ASIÕSUILO 2:14 - Embimbiliya - Bíblia Sagrada em Umbundu

¹⁴ Ovaprofeto vene vo muĩli ovinjoinjoi viuhembi, haivio viesanda. Ka vo lomboluilili okupenga kuene, hã ho sumulũhi vali. Vo lomboluili puãi ovitumasuku viuhembi viu pengisi.

ASIÕSUILO 2:14 Iomraidhean Croise

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

YEREMIYA 2:8

Ovitunda ka via pulile viti, Yehova o kasi pi? Ava va lombolola ovihandeleko ka va ñulĩhile; asongui vavo va sinila. Ovaprofeto vavo va pula pula ku Baale loku sanda ovina ka vi silivila.

YEREMIYA 20:6

Kuenje ove, a Pasihuri, lava vosi va kasi vonjo yove, wendi umandekua, wendi muẽle toke ko Bavulono; oko vu ka fila, haiko vu ka kendiwila, ove kuenda akamba vove osi, ava wa imbila owanji wuhembi.

YEREMIYA 23:22

Puãi nda va tumãlẽle vonjango yange, oco nda va yevisile omanu vange olondaka viange, kuenje nda va va tiuwile kolonjila viavo vĩvi, kuenda kevĩho liovilinga viavo.

YEREMIYA 23:36

Puãi oku tukula vali, hoti, Ocilemo ca Ñala,— oco ka ci tava. Momo Suku Ukuamuenyo haeye Ñala yolohoka Suku yetu, ocilemo caye upopi womanu omunu omunu. Kuenje upopi wene u pengisa olondaka viaye.

YEREMIYA 28:15

Kuenje uprofeto Yeremiya wa popia luprofeto Hananiya hati, A Hananiya, yevelela handi. Ha-Yehova-ko wa ku tuma. Ove muẽle wa liaña omanu ava okuti va kolela uhembi.

YEREMIYA 29:21

Oku tukula Ahava, omõla a Kolaya, kuenda Sedekiya, omõla a Maseiya, ava va popia lene vonduko yaye ocitumasuku cuhembi, Yehova Ukualohoka, Suku ya Isareli, wa popia hati, Ndi va eca peka lia Nevukandesa, Soma ya Bavulono. Eye o va ipaila kovaso ene.

YEREMIYA 37:19

Ovaprofeto vove hẽ, vana va ku imbila ondaka yocitumasuku vati, Soma ya Bavulono ka katukila, ndaño ove ndaño ofeka yilo, va kasi pi?

YEREMIYA 5:31

Ovaprofeto va imbaimba owanji wuhembi, kuenda ovitunda vi vialela kowanji wavo. Kuenje omanu vange oco va sole. Oco hẽ, kesulilo vu linga ndati?

ASIÕSUILO 4:13

Puãi ca lingiwila okulueya kuovaprofeto vavo kuenda akandu ovitunda viavo, omo va pesila vokati kimbo osonde yava va lipua.

ESEKIELE 13:22

Momo wa sumuisi lesanda utima wukuesunga una ame sia sumuisile. Wa kolisi ondingãivi okuti ka pambuka konjila yaye yĩvi hã ha kala lomuenyo.

ESEKIELE 22:25

Olosoma viayo vokati kayo via linga ndohosi yi koma koma, yi suyulula eci ca kuatiwa. Vi Ha omanu. Vi punda ukuasi lovina via tĩla. Vi luisa ovimbumba vokati kayo.

ESEKIELE 22:28

Kuenje ovaprofeto vayo va ci sieketa locikela, va mõla ovinjoinjoi viesanda, va imba owanji wuhembi vati, Oco ca popia Ñala Yehova, osimbu Yehova ka ci popele.

ESEKIELE 23:36

Yehova wa popia lame hati, A Mõlõmunu, o pisa hẽ Ohola la Oholiba? Nda oco va sapuila ovombondo avo.

HOSEA 9:7

Oloneke vieyambulo vieya. Oloneke viefetuluinyo via pitila. Isareli o ci kũlĩha. Mekonda liolohole viene via lua lesuvu liene lialuavo, oco, kokuene uprofeto eveke, lu wa kolela esunga liovutima eyui.

MIKA 2:11

Nda umue wa ñuala ñuala oku kunda olondaka viesanda luhembi hati, Ndu kundili olondaka viovinyu levi vi koluisa,— eye nda wa sesamela oku linga uprofeto womanu ava!

MIKA 3:8

Puãi ame, ame nde yuka ongusu. Ñasi le Espiritu lia Yehova, ñasivo lesunga kuenda olohõlo vioku sapuila Yakoba okulueya kuaye, kuenda Isareli ekandu liaye.

SOFONIYA 3:4

Ovaprofeto valio vakueyuala, haivo va kamba esunguluko. Ovitunda vialio vi lavaisa evi vi kola; vi pengaisa ovihandeleko.