ASIÕSUILO 3:25 - Embimbiliya - Bíblia Sagrada em Umbundu

²⁵ Yehova o linga ohenda ava vo talamẽla lava vo sandiliya.

ASIÕSUILO 3:25 Iomraidhean Croise

EFETIKILO 49:18

Eyovo liove, a Yehova, nda limbila ovaso.

I ASAPULO 28:9

Love, amolange, a Salomone, kuliha Suku ya soyove, u vumba loku pua evelo kuenda lutima wove wosi. Momo Yehova o pendusola ovitima viosi, kuenje o limbuka ovipangelo viosi viovisimilo. Nda ove u sanda, eye o tava oku sangiwa love. Puãi nda u yanduluka, leye o ku takumũla ño hũ.

II ASAPULO 15:2

Kuenje wa enda ku ñualẽhẽla la Asa, yu wa popia laye hati, ye a Asa, love a Yuda, la Benjamini yosi, njeveleli. Yehova o kala lene osimbu ene vu kalavo laye, kuenje nda vu u sandiliyi eye o tava oku sangiwa lene, puãi nda ene vu u yanduluki eye u yandulukivo.

II ASAPULO 19:3

Haimo lumue kokuove kua sangiwa vimue viwa, okuti wopa oviteka via Asera vofeka kuenda wa kapa utima wove oku sanda Suku.

II ASAPULO 30:19

u wosi wa kapela utima waye oku sanda Suku Yehova, Suku yolosekulu viaye, ndaño ka kuete onjelo yina yi sesamela vocitumãlo ci kola.

II ASAPULO 31:21

Cosi a fetika oku linga, ci kale upange wonjo ya Suku, ci kale ovihandeleko pamue ovisila, ha sandi Suku yaye, cosi wa ci linga lutima waye wosi kuenje wa sumuluha.

ESERA 8:22

Momo ca ndinga osõi oku pinga ku Soma okuti o tu ĩha asualali la vakuakuendela kotuvalu oku tu vindikiya kovanyãli vovonjila. Omo tua sapuilile ale Soma tuti, Eka lia Suku yetu li taiyilili oku kuatisa vosi vo sandiliya, longusu yonyeño yaye yi wengukila vosi vo yanduluka.

OLOSAMO 105:3

Lituni londuko yaye yi kola. Ovitima viava va sanda Yehova vi yolele.

OLOSAMO 119:2

Ava va linga ovisila viaye, loku u vanjiliya lutima wavo wosi,

OLOSAMO 22:26

Olosuke vi lia kuenje vi kuta. Ava va vanjiliya Yehova vo sivaya. Ovitima viene vi kale lomuenyo ko pui.

OLOSAMO 25:8

Yehova o kasi lunu lesunga, oco eye imba vakuakandu onumbi yonjila.

OLOSAMO 27:14

Imba ovaso ku Yehova. Kolisako. Utima wove u kuate utõi. Ocili, imba ovaso ku Yehova.

OLOSAMO 27:8

Wa popia huti, Vanjiliyi ocipala cange. Utima wange wa ku tambulula wuti, Ocipala cove, a Yehova, ndi ci vanjiliya.

OLOSAMO 37:34

Imba ovaso Yehova, endela vonjila yaye, kuenje o ku kemalisa hu piñala ofeka. O mõla muẽle okunyõleha kuondingaĩvi.

OLOSAMO 37:7

Imba ovaso Yehova, u felevela lepandi. Ku ka lisakalaise mekonda liu wa salala, pamue mekonda liomunu o lingainga evi vĩvi.

OLOSAMO 39:7

Kaliye, a Yehova, felevela nye? Ove nda ku imba ovaso.

OLOSAMO 61:1

A Suku, yeva evilikiyo liange. Tava kokulikutilila kuange.

OLOSAMO 61:5

Momo wa yeva olohuminyo viange, a Suku. Wa nyiha ocipiñalo cava va sumbila onduko yove.

OLOSAMO 69:32

Ava va kangisua va ci mole loku ci sanjukila. Lene wakuakusanda Suku, ovitima viene vi kuate vali omuenyo.

OLOSAMO 71:14

Ame puãi ndavoka ño-o oloneke viosi. Ngamamako loku ku sivaya.

ISAYA 25:9

Keteke liaco ci popiwa citi, Tala, u eye Suku yetu, eye tua felevela okuti o tu popela. U, Yehova, eye tua imba ondunge. Tu sanjuki loku yolela okupopela kuaye.

ISAYA 26:9

Utima wange u ku livela uteke, haiwo u ku sandiliya otembo yosi. Momo eci olonetululo viove vi kasi kilu lieve, oco olonungi viovoluali vi lilongisa esunga.

ISAYA 30:18

Oco Yehova o talamẽla oku u kuatisi; oco o katuka oku u lingi ohenda. Momo Yehova eye Suku yesunga; ava vo wimbila ovaso va sumũlũha.

ISAYA 40:31

puãi ava va imba Yehova ovaso va sakumuha; va palãla lavava ndolongonga, va lupuka kuenje ka va kavi, va enda kuenje ka va vela epuila.

ISAYA 55:6

Sandi Yehova osimbu a sangiwa, u kovongi osimbu a kasi ocipepi;

ISAYA 64:4

Momo tunde konahũlu omanu ka va la yeva letũi, pamue oku mõla kiso, Suku yikuavo, te ove; haive o linga oñuatisi yu o ku imbila ovaso.

ASIÕSUILO 3:26

Ciwa oku talamẽla eyovo lia Yehova, loku tula utima.

HOSEA 10:12

Likulĩlĩ esunga, lomboli ocisola ka ci pongoloka. Sosololi ocisoso; momo otembo yeya yoku sanda Yehova okuti iya, o vu lokisila epopelo ndombela.

SOFONIYA 3:8

Oco Yehova wa popia hati, Nalamẽli toke keteke mbotokela oku va imbila uvangi. Momo nda panga oku ongolola olofeka loku kongela ovoviali, hã si va sukumũila onyeño yange lokutokota kuayo; Momo oluali luosi lu pia vondalu yonyeño yesepa liange.

I VA TESALONIKE 1:10

kuenda oku lavoka Omõlaye o tunda kilu, una Suku a pindula kuava va fa, okuti Yesu, u o tu popela konyeño yi laika oku iya.

TIAGO 5:7

Oco, a vamanjange, pandikisi toke Ñala iya. Ivaluki okuti ongunja yi talamela ovaima a laika oku u tekula, toke a tunda posi, yi a kuetele epandi toke a lokiwa lohalula lombela yakupupu.