ASIÕSUILO 1:9 - Embimbiliya - Bíblia Sagrada em Umbundu

⁹ Eliño liaye lia vihĩsa olonanga viaye, puãi ka sokoluile enyõlẽho liya, oco okukupuka kuaye ku linga usumba, londembeleki ka kuete. A Yehova, tala ndomo nda mõla ongongo, momo unyãli wa yula!

ASIÕSUILO 1:9 Iomraidhean Croise

II SAMUELE 16:12

Mbi, ciya okuti Yehova o vanja kohali yange kuenje o niuwila luwa esiñalo nda sanga etali.

II OLOSOMA 14:26

Momo Yehova wa mõla ohali ya Isareli, ndomo ya kãla cimue, momo ka kua kaile vali upika pamue omamale, ndaño umue o kuatisa Isareli ka kua kaile.

NEHEMIYA 9:32

Kaliye, a Suku yetu, wu Suku ukuonene, o linga usumba, haive o tẽlaisa ocisila cocisola ka ci pongoloka, ku ka tende ndocina cimue citito ohali yaco yalua ya tu veta, etu lolosoma vietu lolombuale vietu lovitunda vietu lovaprofeto vetu lolosekulu vietu kuenda omanu vove vosi, tunde koloneke violosoma via Asuria toke ketali lilo.

OLOSAMO 119:153

Kũlĩhisa ongongo yange, mopele, momo si ivalako ovihandeleko viove.

OLOSAMO 140:8

A Yehova, ku ka ece kondingaĩvi evi a yongola. Ku ka tave okuti olongombo viayo vĩvi vi amako.

OLOSAMO 25:18

Sokolola ongongo yange lelamba liange. Ngecele akandu ange osi.

OLOSAMO 69:21

Va nyiha ondulu ndokulia kuange. Leci nda kala lenyona va nyiha indangele.

ETUNDILO 3:17

yu nda linga siti, Ndu wupi kohali yoko Egito, ndu tuali kofeka ya va Kanana la va Hiti, la va Amori, kuenda va Perisi, la va Hiwi, la va Yevusi, kofeka yi tumõha asenjele lowiki.

ETUNDILO 3:7

Yehova wa popia hati, Nda mõla ohali yomanu vange va kasi ve Egito. Nda yeva ndeci va lilila asongui vavo vupange, nda kulĩha olohali viavo.

ETUNDILO 4:31

Omanu va tava. Leci va yeva ndomo a nyũla va Isareli, loku limbuka ohali yavo, oco va petama, va fendela.

UKUNDI 4:1

Nda mõlavo akangiso osi a kasi loku lingilua vemehi liekumbi. Kuenje tala, asuelẽla ava va kangisua ya, kuenje ka va kuete u o va lemba; vakuaku va kangisa va kasi lunene waco, puãi ovo muẽle ka va kuete u o va lemba.

ISAYA 3:8

Omo upopi wavo kuenda ovilinga viavo via likala Yehova, via vayela ulamba waye u kola, oco Yerusalãi ya nyolẽha kuenda Yuda ya kupuka.

ISAYA 37:17

A Yehova, vonguila etui liove hu yevi. A Yehova, patulula ovaso ove, hu mõli, yeva olondaka viosi via Senakeriva vina a tuma oku fuanguila Suku yomuenyo.

ISAYA 37:23

Ove wa sawula elie? Wa yola elie epembe? Wa kalukila elie loku u tunguila ovaso? Wa ci lingila U o kola wa Isareli.

ISAYA 37:29

Kuenje omo wa ñuatela onyeño yalua kuenje okulituna kuove kua njevala oco ñapa onjolo yange venyũlu liove lolelia yange vomẽla wove kuenje hu tiuwiya vonjila weyilila.

ISAYA 37:4

Mbi Yehova Suku yove wa yeva olondaka via Ravesiake una cime caye, Soma ya Asuria, a tuma oku fuanguila Suku yomuenyo, kuenda vali mbi Yehova Suku yove o yambuila olondaka viaco a yeva; oco likutililila ocisupe ca sialapo.

ISAYA 40:2

Vanguli la Yerusalãi lolondaka viomboka. U sapuila okuti ovita viaye via pua, lakandu aye a eceliwa. U sapuilavo okuti peka lia Yehova wa yambuiwila luvali akandu aye osi.

ISAYA 47:7

Wa popia huti, Ame ndinakulu ka pui. Oco ovina evi kua vi sokoluile, kuenje kua ivalukile esulilo liavio.

ISAYA 51:19

Ovina evi vivali via ku sanga, elie o ku lembeleka? Koku pindiwa loku nyõlẽha, kuenda onjala losipata, helie o ku lemba?

ISAYA 54:11

Okuangongo, wa pungiwa lehunguhungu yu kua lembelue, tala, nunga ovawe ove avala, seveta ociseveto cove la safira.

YEREMIYA 13:27

Nda mõla akutisasõi ove lukahonga wove, kuenda onambo yove. Nda mõla osõi yupuepue wove koviwulu viovusenge. A Yerusalãi, ngongo yove! Eteke li pi o yelisua?

YEREMIYA 16:7

Lomue eca ombolo yoku lila ku wa fisa, lomue u lembelekela u a fisa. Lomue o wiha okopo yelembeleko ha yi nyuila isiaye pamue inaye.

YEREMIYA 2:34

Kuenda kuwalo wove ku sangiwa osonde yolosuke vie lipua, kua vi sangele leko. Haimo, cosi oco,

YEREMIYA 48:26

Omo Moavi a lipandela Yehova oco u koluisi okuti o tiñolõha vosanjo yaye kuenje o yoliwa epembe.

YEREMIYA 5:31

Ovaprofeto va imbaimba owanji wuhembi, kuenda ovitunda vi vialela kowanji wavo. Kuenje omanu vange oco va sole. Oco hẽ, kesulilo vu linga ndati?

YEREMIYA 50:29

Kongeli Bavulono vakualohonji, u kongeli vosi va nãla ohonji. U ñualĩsi ocilombo cocingonja. Layimue onungi yaye ka yi ka puluke. Lingi laye eci ca soka lovilinga viaye. Ndevi viosi a linga haivio vu u lingilavo, momo wa lipandela Yehova, U o kola wa Isareli.

ASIÕSUILO 1:17

Siono olõla ovaka aye, puãi ondembeleki ka ku li. Yehova wa tukuila ava va lisungue la Yakoba oku linga ovanyãli vaye. Va tenda Yerusalãi ndocina ci koka onyanya.

ASIÕSUILO 1:21

Njevelele ndomo ñenya ñenya, lu o ndembeleka ka ku li. Ovanyãli vange vosi va yeva ongongo yange yu va sanjuka omo ove wa ci linga. Eteke wa tukula liye, oco va kale ndame!

ASIÕSUILO 2:13

Mopia love ndati? Hu setahaisa la nye; a Mõla a Yerusalãi ukãi? Ocilãi ce hu nolẽla okuti hu lembeleka laco, a Mõla a Siono ukãi? Momo enyõlẽho liove lia lua ndokalunga. Helie o ku tumbulula vali?

ASIÕSUILO 4:1

Avoyo we! Ulu wa wunda! Ulu wa yenguluiwa wa pongoloka! Ovawe a kola a sandokaila panyãha osi.

ASIÕSUILO 5:1

Ivaluka, a Yehova, eci tua pita laco. Tala hu vanji epembe lia tu sanga.

HOSEA 2:14

Oco ndu tamba. Ndu tuala kekalasoko. Mbangula laye loku omboka.

SOFONIYA 2:10

Eci oco ci linga onima yavo, yina yi va kokela utuni wavo, momo va tomba omanu va Yehova Ukualohoka, loku lipañela oku va nyõla.

YOANO 11:19

Va Yudea va lua veya ku Marta la Maria oku va lembelekela mume wavo.

ESINUMUĨLO 26:7

Oco tua vilikiya ku Yehova, Suku yolosekulu vietu, leye Yehova wa yeva ondaka yetu, wa mõla ohali yetu, lupange wetu, lotokua yetu.

ESINUMUĨLO 32:27

puãi nda kaile lohele sanga ovanyali vavo va ci yola epembe. Nda kaile lohele sanga ovanyãli vavo va sima eci hacociliko kuenje va popia vati, Tua yula lovaka etu, eci cosi ha Yehovako wa ci linga.

ESINUMUĨLO 32:29

Nda va kaile lolondunge, eci cosi nda ca va lomboloka, nda va limbuka ocili efulilo liavo.

I PETULU 4:17

Momo otembo yeya yokuti ekanga li fetika, kuenje li fetikila pokati komanu va Suku. Kuenje nda li fetika letu, efulilo liava ka va tavele kondaka yiwa ya Suku li kala ndati?

I SAMUELE 1:11

Wa lisilavo ocisila, hati, A Yehova Ukualohoka, nda o tava oku vanja kohali yufeko wove loku njivaluka, okuti oku njivala hacoko, puãi weca kufeko wove omõla ulume, ame omõlaco ndu weca ku Yehova oloneke viosi viomuenyo wange. Kutue waye ka ku piti omoko yomuto.