wo sipula.

LIOLONGANJI 10:16

Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.