ASIÕSUILO 2:1 - Embimbiliya - Bíblia Sagrada em Umbundu

¹ Avoyo we! Onyeño ya Yehova we! Wa tumalĩsa omõla a Siono ukãi vowelema. Ulamba wa Isareli wo kupuila posi. Keteke lionyeño yaye ka ivalukile ociliatelo caye.

ASIÕSUILO 2:1 Iomraidhean Croise

II SAMUELE 1:19

Ulamba wove, a Isareli, wa fila volonumbuko. A mai we! Ava va pama va kupuka we!

I ASAPULO 28:2

Oco Soma Daviti wa votoka vilu, yu wa popia hati, Ene avamanjange, amanu vange! Njeveleli. Nda kala lutima woku tungila ocikasa covisila via Yehova onjo yimue yepuyuko, haiyo yociliatelo ca Suku. Kuenje nda angiliyile hã si yi tungi.

OLOSAMO 132:7

Tu endi kocitumãlo caco. Tu fendeli kociliatelo caye.

OLOSAMO 89:45

Oloneke viovukuenje waye wa vi tepulula. Wo kutisa osõi.

OLOSAMO 99:5

Kemainyi Yehova Suku yetu. Fendeli kociliatelo caye. Eye o kola.

ISAYA 64:11

Onjo yetu yi kola haiyo ya posoka, omu olosekulu vietu via ku sivayaila, ya pia londalu; kuenje ovitumãlo vietu via sunguluka via nyõlĩwa.

YEREMIYA 30:14

Vosi va ku solele va ku ivala, ka va ku pula pula vali. Omo evĩho liove lia lua kuenda akandu ove a lova, oco nda ku tota ombole ndunyãli kuenje nda ku yambula ndunyãli ka kuete ohenda.

ASIÕSUILO 1:1

Tali imbo lie yukile omanu, ndomo lia siala upolokoso. Imbo lia kemãlẽle pokati kolofeka lia linga ndocimbumba! Imbo lia kaile nda nasoma pokati kovaimbo akuavo lia linga ukuakulambula!

ASIÕSUILO 1:12

Ko ci sokololi hẽ, ene vosi wu pitiko? Vanji, ho limbuka nda ku li vali esumuo ndeli liange lia mbuila, lina Yehova a muisa keteke lionyeño yaye ya kãla.

ASIÕSUILO 2:17

Yehova wa linga eci a panga. Eci a lipañelele cilo wa ci linga muẽle. Wa nyõla pe, ohenda lakamue, ndeci a tukuile osimbu. Wa tava okuti ovanyãli va yolela ohali yene. Wa yukinya unene wava vo suvuki.

ASIÕSUILO 4:1

Avoyo we! Ulu wa wunda! Ulu wa yenguluiwa wa pongoloka! Ovawe a kola a sandokaila panyãha osi.

ASIÕSUILO 4:11

Yehova ka kandangiyile onyeño yaye, wa sukumũla onyeño yaye yi tokota. Wa timĩhila vo Siono ondalu kuenje ya lia oviseveto viayo.

ESEKIELE 13:13

Oco Ñala Yehova hati, Oco sikisa ofela yonupi lonyeño yange. Kuiya ombela ya lua loku tema kuange. Kuiyavo ociwe ha ci ci nyõli lonyeño yange.

ESEKIELE 19:12

Puãi uti waco wuyuva wa puyiwa lonyẽno, wa kupuiwa posi. Ofela yokutundilo yo kukutisa. Apako awo a loluka lolonavi viawo via pama via teka teka. Ondalu yo nyõla.

ESEKIELE 24:21

Sapuila epata lia Isareli huti, Ca popia Ñala Yehova ceci, hati, Tala, ame sepuisa onjo yange yi kola, haiyo ulamba wunene wene, haiyo esanju liovaso ene, haiyo ocilivelo covitima viene. Omãla vene valume lomãla vene vakãi, vana wa si konyima, va kupuka losipata.

ESEKIELE 30:18

Kuenje vo Tehafinehese, eteke nyõla usoma we Egito, utanya u pongoloka owelema. Leci unene waye, una wo kokisa epela, wimũha oco o sitikua lelende.

YOELI 2:2

Eteke liaco eteke liowelema kuenda esumuo, hailio eteke lialende lowelema walua. Kuiya omanu va pama haivo vakahandangala. Va molẽha kolomunda ndolohuma. Tunde kosimbu ka kua la kala omanu ndovo, ndaño kovaso yanyamo ka ku kala, ndaño kovitumbulukila viya ka ku kala.

MATEO 11:23

Kuenje ove, a Kafarinau, o kemalisilua kilu? Ndati, o lokila vonjembo. Momo ovonene a lingiwa kokuove nda a lingiwilile vo Sodomo nda lia kaile toke etaili.

LUKA 10:15

Lovevo, a Kafarinau, o liamisa kilu? O lokila vonjembo.

LUKA 10:18

Eye wa popia lavo hati, Nda mola Satana wa loka kilu ndociliakulo.

I SAMUELE 4:21

Omo ocikasia covisila via Suku ca kuatiwa kuenda ndatembo yaye la veyaye va fa oco wa luka omõlaco Ikabode, hati, Ulamba wa va Isareli wa va tunda.

I SAMUELE 4:22

Wa popia hati, Ulamba ku va Isareli wa tundako omo ocikasia covisila via Suku ca kuatiwa.