ASIÕSUILO 1:8 - Embimbiliya - Bíblia Sagrada em Umbundu

⁸ Yerusalãi wa lueya cĩvi, oco wa vihĩla. Vosi vana vo sumbile vo sepula omo va mõla epõlõla liaye. Ocili, eye muẽle o leña leña, loku pukuka.

ASIÕSUILO 1:8 Iomraidhean Croise

EFETIKILO 3:7

Oco ovaso avo a situluka kavali kavo, kuenje va lilimbuka okuti va kasi ño epõlõla; oco va litongela amẽla akuyu ha va liluvikiyila okowalo.

I OLOSOMA 9:6

Puãi nda poku ñuama ene pamue omala vene vu pambuka, kuenje ko lavi ovihandeleko viange lovisila viange vina ndo kapeli kovaso ene, puãi wendi loku vumba olosuku vikuavo loku vi fendela,

I OLOSOMA 9:7

oco Isareli vofeka nda va ihĩle, ndu sonjamo, kuenda onjo yilo yina nda kolisila onduko yange, ndi yi takumula kovaso ange, londuko ya Isareli yi linga ndolusapo kuenda ndepembe pokati kolofeka viosi.

I OLOSOMA 9:9

Kuenje va tambulula vati, Omo va yanduluka Yehova Suku yavo, una wopila olosekulu viavo kofeka yEgito, kuenje va kakatela olosuku vikuavo, va vi fendela loku vi vumba, oco Yehova a va muisila ohali eyi yosi.

ISAYA 47:3

Epõlõla liove li sikuluĩwa, losõi yove yi muiwa. Fetuluinya, ndaño omunu siu supisapo.

YEREMIYA 13:22

Nda o popia lutima wove huti, Ovina evi via mbetela nye?— kũliha okuti omo olongole viove via lua oco onanga yove ya punduiwa kuenje va ku vahila.

YEREMIYA 13:26

oco hu punduila olonanga viove kuenje osõi yove yi mõlẽha.

YEREMIYA 15:4

Ndi va lingisa eci ci yokokisa olofeka viosi viokilu lieve. Ndi ci lingila ovina viosi Manase, omõla a Hesekiya, Soma ya Yuda, a linga vo Yerusalãi.

YEREMIYA 24:9

Ndi va lingisa vakualuhimo lu yokokisa ovosoma osi okilu lieve, okuti va pembuiwa, va sepuiwa, va linga ongombe yomãla kuenje va siñaliwa volofeka viosi omu ndi va sanduila.

YEREMIYA 32:23

Yu va iñilamo kuenje ya linga yavo. Puãi ka va pokuile kondaka yove, ka va endelele vovihandeleko viove; cosi wa va tuma oku linga ovo ka va ci lingile. Oco wa va nenẽla ũvi u wosi.

YEREMIYA 34:17

Oco, ca popia Yehova ceci, hati, Omo ka wa pokuili kuenje ka wa limbilili aluiya oku eca apika, ndeci omunu la manjaye, pamue omunu lu a lisungue laye, oco, tala, ame ndu wimbili oluiya luoku weci kosipata lokefengi kuenda konjala. Oco ca popia Yehova. Ndu lingisi vakualuhimo lu yokokisa ovosoma osi o kilu lieve.

YEREMIYA 4:31

Momo nda yeva okuliyula ndoku kukãi o kasi lolongembia vioku cita uveli waye, okuo oku liyula kuomõla a Siono ukãi. O sakoka, alõla ovaka aye hati, A mãi we! Omuenyo wange wa taka povaka olomondi.

YEREMIYA 6:28

Ovo vosi va piãla oku tamãlala, va enda enda loku lundila. Va soka ndosipi ya tengiwa pamue ndutale. Vosi yavo va vĩha.

ASIÕSUILO 1:11

Omanu vaye vosi va tula tula ovimuẽnyo poku sanda okulia. Va eca ovina viavo via velapo oku tĩla ha va sangi okulia, oco va tate omuẽnyo. Tala, a Yehova, vanja ndomo nda pembuiwa.

ASIÕSUILO 1:17

Siono olõla ovaka aye, puãi ondembeleki ka ku li. Yehova wa tukuila ava va lisungue la Yakoba oku linga ovanyãli vaye. Va tenda Yerusalãi ndocina ci koka onyanya.

ASIÕSUILO 2:10

Akulu vomõla a Siono ukãi va tumãla posi loku ũha. Va litaila oneketela kovitue viavo loku wala ovikẽlei. Afeko va Yerusalãi va petamisila ovitue viavo posi.

ASIÕSUILO 4:21

Yolela ño, loku sanjuka, ofeko we Edome, wunungi yofeka ya Usi. Haimo lumue, okopo yi pitilavo kokuove, love o kolua loku sulũla uwalo, hu kala epõlõla.

ESEKIELE 23:29

Va linga love lesuvu, Vambata apako osi upange wove, kuenje va ku sia epõlõla, lepõlõla liukahonga wove li muiwa. Evĩho liove kuenda ukahonga wove

ESEKIELE 23:46

Oco, ca popia Ñala Yehova ceci, hati, Olohoka vi va katukile oco va yokokisue, va pundiwe.

ESEKIELE 39:23

Lolofeka vi limbuka okuti epata lia Isareli kumandekua lia endeleleko ahuku avo. Omo va ndingilile usuanji oco nda va wundisilile ocipala cange, kuenje nda va telekalele Povaka ovanyãli vavo, yu vosi yavo va kupuka losipata.

HOSEA 2:10

Oco situluila evĩho liaye kovaso a vambaisi yaye, kuenje lomue u popela peka liange.

HOSEA 2:3

sanga ndu sũlũla, ha kala ndeci a kaile eteke a citiwa, sanga ndu lingisa ekalasoko loku u sokisa lekango okuti o fa lenyona.

ESITULUILO 3:18

Oco hu lungula okuti o landa kokuange ulu wa yenguluiwa londalu hu lingi ohuasi, loku landavo olonanga vi yela hu wala ndokuti osõi yepõlõla liove ka yi moleha, loku landa onguendu hu sieketa layo vovaso hu vanji.

I SAMUELE 2:30

Oco Yehova, haeye Suku ya Isareli, wa popia hati, Ocili, nda likuminyile okuti epata liove lepata lia so vu kala ciwa lame otembo ka yi pui. Cilo puãi Yehova hati, Nda litiulamo muẽle. Ava va sumbila ame, ovo sumbilavo, lava va membula ame, ovo va pembuiwavo.