ASIÕSUILO 2:21 - Embimbiliya - Bíblia Sagrada em Umbundu

²¹ Amãlẽhe lakongo va langi posi. Afeko vange lakuenje vange va kupuiwa losipata. Ove wa va pondisa veteke lionyeño yove. Wa va ipaisa ño, ohenda lakamue.

ASIÕSUILO 2:21 Iomraidhean Croise

II ASAPULO 36:17

Oco wa va katuila Soma ya va Kaldea, leye wa ipa amalehe vavo losipata, vonjo yocitumãlo cavo ci kola; kuenda lomue a kuatela ohenda ci kale ukuenje lufeko, ci kale osekulu lekongo. Vosi wa va eca povaka aye.

ESTER 3:13

Oco ovikanda viaco via tumiwa povaka a vakuakutuala ovikanda kolofeka viosi via Soma. Vovikanda viaco mua sonehiwa hati, Nyõli va Yudea vosi. Va ipayi loku va kundula tunde komãla toke kakulu, lakãi loloñaña. Ci malusuli veteke liongongo okuti keteke liekui latatu liosãi yekui lavali yokuti osãi ya Adara. Noke pundi ovipako viavo.

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

YEREMIYA 13:14

Kuenje ndi va puma kumuamue ovitue, ndaño vaisiavo kumue lomãla. Yehova hati, Si va kuatela ohenda, si va ecela, si kala locikembe okuti si va nyõli.

YEREMIYA 18:21

Oco, nenela omãla vavo onjala. Va eca kosipata. Akãi vavo va kale olosiũle loku linga ovimbumba. Alume vavo va fe lefengi. Ovipombokuenje viavo vi take losipata vocilunga.

YEREMIYA 21:7

Yehova wa popia vali hati, Oco noke Sedekiya, Soma ya Yuda, kuenda akuenje vaye lomanu vosi vo vimbo, ava va supa kefengi kuenda kosipata lo konjala, ndi va eca peka lia Nevukandesa, Soma ya Bavulono. Ndi va eca muẽle povaka ovanyãli vavo, okuti povaka ava va sanda ovimuenyo viavo. Eye o va veta lomẽla wosipata, ka va kuatela ocikembe kuenje ka va supisapo, ndaño ohenda ka va yi lingi.

YEREMIYA 4:31

Momo nda yeva okuliyula ndoku kukãi o kasi lolongembia vioku cita uveli waye, okuo oku liyula kuomõla a Siono ukãi. O sakoka, alõla ovaka aye hati, A mãi we! Omuenyo wange wa taka povaka olomondi.

YEREMIYA 51:22

Nyanyõla love ulume lukãi. Nyanyõla love ekongo kuenda umãlẽhe. Nyanyõla love ukuenje lufeko.

YEREMIYA 6:11

Oco nde yuka onyeño ya Yehova, nda kava oku yi tutuiya. Ca popia Yehova ceci, hati, Yi itila komãla vokololo, kuenda kovisukungu viakuenje. Ulume lukai waye va kuatiwila kumuamue, lekongo kumue lukulu.

YEREMIYA 9:20

Oco ene akãi, yevi ondaka ya Yehova. Ovatuĩ ene a yeve ondaka yomẽla waye. Longisi omãla vene vakãi oku lila. Ukãi wosi a longise ukuavo oku tondongola.

YEREMIYA 9:21

Momo Kufa wa pita polonjanela vietu, wa iñila volonjo vietu, wa kunduila omãla valuwa kuenda akuenje vovila.

ASIÕSUILO 1:15

Yehova wa pembula olonoi viange via kala lame; wa imba oluiya luoku ñatuila owiñi, oco amalehe vange va sasuiwe. Yehova wa kosa omõla a Yuda ukãi, ndoku kosela vocikamẽlo cayuva.

ASIÕSUILO 1:18

Eci Yehova a linga cesunga, momo nda hukila ovihandeleko viaye. Amanu vosi, yeveleli. Vanji ohali yange! Afeko vange lakuenje vange va tualiwa kumandekua.

ASIÕSUILO 1:4

Alila oko Siono a nyumãla, momo ka ku li ava va endaenda kolofesta. Kolombundi vialio ka ku li omanu. Ovitunda vialio vi tula tula ovimuenyo. Afeko valio va sumua. Imbo lie yuka ocinguva.

ASIÕSUILO 2:17

Yehova wa linga eci a panga. Eci a lipañelele cilo wa ci linga muẽle. Wa nyõla pe, ohenda lakamue, ndeci a tukuile osimbu. Wa tava okuti ovanyãli va yolela ohali yene. Wa yukinya unene wava vo suvuki.

ASIÕSUILO 2:2

Yehova wa nyõla olonjo viosi via Yakoba, ohenda lakamue! Omo wa tema ca lua wa nyõla pe olombonge viomõla a Siono ukãi. Wa kupuila posi lesepu lia lua usoma kuenda olombiali viawo.

ASIÕSUILO 3:43

Wa livindikiya lonyeño yu wa tu lupuisa; wa ipala ño, ohenda lakamue.

ESEKIELE 24:21

Sapuila epata lia Isareli huti, Ca popia Ñala Yehova ceci, hati, Tala, ame sepuisa onjo yange yi kola, haiyo ulamba wunene wene, haiyo esanju liovaso ene, haiyo ocilivelo covitima viene. Omãla vene valume lomãla vene vakãi, vana wa si konyima, va kupuka losipata.

ESEKIELE 5:11

Oco, ndomo ñasi lomuenyo, oco ca popia Ñala Yehova, omo wa vihĩsa onjo yange yi kola lovina viove viosi vi lingisa onyanya, lovombondo ove osi, lamevo hu tepulula. Iso liange ka liu ku si, kuendavo si kuata ohenda.

ESEKIELE 7:4

Iso liange ka liu ku si, ndaño ohena siu ku kuatela. Hu nenela ndolongenda viove, lovombondo ove a kala pokati kove; kuenje o limbuka okuti ame ndi Yehova.

ESEKIELE 7:9

Iso liange ka liu ku si, ndaño ohenda si ku kuatela. Hu nenela ndolongenda viove lovombondo ove a kala pokati kove. Kuenje o limbuka okuti ame ndi Yehova ame njambula.

ESEKIELE 8:18

Oco ame ndinga lonyeño. Iso liange ka li sipo umue. Ndaño oku kuata ohenda si kuatako. Ndaño va mbilikiya kovatui ange londaka yinene si va yevi.

ESEKIELE 9:10

Ndaño ame, iso liange ka li sipo umue. Ndaño oku kuata ohenda si kuatako, puãi kilu liovitue viavo ha kupuilako ovilinga viavo.

AMOSI 4:10

Nda tuma pokati kene efengi lia soka leli lio ve Egito. Nda ponda akuenje vene losipata. Nda ambata otuvalu tuene. Kuenje elemba liovocilombo cene nda li yevalisa vanyũlu ene. Haimo ka wa tiukili kokuange. Oco ca popia Yehova.

AMOSI 8:13

Eteke liaco afeko va posoka kuenda akuenje vambuka lenyona.

SAKARIYA 11:6

Momo si kuatela vali ohenda olonungi viofeka yilo. Oco ca popia Yehova. Ndi va eca omunu omunu peka liungombo waye pamue peka liosoma yaye. Va yambula ofeka kuenje si va popela peka liavo.

ESINUMUĨLO 28:50

Omanu vaco vakuavipala via fela. Ka va sumbi u wa kuka, ndaño omõla ka vo sipo.

ESINUMUĨLO 32:25

Posamua osipata yi kundula. Vokati eci ci yokokisa oco ci lua. Vi nyõla vosi, locipombokuenje kuenda ufeko, loñaña yokavele kuenda osekulu yowele.

YEHOSUA 6:21

Cosi ca kala vimbo, va ci kundula pe lomela wosipata, ci kale ulume lukãi, ci kale omõla lekongo, longombe lomeme locimbulu.

I SAMUELE 15:3

Oco kuende, ka ipaye amaleke loku nyõla cosi va kuete. Ku ka va kuatele ohenda. Nyõla cosi, lulume lukãi, loñaña loñañulũla, longombe lomeme, longamelo locimbulu.