ASIÕSUILO 2:11 - Embimbiliya - Bíblia Sagrada em Umbundu

¹¹ Ovaso ange a yengeta lasuẽlẽla. Utima wange wa tokotelua. Esumuo lia lua; utima wa sulila, momo omanu vange va nyõlẽha, kuenda omãla loloñaña vi ambukila volokololo vimbo.

ASIÕSUILO 2:11 Iomraidhean Croise

YOVI 16:13

kuenje vakualohonji vaye va ñuala. O tola olongela viange kuenje ka kuete ohenda. Ondulu yange o yi pesila posi.

YOVI 30:27

Oco utima wange wa sakalala, ko puyuka. Oloneke viohali vi njiyilila.

OLOSAMO 119:82

Ovaso ange a vuvala loku lavekela ohuminyo yove. Mula siti, Eteke lipi o ndembeleka?

OLOSAMO 22:14

Nda peseka ndovava. Akepa ange osi a fuomoha. Utima wange wa linga ndesela, wa yenguluka vokati kange.

OLOSAMO 31:9

Ndinge ohenda, a Yehova, momo nda suvala. Iso liange lia sueka loku lila, ndaño utima letimba, laviovo.

OLOSAMO 38:8

Nda hongua, nda sasoha enene. Ndi liyula momo utima wa tokotelua.

OLOSAMO 6:7

Iso liange lia kupa loku lila, lia vuvala lelaviso liovanyali vange vosi.

OLOSAMO 69:3

Nda kava lokulila kuange. Posingo pa ñukuta. Ovaso ange a vuvala loku imba ovaso Suku yange.

ISAYA 22:4

Oco nda pinga siti, Nunde oco ndile ca lua. Ku ka likavise ño oku ndembelekela okunyolẽha kuomõla ukãi omanu vange.

ISAYA 38:14

Ndukuakulila ndomiapia pamue ndepanda. Ndi leña leña ndopomba. Ovaso ange a vuvala loku vanja vanja kilu. A Yehova, ñasi lohali, ñolise.

ISAYA 51:20

Omãla vove valume vambuka, va pekela valuwa osi ndonusi vonjanjo. Ve kuta onyeño ya Yehova lokulemẽla kua Suku yove.

YEREMIYA 14:17

Oco o popia lavo ondaka eyi, huti, Ovaso ange a tunde ño-o asuẽlẽla utanya luteke, ka a ka liweke; momo omõla omanu vange ukãi wa totiwa ombole yinene, epute liaco li linga usumba.

YEREMIYA 4:19

A mãi we, a tate we! Utima wange wa tokotelua, wa teka, utima u sula vokati kange, si tela oku ũha. Momo nda yeva ondaka yolumbeta kuenda onjuela yovita.

YEREMIYA 44:7

Oco, ca popia Yehova, Suku yolohoka, Suku ya Isareli, ceci, hati, Nye vu lilingila ũvi ulo wokuti vu takisa vo Yuda ulume kuenda ukãi, omõla kuenda oñaña, okuti lacimue ocisupe ci supamo?

YEREMIYA 8:19

Tala, ondaka yokuliyeya kuomõla omanu vange ukãi ya yevala kolonele viosi viofeka. Yehova hẽ, ka kasi vo Siono? Soma yaye hẽ, ka kasimo? Va nemisila nye loviñumañuma viavo via songiwa loviteka viavo via vakualofeka?

ASIÕSUILO 1:11

Omanu vaye vosi va tula tula ovimuẽnyo poku sanda okulia. Va eca ovina viavo via velapo oku tĩla ha va sangi okulia, oco va tate omuẽnyo. Tala, a Yehova, vanja ndomo nda pembuiwa.

ASIÕSUILO 1:16

Ovina viaco ndi vi lilila; ovaso ange a sukumũla asuẽlẽla, momo ondembeleki yi kasi ocipãla lame, u o halĩsa keko. Omãla vange va linga olosiwe, momo unyãli wa yula.

ASIÕSUILO 1:20

Tala, a Yehova, momo nda yambuka; utima wange wa tokotelua, wa liketika vokati kange, omo nda huka ca lua. Vimbo osipata yi kesa kesa. Vonjo mu li okufa.

ASIÕSUILO 5:17

oco tua velela kutima; oco muẽle ovaso etu a vuvalela.

LUKA 23:29

Momo ndu sapuili okuti kuiya oloneke eci va popia vati, Olosiũle ovio via sumũlũha, lovaimo ka a citile kuenda avele ka a nyamiwile.

I SAMUELE 30:4

Oco Daviti lomanu va kala laye va kaluka loku lila, va lila toke olondaka via lala.