ASIÕSUILO 2:5 - Embimbiliya - Bíblia Sagrada em Umbundu

⁵ Yehova wa linga ndunyãli, wa nyõla Isareli! Olopalasiu viavo viosi wa vi nyõla, wolumũla olombonge viosi. Wa luisila omõla a Siono ukãi okusumua lokulisiõsiõla.

ASIÕSUILO 2:5 Iomraidhean Croise

II OLOSOMA 25:9

Wa yoka onjo ya Yehova lonjo ya Soma, lolonjo viosi via Yerusalãi. Olonjo viosi vinene wa vimba ondalu,

YOVI 13:24

Ocipala cove wa ci vundisila nye? Nye o nendela ndunyali wove?

YOVI 19:11

Wa mbuenguila onyeño yaye, kuenje wa nenda ndunyãli waye.

OLOSAMO 89:40

Wa kupula ovimbaka viaye viosi, lolombonge viaye wa vi nyõla.

OLOSAMO 89:41

Vosi va vinjuka vo punda. Wa linga ocisepelei cava va lisungue laye.

ISAYA 29:2

Haimo Arieli ndu talisa ohali, mu kala oku lila kuenda oku leña leña, lame ndu sokisa liko liutala.

ISAYA 63:10

Puãi vo ñualẽlãpo, kuenje va tatamisa Espiritu liaye li kola. Oco eye wa pongoloka, wa linga unyãli wavo, kuenje eye muẽle wa yãka lavo.

YEREMIYA 15:1

Oco Yehova wa popia lame hati, Ndaño Mose kuenda Samuele va talamẽle kovaso ange haimo utima wange nda ka wa kuatelele ohenda omanu ava. Va tundisa kovaso ange, va ende ño.

YEREMIYA 30:14

Vosi va ku solele va ku ivala, ka va ku pula pula vali. Omo evĩho liove lia lua kuenda akandu ove a lova, oco nda ku tota ombole ndunyãli kuenje nda ku yambula ndunyãli ka kuete ohenda.

YEREMIYA 52:13

Wa yoka londalu onjo ya Yehova lelombe lia Soma kuenda olonjo viosi via Yerusalãi. Wa yoka muẽle olonjo viosi vinene.

ASIÕSUILO 2:2

Yehova wa nyõla olonjo viosi via Yakoba, ohenda lakamue! Omo wa tema ca lua wa nyõla pe olombonge viomõla a Siono ukãi. Wa kupuila posi lesepu lia lua usoma kuenda olombiali viawo.

ASIÕSUILO 2:4

Wa nala ohonji yaye ndunyãli; woluila eka liaye liondio oku nyõla. Vombalaka yomõla a Siono ukãi wa ipaila vana tua va sanjukilile. Wa va kuatela onyeño ndondalu.

ESEKIELE 2:10

Yu wa U nyanyumuĩla kovaso ange. Lia sonẽhĩwa vokati lokoñoño yaco. Mua sonẽhĩwa oku lisiõsiõla loku litetela loku lila.

I SAMUELE 28:16

Samuele yu wa pula hati, Nda Suku wa ku yanduluka loku linga unyali wove nye o mulila ame?