ASIÕSUILO 2:7 - Embimbiliya - Bíblia Sagrada em Umbundu

⁷ Yehova wa nyehũla utala waye. Wa sepula ocitumãlo caye ci kola. Wa eca povaka ovanyãli vavo ovimbaka via ñuala olopalasiu viavo. Vonjo ya Yehova mua yevala onjuvungo ndeteke liofesta.

ASIÕSUILO 2:7 Iomraidhean Croise

II OLOSOMA 25:9

Wa yoka onjo ya Yehova lonjo ya Soma, lolonjo viosi via Yerusalãi. Olonjo viosi vinene wa vimba ondalu,

II ASAPULO 36:19

Va yoka onjo ya Suku, va kupula ocimbaka ca Yerusalãi, kuenje ayemba aco osi va a imba ondalu, loku nyõla ovikuata viosi via tĩla.

OLOSAMO 89:39

Wa tokoka ohuminyo wa likuminya lu kuenje wove. Wa vĩhisa ekolowa liaye, wa li inasi posi.

ISAYA 64:9

Ku ka teme ca lua, a Yehova, ku ka ivaluke ño-o hũ evĩho. Tala, tu ku pinga tuti, Vanja, etu vosi tumanu vove.

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 26:6

oco ndinga lonjo eyi ndeci nda linga la Silo. Limbo lilo ndi li linga esiñalo liolofeka viosi viokilu lieve.

YEREMIYA 32:29

Kuenje va Kaldea, ava va kasi loku yaka limbo lilo, veya va li temiha loku li yoka. Va yokavo olonjo vina kovailu avio va timãhãlako Baale insensu, haiko va pesila kolosuku vikuavo ovilumba vioku nyua oku ñokela onyeño.

YEREMIYA 39:8

Va Kaldea va yoka londalu onjo ya Soma lolonjo viomanu, kuenje volumula ovimbaka via Yerusalãi.

YEREMIYA 4:26

Nda vanja, kuenje tala, ovapia a imaile a linga ekalasoko. Ovaimbo aco osi a livulukutila kovaso a Yehova, kuenda kovaso onyeño yaye ya lua.

YEREMIYA 4:27

Momo, ca popia Yehova ceci, hati, Ofeka yosi yi nyolẽha, haimo si nyõli cosi pe.

YEREMIYA 50:28

Yeveleli! Va kasi loku tila ale. Va kasi loku puluka kofeka ya Bavulono ha va sapuila vo Siono ndeci Yehova Suku yetu a fetuluinyila onembele yaye.

YEREMIYA 52:13

Wa yoka londalu onjo ya Yehova lelombe lia Soma kuenda olonjo viosi via Yerusalãi. Wa yoka muẽle olonjo viosi vinene.

ASIÕSUILO 1:4

Alila oko Siono a nyumãla, momo ka ku li ava va endaenda kolofesta. Kolombundi vialio ka ku li omanu. Ovitunda vialio vi tula tula ovimuenyo. Afeko valio va sumua. Imbo lie yuka ocinguva.

ASIÕSUILO 2:1

Avoyo we! Onyeño ya Yehova we! Wa tumalĩsa omõla a Siono ukãi vowelema. Ulamba wa Isareli wo kupuila posi. Keteke lionyeño yaye ka ivalukile ociliatelo caye.

ASIÕSUILO 2:5

Yehova wa linga ndunyãli, wa nyõla Isareli! Olopalasiu viavo viosi wa vi nyõla, wolumũla olombonge viosi. Wa luisila omõla a Siono ukãi okusumua lokulisiõsiõla.

ESEKIELE 24:21

Sapuila epata lia Isareli huti, Ca popia Ñala Yehova ceci, hati, Tala, ame sepuisa onjo yange yi kola, haiyo ulamba wunene wene, haiyo esanju liovaso ene, haiyo ocilivelo covitima viene. Omãla vene valume lomãla vene vakãi, vana wa si konyima, va kupuka losipata.

ESEKIELE 7:24

oco nena vofũ kevĩho pokati kolofeka kuenje va kuata olonjo viavo. Nyimũla unene va lituna tuna lawo. Ovitumãlo viavo vi kola vi vĩhĩsua.

OVISILA 26:31

Ndingisa ovaimbo ene alunda. Nyõla ovitumãlo viene vi kola kuenda si tava oku lehũla uwa walemba ene.

OVISILA 26:44

Haime, ndaño cosi oco, eci va kasi vofeka yovanyãli vavo si va pamũla loku va nyehũla oku va nyõla pe, loku nyõla ohuminyo yange lavo, omo ame ndi Yehova Suku yavo.

AMOSI 2:5

Oco ndi tuma ondalu vo Yuda kuenje yi yoka olombonge via Yerusalãi.

MIKA 3:12

Oco, mekonda liene, Siono li limiwa ndepia. Yerusalãi li linga ekundu, kuenda omunda yonembele yi linga ndonumbuko yovesisi.

MATEO 24:2

Puãi eye wa va kumbulula hati, Ko lete ovina evi viosi? Mopia lene siti, Ocili, kulo ka ku siala ewe kilu liewe likuavo ka li tunguluka.