ASIÕSUILO 2:2 - Embimbiliya - Bíblia Sagrada em Umbundu

² Yehova wa nyõla olonjo viosi via Yakoba, ohenda lakamue! Omo wa tema ca lua wa nyõla pe olombonge viomõla a Siono ukãi. Wa kupuila posi lesepu lia lua usoma kuenda olombiali viawo.

ASIÕSUILO 2:2 Iomraidhean Croise

YOVI 2:3

Yehova wa popia la Satana hati, Wa limbuka ukuenje wange Yovi okuti kilu lieve ka kuli ukuavo wa lisoka laye, omunu wa pua etondelo haeye ukuesunga, o sumba Suku, Kuenje o suvuka evĩho? Ndaño wa ñokelele utima woku tava oku u nyõla ño ocali haimo ka liwekele kesunga liaye.

OLOSAMO 21:9

Eci o mõleha o va lingisa ndelungulungu. Yehova o va ina lonyeño yaye. Ondalu yi va lia.

OLOSAMO 74:7

Va yoka ocitumãlo cove ci kola. Onjo yonduko yove va yi sawula loku yi papulula.

ISAYA 22:5

Momo Yehova Suku yolohoka o kuete eteke lieyuala vomaka yocinjoinjoi, hailio eteke lioku kosiwa loku tatamisua. Ovimbaka vi teyiwa kuenje va vilikiya kolomunda.

ISAYA 23:9

Yehova Ukualohoka eye wa ci panga, ha lavisa okulipanda kulamba wosi, loku sepuisa vosi va kemãla voluali.

ISAYA 25:12

Kuenje ombonge yisõvi yovimbaka viaye o yi kupula loku yi kundula loku yimba posi, ndaño poneketela.

ISAYA 26:5

Momo eye wa ketisa ava va kaile kilu. Wa ketisavo imbo liaco lia kemãlẽle. Wa li ketisa muẽle, wa li tuala posi, wa li kapa muẽle voneketela.

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

ISAYA 43:28

Oco nda liñisa ovasongui vocitumãlo ci kola, nda ecele Yakoba okuti o nyolẽha pe, kuenda Isareli okuti o pembuiwa.

ISAYA 47:6

Nda temẽle lomanu vange, nda liñisa ocipiñalo cange; nda va eca peka liove kuenje kua va lingile ohenda; ndaño ava va kuka wa va fukĩlĩsa lomi yove.

YEREMIYA 13:14

Kuenje ndi va puma kumuamue ovitue, ndaño vaisiavo kumue lomãla. Yehova hati, Si va kuatela ohenda, si va ecela, si kala locikembe okuti si va nyõli.

YEREMIYA 19:15

Ca popia Yehova Ukualohoka, Suku ya Isareli, ceci, hati, Tala! Ndi nenẽla imbo lilo kuenda aluvumba alio osi cosi cĩvi nda li tukuila, momo va ngangavaisa olosingo viavo kuenje ka va tava oku yeva olondaka viange.

YEREMIYA 21:7

Yehova wa popia vali hati, Oco noke Sedekiya, Soma ya Yuda, kuenda akuenje vaye lomanu vosi vo vimbo, ava va supa kefengi kuenda kosipata lo konjala, ndi va eca peka lia Nevukandesa, Soma ya Bavulono. Ndi va eca muẽle povaka ovanyãli vavo, okuti povaka ava va sanda ovimuenyo viavo. Eye o va veta lomẽla wosipata, ka va kuatela ocikembe kuenje ka va supisapo, ndaño ohenda ka va yi lingi.

YEREMIYA 5:10

Piti voviumbo viaye viayuva, vi nyõli, puãi ko ka nyõli cosi. Teyi ovianja viaye momo havia Yehovako.

ASIÕSUILO 2:17

Yehova wa linga eci a panga. Eci a lipañelele cilo wa ci linga muẽle. Wa nyõla pe, ohenda lakamue, ndeci a tukuile osimbu. Wa tava okuti ovanyãli va yolela ohali yene. Wa yukinya unene wava vo suvuki.

ASIÕSUILO 2:21

Amãlẽhe lakongo va langi posi. Afeko vange lakuenje vange va kupuiwa losipata. Ove wa va pondisa veteke lionyeño yove. Wa va ipaisa ño, ohenda lakamue.

ASIÕSUILO 2:5

Yehova wa linga ndunyãli, wa nyõla Isareli! Olopalasiu viavo viosi wa vi nyõla, wolumũla olombonge viosi. Wa luisila omõla a Siono ukãi okusumua lokulisiõsiõla.

ASIÕSUILO 3:43

Wa livindikiya lonyeño yu wa tu lupuisa; wa ipala ño, ohenda lakamue.

ESEKIELE 5:11

Oco, ndomo ñasi lomuenyo, oco ca popia Ñala Yehova, omo wa vihĩsa onjo yange yi kola lovina viove viosi vi lingisa onyanya, lovombondo ove osi, lamevo hu tepulula. Iso liange ka liu ku si, kuendavo si kuata ohenda.

ESEKIELE 7:4

Iso liange ka liu ku si, ndaño ohena siu ku kuatela. Hu nenela ndolongenda viove, lovombondo ove a kala pokati kove; kuenje o limbuka okuti ame ndi Yehova.

ESEKIELE 7:9

Iso liange ka liu ku si, ndaño ohenda si ku kuatela. Hu nenela ndolongenda viove lovombondo ove a kala pokati kove. Kuenje o limbuka okuti ame ndi Yehova ame njambula.

ESEKIELE 8:18

Oco ame ndinga lonyeño. Iso liange ka li sipo umue. Ndaño oku kuata ohenda si kuatako. Ndaño va mbilikiya kovatui ange londaka yinene si va yevi.

ESEKIELE 9:10

Ndaño ame, iso liange ka li sipo umue. Ndaño oku kuata ohenda si kuatako, puãi kilu liovitue viavo ha kupuilako ovilinga viavo.

MIKA 5:14

Nukũla olongunji vi kola vi kasi vokati kene, nyõla ovaimbo ene.

MALAKIYA 1:4

Nda Edome o popia, hati, Tua nyõlẽha tupu, haimo tu tunga vali alunda etu, Yehova Ukualohoka o popia hati, Ci tava. Va tunge, puãi ame nungulula toke va va tukula vati, Omanu vaco vakuevĩho, haivo omanu Yehova a temẽla otembo yosi.

MATEO 18:33

Ka ca ku sesamelele hẽ oku linga ukuẽle ohenda ndeci nda ku linga ohenda?

II VA KORINDO 10:4

Momo ovimaleho viokuyaka kuetu havietimbako, puãi vi kuete unene wa Suku woku nyõla olombonge.

ESINUMUĨLO 28:52

Va ñuala ovaimbo ove osi ocingonja, toke ovimbaka viove via lepa haivio via pama, vina wa kolela, viulumuha vofeka yove yosi. Vovaimbo ove osi, vofeka yove yosi ya ku ĩha Yehova, Suku yove, va ku ñuala ocingonja.

ESINUMUĨLO 32:22

Momo ondalu ya wenguka lonyeño yange, kuenje yi taima toke kosi yonjembo. Yi nyõla oluali lovaima aluo. Yi timiha oviseveto violomunda.