ASIÕSUILO 2:19 - Embimbiliya - Bíblia Sagrada em Umbundu

¹⁹ Pokati kuteke pasuka, loku liyula eci olondavululi vi lilendela. Esumuo liutima wove li pite kovaso a Yehova ndetande. Tulukila ovaka ove kovaso aye loku lombela omãla vove va kasi loku ambukala panyaha lonjala.

ASIÕSUILO 2:19 Iomraidhean Croise

YOVI 3:24

Okutula kuange omuenyo ku linga okulia kuange. Okuleñaleña kuange ku tunda ndovava.

OLOSAMO 119:55

A Yehova, njivaluka onduko yove pokati kuteke. Mokola kovihandeleko viove.

OLOSAMO 134:2

Tuliki ovaka ene loku a suñamisa locitumãlo ci kola, kuenje sivayi Yehova.

OLOSAMO 141:2

Ohutililo yange kokuove yi linge ndinsensu. Okutulika kuovaka ange ku linge ndocilumba coñolosi.

OLOSAMO 142:2

Njitila kovaso aye okulisiõsiõla kuange. Ndu lomboluila ohali yange.

OLOSAMO 142:3

Eci espiritu liange lia hongua ove wa kũlĩha onjila yange. Vonjila ngendaila va nelamo onjanjo.

OLOSAMO 28:2

Yeva ondaka yalombelo ange eci hu vilikiya, leci ndoluila ovaka ange kohondo yove yi kola.

OLOSAMO 42:3

Lutanya luteke asuẽlela ange a linga okulia kuange, osimbu va popia ño lame utanya wosi, vati, Suku yove hẽ o li pi?

OLOSAMO 42:4

Njivaloka ovina evi osimbu vokati kange utima wa teka. Njivaloka ndomo nda endaenda lowiñi, haime nda va songowaila konjo ya Suku. Tua endaenda owiñi kolofesta vietu. Tua enda loku ulula loku imba ovisungo violopandu.

OLOSAMO 42:8

Haimo lumue Yehova utanya o muisa ocisola caye ka ci pui, luteke ndu wimbila ocisungo, haico ohutililo ku Suku yomuenyo wange.

OLOSAMO 62:8

Amanu vange, u koleli oloneke viosi. Peseleli ovitima viene kokuaye. Suku eye ocikolo cetu.

OLOSAMO 63:4

Oco hu panduwaila osimbu ñasi lomuenyo. Nulika ovaka ange kuenje mbilikiya onduko yove.

ISAYA 26:9

Utima wange u ku livela uteke, haiwo u ku sandiliya otembo yosi. Momo eci olonetululo viove vi kasi kilu lieve, oco olonungi viovoluali vi lilongisa esunga.

ISAYA 51:20

Omãla vove valume vambuka, va pekela valuwa osi ndonusi vonjanjo. Ve kuta onyeño ya Yehova lokulemẽla kua Suku yove.

YEREMIYA 14:18

Nda mita vusenge tala, mõla ava va fa losipata! Nda nyiñila vimbo, tala, va vela onjala! Momo uprofeto kuenda ocitunda, vosi yavo, va talavaya ño vofeka; ka va kuete ukũlihiso.

YEREMIYA 9:20

Oco ene akãi, yevi ondaka ya Yehova. Ovatuĩ ene a yeve ondaka yomẽla waye. Longisi omãla vene vakãi oku lila. Ukãi wosi a longise ukuavo oku tondongola.

ESEKIELE 5:10

Oco vaisia va lia omãla vavo vokati kove, lomãla va lia vaisiavo. Ame muẽle neta onimbu yolondaka viove kuenje sanduila kolofeka viosi ocisupe cove cosi.

ESEKIELE 5:16

Eci numa kokuove ovisongo vĩvi vielambu, evi vioku nyõla, ndi vi tumĩla enyõlẽho liove, noke mbokiya vali elambu kokuove, kuenje nyõla ombolo yeteku liove.

MIKA 1:16

Liputi asenya. Kulũhi kovitue ndongonga. Lipemuili omãla wa sanjukili, momo va litepa love ha va endi kumandekua.

NAHUMI 3:10

Haimo wa kuatiwa, wa tualiwa kumandekua. Otumãla tuaye va tu nyanyowãila panyãha osi olonjila. Va imbila ocela akulu vaye va kemãla, lolombuale viaye via kutiwa lalienge.

MATEO 14:25

Kuenje kuteke, kocipo cakuãla, eye weya kokuavo, endela kilu liovava.

MARKO 1:35

Omẽle ociteketeke osimbu ka kua cile, oco a pasuka, wa tunda, wa enda vekalasoko, kuenje omo a likutililila.

MARKO 13:35

Oco lavululi, momo ko ci eci Muẽleanjo eya, nda kõnõlosi, nda vokati kuteke, nda kokulila kuakondombolo, pamue omele.

LUKA 6:12

Koloneke viaco Yesu wa tunda, wa enda komunda oku ka likutilila, kuenje wa likutilila ku Suku uteke wosi.

I TIMOTEO 2:8

Oco njongola okuti alume ovo va likutilila kuoha, loku tulika ovaka a kola, halonyeñoko pamue lolonamalala.

LIOLONGANJI 7:19

Oco Gideone locita calume va kala kumue laye, va pitila konele yocilombo, kefetikilo lioñolosi yinene, eci va mala ño oku kapa olondavululi. Va sika anguena, va ipa asanga opovaka avo.

I SAMUELE 1:15

Hana puãi wa kumbulula hati, Kotoko, a Ñala, ame ndukãi wa sumua enene vutima. Sia nyuile ndaño ovinyu ndaño vikuavo vi koluisa, puãi nda kala loku lekisa utima wange ku Yehova.

I SAMUELE 7:6

Oco vongolokela vo Misipa. Va tapa ovava kuenje va a itila kovaso a Yehova. Va likandangiya okulia eteke liaco kuenje va popia vati, Tua lingila Yehova ekandu. Samuele wa linga onganji ya va Isareli ko Misipa.