ASIÕSUILO 2:3 - Embimbiliya - Bíblia Sagrada em Umbundu

³ Wa topola lonyeño ya lua asualali vosi va Isareli. Kovaso ovanyãli vavo wa tiula eka liaye liondio. Wa lingila va Yakoba ondalu yelisi, ya lia cosi ca kalako.

ASIÕSUILO 2:3 Iomraidhean Croise

II ASAPULO 34:25

Momo va njanduluka, va timihila insensu olosuku vikuavo ha va wengula onyeño yange lovilinga viosi viovaka avo, oco onyeño yange yi sukumuhila imbo lilo, kuenje ka yi imuiwa.

YOVI 16:15

Nda tongela ocikelẽi kekova liange. Longusu yange nda yi kapa voneketela.

OLOSAMO 132:17

Oko muẽle njovisila ombinga ya Daviti. Nda pongiyila ombuavekua yange ovela.

OLOSAMO 74:11

Nye o tiuwila eka liove? Nye o solekela eka liove liondio vonete?

OLOSAMO 75:10

Olombinga viosi violondingaivi eye o vi tetako. Olombinga violondingesunga puãi vi petuka.

OLOSAMO 75:5

Ko ka petuili olombinga vilu. Ko ka popi loku tõlisa osingo.

OLOSAMO 79:5

A Yehova toke pi? O tema ño-o oloneke ka vi pui? Esepa liove hẽ, li taima ndondalu?

OLOSAMO 89:24

Kokuaye puãi ku tiama ocili cange kuenda ocisola cange ka ci pui. Ombinga yaye yi kemalisua mekonda lionduko yange.

OLOSAMO 89:46

Toke eteke lipi, a Yehova? O lisalamisa ño-o hẽ, oloneke vi enda ño-o hũ? Onyeño yove yi tema tema hẽ ndondalu toke eteke lipi?

ISAYA 1:31

Kuenje u wa pama o linga ndofukutu, lovilinga viaye vi linga ndolusãse. Kavali kavio vi taimĩla pamosi, lomue o vima.

ISAYA 42:25

Oco wo katuila onyeño yaye kuenda ongusu yocilunga, yo kakula, puãi ka co lombolokele; yo yoka, haimo ka ci kapele kutima.

YEREMIYA 21:14

Yehova wa popia hati, Ndu yambuli eci ca soka lovilinga viene. Siakãla ondalu vusitu waye kuenje yi lia cosi co ñuala.

YEREMIYA 4:4

Alume va Yuda haene vulonungi viovo Yerusalãi, lisevisili ku Yehova. Upi uyamba wovovitima viene, sanga onyeño yange yi katuka ndondalu, kuenje yi taima okuti lomue o tẽla oku yima omo evĩho liovilinga viene lia lua.

YEREMIYA 48:25

Ombinga ya Moavi ya tetiwako, kuenda okuokuo kuaye kua teka. Oco ca popia Yehova.

YEREMIYA 7:20

Oco Ñala Yehova hati, Tala, okutema kuange lonyeño yange vi pesiliwa kocitumãlo cilo, komanu kuenda kovinyama, koviti kuenda kepako lioposi. Yi taima, ka yi imiwa.

ASIÕSUILO 1:13

Wa ndowila ondalu yokilu, ya kuata kakepa ange. Wa nyanyumuila owanda kolomai viange; wa niuwiya konyima; wa sia ño, nda fa okamunyemunye. Ongusu ya mua eteke liosi.

ASIÕSUILO 4:11

Yehova ka kandangiyile onyeño yaye, wa sukumũla onyeño yaye yi tokota. Wa timĩhila vo Siono ondalu kuenje ya lia oviseveto viayo.

ESEKIELE 13:13

Oco Ñala Yehova hati, Oco sikisa ofela yonupi lonyeño yange. Kuiya ombela ya lua loku tema kuange. Kuiyavo ociwe ha ci ci nyõli lonyeño yange.

ESEKIELE 7:14

Va sika ale olumbeta. Cosi va sokiya, puãi lomue enda kocilunga momo onyeño yange yi kasi kowiñi waco wosi.

NAHUMI 1:6

Onyeño yaye helie o yi tẽla? Helie o tẽla okufeluka kuonyeño yaye? Onyeño yaye yi peseka ndondalu, lovawe a toliwa laye.

MALAKIYA 4:1

Momo, tala, kuiya eteke li taima ndofolono, kuenje vosi vakuakulipanda lava va linga lãvi va linga ndasila otiliku. Eteke liaco li kasi oku iya li va yoka, kuenje kokuavo ka ku siala ndaño olumbombo, ndaño ocanja. Oco ca popia Yehova Ukualohoka.

LUKA 1:69

Wa tu katuila onjovoli ya pama vonjo yukuenje waye Daviti,

LUKA 3:17

Ocipekulo caye ci kasi peka liaye oku yelisa pe ocisaselo caye loku unguila otiliku vosila, ovisaikiti viaco puãi o vi yoka londalu ka yimi.

ESINUMUĨLO 32:22

Momo ondalu ya wenguka lonyeño yange, kuenje yi taima toke kosi yonjembo. Yi nyõla oluali lovaima aluo. Yi timiha oviseveto violomunda.