ASIÕSUILO 2:15 - Embimbiliya - Bíblia Sagrada em Umbundu

¹⁵ Vosi va vinjukako vo fuãnguili loku pandula; Va sika ovilua loku kumohãila omõla a Yerusalãi ukãi, vati, Lilo olio nga imbo lia tukuiwa okuti eposo lialio lia pua atondelo, hailio esanju lioluali luosi?!

ASIÕSUILO 2:15 Iomraidhean Croise

II OLOSOMA 19:21

Ondaka yo popela Yehova yeyi, hati, Ufeko wosombolua omõla a Siono wa ku sepula, wa ku yola epembe. Omõla a Yerusalãi ukãi wa ku lipukila utue.

II ASAPULO 7:21

Kuenda konjo yilo ya kemala ndeti, wosi o pitako o ka komoha, hati, Nye Yehova a lingila ndoco lofeka yilo, lonjo yilo?

OLOSAMO 109:25

Pokati kolomindiki viange nda linga ukuefuki. Eci va mõla va lipuka puka.

OLOSAMO 22:7

Vosi va ndete va njola epembe, va mueña lomela, va lipuka puka, vati,

OLOSAMO 48:2

Ko Norte kupãla kuli omunda yi sovi Siono, haiyo ya posoka, haiyo imbo lia Soma yinene, kuenje ya linga esanju lioluali luosi.

OLOSAMO 48:3

Vovikolo vialio Suku wa lilekisa okuti eye ombindikiyo yocili.

OLOSAMO 50:2

Ko Siono, oyo onumbu ya kanguka, oko kua tuila Suku.

OLOSAMO 64:8

O va nyõla. Alimi avo muẽle a va kokela oku nyõleha. Vosi va va mõla va puka ovitue.

ISAYA 28:21

Momo Yehova o katuka ndeci a linga komunda ya Peracimi, o tema ndeci a temẽle vomaka ya Giveone, okuti o linga upange waye,— upange waye u komõhĩsa!— ha lingi ocilinga caye,— ocilinga caye ci komõhĩsa!

ISAYA 37:22

oco ondaka Yehova o popela yeyi, hati, Omõla a Siono ukãi wa ku sepula kuenje wa ku yola epembe; omõla a Yerusalãi ukãi wa ku pukila utue.

ISAYA 64:11

Onjo yetu yi kola haiyo ya posoka, omu olosekulu vietu via ku sivayaila, ya pia londalu; kuenje ovitumãlo vietu via sunguluka via nyõlĩwa.

YEREMIYA 18:16

Oco va nyõla enene ofeka yavo okuti yi yoliwa epembe ka li pui. Vosi va pitamo va komõha, va lipuka kovitue.

YEREMIYA 19:8

Imbo eli ndi li kundula okuti li yoliwa epembe. Vosi va pitako va li komõha, va sonyaila ayambulo alio.

YEREMIYA 25:18

okuti, ko Yerusalãi kuenda kovaimbo osi oko Yuda, lokolosoma lolombuale viaco, si vi kundula loku vi lingisa ekalasoko okuti vi yoliwa epembe loku siñaliwa ndeci ci kasi etali;

YEREMIYA 25:9

oco numila apata osi oko Norte, kuenje mañinya ukuenje wange Nevukandesa, Soma ya Bavulono. Ndi va nenela oku yakisa ofeka yilo lolonungi viayo, kuenda olofeka viosi vi lisungue layo. Ndi vi nyõla pe. Ndi vi lingisa vakualuhimo lu yokokisa. Ndi vi yolisa epembe loku vi kutisa osõi ka yi pui. Oco ca popia Yehova.

YEREMIYA 26:6

oco ndinga lonjo eyi ndeci nda linga la Silo. Limbo lilo ndi li linga esiñalo liolofeka viosi viokilu lieve.

YEREMIYA 29:18

Ndi va hanga losipata kuenda onjala lefengi. Ndi va lingisa vakualuhimo lu yokokisa olofeka viosi viokilu lieve. Va siñaliwa okuti va yokokisa kuosi. Va yoliwa epembe loku kutisua osõi lolofeka viosi oko nda va sanduila.

YEREMIYA 48:27

Isareli hẽ, kuo yolele epembe? Wa sangiwile hẽ pokati kovimunu okuti olonjanja viosi, poku u tukula, ove o lipuka kutue?

YEREMIYA 51:37

Bavulono o yuka ovilundundu, olombulu ovio vi tungamo. Oluhimo luaye lũvi lu yokokisa vosi. O yoliwaño epembe kuenje ka kala lolonungi.

ASIÕSUILO 1:21

Njevelele ndomo ñenya ñenya, lu o ndembeleka ka ku li. Ovanyãli vange vosi va yeva ongongo yange yu va sanjuka omo ove wa ci linga. Eteke wa tukula liye, oco va kale ndame!

ASIÕSUILO 1:8

Yerusalãi wa lueya cĩvi, oco wa vihĩla. Vosi vana vo sumbile vo sepula omo va mõla epõlõla liaye. Ocili, eye muẽle o leña leña, loku pukuka.

ASIÕSUILO 2:16

Ovanyãli vene vosi vo fuanguĩli; va sika ovilua; vo litakĩlĩli ovayo; va vilikiya vati, Tua li nyõla. Ewa! Lilo olio eteke tua livelele; cilo lieya; tu li lete!

ASIÕSUILO 2:6

Wa papulula onjo yaye ndocipundo covepia. Wa nyõla ocitumãlo colofesta viaye. Yehova wa imũla vo Siono ofesta lesambata. Omo wa tema ca lua wa pañula lepembe osoma locitunda.

ESEKIELE 16:13

Oco wa yanguiwa lulu lopalata, luwalo wove wa kala wovalatanya loseta, hawo wa posuisua. Wa lialia osema ya fina lowiki lulela. Wa linga ondambi, wa sesama unasoma.

ESEKIELE 16:14

Oluhimo luove lua yevala kolofeka viosi mekonda liunumbu wove. Momo wa pua evolo mekonda liovina viulamba nda ku ĩha. Oco popia Ñala Yehova.

ESEKIELE 23:32

Ca popia Ñala Yehova ceci, hati, O nyua kokopo ya manjove ukãi haiyo yondungu, kuenda ya sanjavala. O yoliwa epembe, haive o sepuiwa, momo ye yuka ca lua.

ESEKIELE 25:6

Momo ca popia Ñala Yehova ceci, hati, Omo wa panduli povaka loku tutula lolomãi oku sanjukila ofeka ya Isareli,

ESEKIELE 5:15

Oco o kala lepembe lesepu kuenje o linga elungulo li lingisa usumba kapata a ku ñuala, eci hu tetuluila loku tema lonyeño kuenda ayambulo a kãla. Ame ndi Yehova ame nda ci popia.

DANIELE 9:16

A Yehova, mekonda leisunga liove lialua, hu pinga okuti onyeño yove loku fungula kuove ku upiwa kimbo liove lia Yerusalãi lokomunda yove yi kola; momo mekonda liakandu etu kuenda mekonda liolohole viavakukululu vetu, Yerusalãi lomanu vove va linga vakuesepu kuava vosi va tu ñuala.

MIKA 6:16

Omo wa pokola kovihandeleko via Omiri, lomo wa sumbila ovilinga viosi vionjo ya Ahave, kuenje wa tava kalungulo avo, oco hu lingisa elunda, kuenda olonungi viaco vi pembuiwa. Oco o sawiwa la vakualofeka.

NAHUMI 3:19

Epute liove ka li sakuiwa. Embonjo liove ka li kuete ovihemba. Vosi va yeva ndomo ca pita love va ci panduila momo helie wa puluka kevĩho liove lia enda ño-o?

SOFONIYA 2:15

Liko, olio imbo lia sanjukile, lia kokele, hailio lia likundakunda vutima, liti, Ame ndi likasilili, u wa lisoka lame ka kuli. Cilo lia nyõlẽha we! lia linga ndati avungu ovinyama viovusenge! U wosi o vinjukako o sika ovilua loku ilika lomuine.

MATEO 27:39

Ava va vinjukako, oku lipuka ovitue, vo popia etonãi,

MARKO 15:29

Ava va vinjukako vo popia etonãi, oku lipuka ovitue viavo, va popia vati, Ove, okuaku nyõla onembele, kuenje o yi tunga vali koloneke vitatu.